Showing posts with label စာဆိုတို့၏ ရတုများ. Show all posts
Showing posts with label စာဆိုတို့၏ ရတုများ. Show all posts

Saturday, 30 October 2010

ရာဇဓာတုကလျာ ဖွဲ့သီခဲ့သော “ကလျာရွှေညီ” ချီ - ရတုပိုဒ်စုံ

သက္ကရာဇ် ၉၆၅-ခုနှစ်၊ တန်ဆောင်မုန်းလရဲ့ နေ့တနေ့ ... ရတုဘုရင်ရဲ့ အသည်းနှလုံးတွေ ကြွေပြုန်းရတဲ့နေ့ဖြစ်ပါတယ်။ အဲဒီနေ့မှာ ဟံသာဝတီ ဆင်ဖြူများရှင် ဘုရင့်နောင်မင်းတရားကြီးနဲ့ ရာဇဒေဝီဘွဲ့ခံ တပယင်းစတုဂါမဏိ သမီးရှင်ထွေးလှ တို့ရဲ့ ဒုတိယမြောက် သမီးတော်၊ ကေတုမတီ တောင်ငူ မဟာဥပရာဇာ ဖြစ်တဲ့ ရတုဘုရင်လို့လည်း တင်စားခေါ်ဆိုကြတဲ့ နတ်သျှင်နောင် ရဲ့ သည်းဦးသခင် ကြင်ယာတော် မိဘုရား၊ အလှဘုရင်မ ရာဇဓာတုကလျာစုဘုရားဟာ သက်တော် ၄၃-နှစ် အရွယ်မှာ နတ်ရွာစံခဲ့ပါတယ်။

ရာဇဓာတုကလျာထိပ်ထားကို မြန်မာသက္ကရာဇ် ၉၂၁-ခုနှစ်၊ နတ်တော်လဆန်း ၁၄-ရက်၊ တနင်္ဂနွေနေ့မှာ ဖွားမြင်ခဲ့ပါတယ်။ နောင်တော်ကြီး ဇင်းမယ်ဘုရင် နော်ရထာစော နဲ့ မောင်တော်ငယ် သိင်္ဃဒတ္တတို့ ရှိပါတယ်။ ဒါကြောင့် ဇင်းမယ်ဘုရင့်နှမတော် လို့လည်း ခေါ်ကြပါတယ်။

ဟံသာဝတီဆင်ဖြူများရှင် ဘုရင့်နောင်မင်းတရားကြီးဟာ ဟံသာဝတီမြို့တော်ကြီးတွင် မဟာစေတီတော်ကြီးကို တည်တော်မူနေတဲ့အခိုက် ဓာတ်တော်မွေတော်တွေကို ဘုရားမှာဌာပနာတဲ့နေ့မှာပဲ ရာဇဓာတုကလျာမင်းသမီးကို ဖွားမြင်တော်မူတဲ့အတွက် ဒါကို အစွဲပြုပြီး ရာဇဓာတုကလျာ လို့တွင်ခဲ့စေပါတယ် (မင်းများနှင့်သာ ထိုက်တန် သော လက္ခဏာရုပ်ရည်နှင့် ပြည့်စုံသည့် သ္မီးတော်ဖြစ်၍ ရာဇဓာတုကလျာ ခေါ်သည် လို့လည်း တချို့ ပညာရှိများက ဆိုကြပါတယ်)။

ဓာတုကလျာထိပ်ထားကိုယ်တော်တိုင် တည်ထားခဲ့တဲ့ “မျှော်တော်ရောက်” ဘုရားဟာလည်း အခုထိတိုင် ပဲခူးမြို့ရဲ့ အနောက်တောလို့ ခေါ်ကြတဲ့ အရပ်၊ မဟာစေတီတော်ကြီးနဲ့ ရွှေကူလေးစေတီတော်တို့ အကြားမှာ တည်ရှိနေသေး သလို ရာဇဓာတုကလျာ သုံးစွဲခဲ့တဲ့ ကျောက်ပျဉ်လို့ သတ်မှတ်ထားတဲ့ ကျောက်ပျဉ်ကိုလည်း ရွှေမော်ဓောစေတီတော်ရဲ့ ပြတိုက်မှာ တွေ့နိုင်ပါတယ်။

