ပိတောက်ဖူး

တန်ခူးနွေရဲ့၊
ဖူးလေတဲ့ ပိတောက်ဝါ။

သင်္ကြန်မိုး၊
မာန်ပျိုးကာ ငြိုးလေသလား၊
ဖြိုးစွေမရွာ။

နှစ်ကူးတဲ့ နွေဆန်းတာ၊
လေကြမ်းသာ သုတ်ဖြူး။

လတန်ခူးအခါ၊
မြအဖူးမှာ မိုးရေဖြန်းပါမှ၊
ဝေလန်းကာ ပွင့်ရှာရမယ်ပေါ့၊
လေကြမ်းသာ ဆင့်လာကြရင်တော့၊
တင့်ကာလှ မပွင့်ဝေခင်၊
လွင့်ကြွေကာ ညှိုးခွေနွမ်းမယ်ကွယ့်၊
မိုးရေဖြန်းမှ သူဝင့်ကာ၊
ပွင့်လွှာမှာ ရွှေပြောက်လူးရမယ့်၊
နွေပိတောက်ဖူး။ ။



မင်္ဂလာအပေါင်းနှင့်ပြည့်စုံသော အတာသင်္ကြန်တော် အခါသမယ ဖြစ်ကြပါစေရန် ဆုမွန်ကောင်း တောင်းချွေအပ်ပါသည်။
တန်ခူးမည်မှတ် ဖက်ဆွတ်ရေတိုး သင်္ကြန်မိုးပြေး ဝေးကွာကင်းပ ကွယ်ပျောက်နေပါသဖြင့် အခါသင့်ပေမင့် မပွင့်နိုင်ရှာသော ပိတောက်ဝါများသို့ ...

ဖတ်ရှုခံစားအားပေးတဲ့အတွက် ကျေးဇူးအထူးပါ ခင်ဗျာ ...
ဟယ်ရီ