သခင်မ ဓာတုကလျာ နတ်ရွာစံလွန်ခဲ့ပြီးတဲ့နောက်မှာတော့ မှီတော်မူခဲ့တဲ့ အုံးဝန်းအောက်ကနေ ပုရပိုက်တဆူ ထွက်လာ ပါတယ်။ အဲဒီ ပုရပိုက်ထဲမှာတော့ ရာဇဓာတုကလျာထိပ်ထားကိုယ်တော်တိုင် တင်သ, ခဲ့ရှာတဲ့ “ကလျာရွှေညီ” ချီ ပိုဒ်စုံ ရတု တပိုဒ်ကို တွေ့ရှိကြရပါတယ်။

ရာဇဓာတုကလျာ ဖွဲ့သီခဲ့သော “ကလျာရွှေညီ” ချီ - ရတုပိုဒ်စုံ

(၁) ကလျာရွှေညီ။ ။ နန်းကေသီသို့၊ ဦးချီလက်စုံ၊ ရှိပဒုံဖြင့်၊ ခိုလှုံဖျဖျ၊ ခစားကြ၍၊ ဂီတသံအေး၊ ငြိမ်လေးညင်းတွဲ့၊ နန်းဟန်ဖွဲ့၍၊ ‎ကနွဲ့ကယ၊ ဖြေဖျော်ကြလည်း၊ သောကကိန်းအောင်း၊ ပူလက်ဟောင်းကြောင့်၊ ပျော်ကြောင်းမထင်၊ ပူကြွေးတင်၍၊ ‎မရွှင်လျက်နှင့်၊ ရွှင်ယောင်ကျင့်သည်။ ။ ခုဖြင့်ဖြေခက်သည်တကား။‎

(၂) မြလွှာဝေစီ။ ။ နွေခဋီဝယ်၊ ရွှေဖီသင်းပျံ့၊ နှင်းရနံ့နှင့်၊ ခင်းညံ့မြေဇာ၊ လေညင်းလာက၊ ရွှေမာလာငုံ၊ ပန်းဝတ်မှုံတို့၊ ‎ကြွေတုံသက်ဆင်း၊ ကိုက်ငုံကင်းနှင့်၊ အင်ကြင်းဖြူနီ၊ ရိုးတံချီလျက်၊ သံညီဥသြ၊ နှုတ်ချိုနှော၍၊ တောင်တောသာခွင့်၊ ‎ရာသီဖွင့်သည်။ ။ နုရင့်နွေစက်လည်တကား။‎

(၃) မဟာစေတီ။ ။ မွေသရီ၏၊ မြေညီခင်းပြန့်၊ တလင်းသန့်ဝယ်၊ နှင်းပန်းတပဲ၊ ဝတ်ဖြူလဲနှင့်၊ နန်းထဲနန်းလေ့၊ သီမဝှေ့ဘဲ၊ ‎ချမ်းမြေ့စိတ်ကြည်၊ ပီတိရည်ဖြင့်၊ ခိုင်တည်နှလုံး၊ တဖြောင့်သုံး၍၊ နှောင်ထုံးကေမင်၊ လျော့ဖြေချင်လည်း၊ ‎နတ်သျှင်သူ့ကြောင့်၊ တရေးမှောင့်ငဲ့၊ မဖြောင့်ပျံ့လွင့်၊ နှောင်ကြိုးဝင့်သည်။ ။ လုလင့်ငွေမျက်ရည်တကား။‎

တချို့ကတော့ ဒီရတုဟာ လယ်တီပဏ္ဍိတ ဦးမောင်ကြီး ရေးတာလို့ ပြောကြပါတယ်။ ဘယ်လိုပဲ ဖြစ်ဖြစ် ကောင်းမွန်လှတဲ့ ရတု တပုဒ်မို့ မျှဝေလိုက်ပါတယ်။


ဖတ်ရှုခံစား အားပေးတဲ့အတွက် ကျေးဇူးအထူးပါ ခင်ဗျာ ...
ဟယ်ရီ

Read More...

Friday, 1 May 2009

ဟေမဝန်မှာ - ကျေးစေရတုပိုဒ်စုံ

‎


မြန်မာရတုတွေရဲ့ဘုရင် အကောင်းဆုံးရတုဆရာ လို့ဆိုကြတဲ့ တောင်ငူဘုရင် နတ်သျှင်နောင် အလွန်ချစ်ခင်မြတ်နိုး ‎စွဲလမ်းနှစ်သက် ခဲ့ရတဲ့ ရာဇဓာတုကလျာမင်းသမီး ရေးသားခဲ့တဲ့ ပိုဒ်စုံရတုလို့ ဆိုပါတယ်။
ဒါပေမဲ့ ဒီရတုကို ပေါရာဏဒီပနီ မှာ လက်ဝဲနော်ရထာက "ဇင်းမယ်ဘုရင် ဆို ရတု" လို့ ရေးထားတာ တွေ့ရပါတယ်။ မြန်မာစာညွန့်ပေါင်းကျမ်းထဲမှာတော့ "ဇင်းမယ်မိဖုရား ဆို ကျေးစေရတု" လို့ ရေးထားပါတယ်။ ရာဇဓာတုကလျာမင်းသမီးကို ဇင်းမယ်ဘုရင့်နှမတော် လို့လည်း ခေါ်ဝေါ်သုံးနှုန်းကြတာမို့ ဇင်းမယ်မိဖုရားနဲ့ မှားယွင်းသွားဟန်တူတယ်လို့ ယူဆပါတယ်။ ရာဇဓာတုကလျာမင်းသမီး ကိုယ်တိုင်ရေးသားတယ်ဆိုတဲ့ ရတု သိပ်များများစားစား မတွေ့ဖူးပါဘူး။ သူရေးတယ်လို့ ယူဆကြတဲ့ "ကလျာရွှေညီ" အစချီ ရတုပိုဒ်စုံကိုလည်း တချို့က "လယ်တီပဏ္ဍိတ ဦးမောင်ကြီး" ရေးထားတာလို့ ဆိုကြပါတယ်။ ဒါကြောင့် ရာဇဓာတုကလျာ မင်းသမီး ရေးတယ်ဆိုတာ မဖြစ်နိုင်ဖို့ များပါတယ်။ ရှေးဟောင်းပေမူတွေများ ရှိသလားတော့ မသိပါဘူး။ အခုအထိတော့ ခိုင်မာတဲ့အထောက်အထား မရှိဘူးလို့ပဲ ယူဆမိပါတယ်။ ဘယ်လိုပဲဖြစ်ဖြစ် ရတုကောင်းတပုဒ်မို့ မျှဝေလိုက်ပါတယ်။

‎ဟေမဝန်မှာ အစချီ - ကျေးစေရတုပိုဒ်စုံ‎

‎(၁) ဟေမဝန်မှာ၊ တောသာတခန်း၊ ‎တောင်ထောင့်ယွန်း၌၊ သိုက်နန်းဗိမာန်၊ ခုမှသွန်၍၊ ဘုန်းဝှန်သနင်း၊ မွေး၍ပြင်းသား၊ တတ်ခြင်းနားဝင်၊ ‎လူမှုကျင်သည်၊ မြသွင်ကိုယ်မွှေး၊ စိန့်ပြည်ကျေး။ ခြားဝေးမြေရှည်၊ တရုပ်ပြည်ကို၊ ဖွေနှည်လုပ်ကြံ၊ ခန့်တိုင်းနွံ၍၊ ‎မယ့်ထံဘုံနန်း၊ ရွှေမြို့ကွန်းသို့၊ စခန်းလှည့်ချီ၊ ပျံလေပြီဟု၊ မိုးဆီတိမ်တွင်း၊ လေကိုချင်း၍၊ လျင်ပြင်းသွားလေ၊ ‎လျှောက်တင်ချေလော့၊ မြုတေပထွန်း၊ ဘုံရွှေနန်းဝယ်၊ ဘက်ကျွန်းစံတင်၊ နောင့်သခင်မူ၊ ဖူးချင်းသံပျောင်း၊ ‎မှီအုံးလျောင်းသည်။ ။ ညောင်စောင်းကျက်သရေဝယ်သောဝ်။

‎(၂) ဝေဇယန္တာ၊ နန်းသာတုလွတ်၊ ‎ဘုံများထွတ်ဟု၊ သုဒဿန၊ နာမတွင်သည်၊ သိကြားတည်သား၊ အမည်လွမ်းရှိန်၊ တာဝတိန်နှင့်၊ နှိုင်းချိန်မြိုင်ဆွယ်၊ ‎ရွှေဇင်းမယ်သို့၊ မှတ်ရွယ်တူရူ၊ ပျံလေမူကား၊ သဲဖြူပေါ်ထွန်း၊ ပြင်သာကျွန်းနှင့်၊ ရစ်သန်းမြလား၊ သံလွင်နားဝယ်၊ ‎ပန်းအားပြေရုံ၊ နားပြီးတုံမှ၊ သဲပုံပုထိုး၊ သုံးလူမျိုးကို၊ ညွတ်ကျိုးကော်ရော်၊ ပူဇော်ခဲ့လျှင်း၊ တညဥ့်တွင်းမှ၊ ‎မလင်းမီခင်၊ သောက်ရောင်ထင်က၊ စောစောထ၍၊ ဌာနမင်းနေ၊ ဘုံရွှေမြေသို့၊ ညနေချမ်းမှန်၊ ရောက်လေတန်၏၊ ‎သဝန်ခွေစာ၊ ဆက်လိုက်ရာကား၊ သင်္ခါအစစ်၊ အာနီနှစ်တွင်၊ မြချည်တင်သို့၊ အသွင်နတ်လောင်း၊ ‎ရူမညောင်းသည်။ ။ ရောင်ကောင်းညက်ထရွေဝယ်သောဝ်။

‎(၃) စေတမန်သာ၊ ဝသန်စာနှင့်၊ ‎ပျူငှါသံဖြ၊ မောင်နှုတ်ကလျှင်၊ ခွန်းမျှမကျန်၊ မှာတိုင်းပြန်လော့၊ နှောင်းစွန်ဖွားမြင်၊ မိသခင်၏၊ လေးပင်သာပျော်၊ ‎ငယ်မည်တော်ကို၊ ထုတ်ဖော်မရက်၊ စုံမက်လှည့်ကာ၊ ကြံရာကြံပြန်၊ မိုးသို့ဝှန်မျှ၊ ရွက်ဟန်ထူးခြား၊ စကားဖြူညက်၊ ‎မဉ္ဖူခက်ကို၊ ဆက်လိုက်သော်လည်း၊ ရွှင်ပျော်နှစ်ခြိုက်၊ မီးရောင်မြိုက်မူ၊ ဦးနှိုက်စံပယ်၊ မဆင်ဖွယ်ဟု၊ ‎ဘုန်းကြွယ်တုလွတ်၊ စွယ်တော်မြတ်ကို၊ ရည်မှတ်ရည်ထင်၊ ပူဇော်တင်၍၊ သံရွှင်သံညောင်း၊ ‎ပြည့်ဆုတောင်းသည်။ ။ နောင်နှောင်းဘက်မကွေရွယ်သောဝ်။

မူရင်းစာလုံးပေါင်းအတိုင်းဖြစ်ပါတယ်။ အချီညီ၊ အချညီ ပိုဒ်စုံရတုပါ။


ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...‎
ဟယ်ရီ
‎

Read More...

Thursday, 30 April 2009

ကလူ၏သို့ မြှူ၏သို့

နဝဒေးကြီး ရေး - ညို့ညို့ပြာပြာ အစချီ အဖြည့်ခံရတု
‎


ညို့ညို့ပြာပြာ၊ ဆင်းပြင်လျာမူ၊ ပြစ်မှာမစက်၊ ဆယ်နှစ်သက်က၊ ချောညက်ညွတ်သွယ်၊ နတ်နှင့်ဆွယ်၍၊ ရွယ်လည်းရွယ်ပျို၊ ညိုလည်းညိုဝင်း၊ ဖြူ ရွှင်းရောရု၊ နောင့်သက်စုကို၊ နှိုင်းရှုချေမူ၊ ထွားပြာဖြူသည်။ ။ မတူ၏သို့ တူ၏သို့။

မို့မို့အာကာ၊ မိုးဒေ၀ါလျှင်၊ ဗယ်ညာ တောင်မြောက်၊ လေပြည်လှောက်၍၊ ဖြိုးဖြောက်ရိုးရဲ၊ လျှပ်ပန်းကြဲလျက်၊ မစဲညင်းညင်း၊ ကျူးတည့်လျှင်း၍၊ ပဝင်းလှည့်လို၊ လွမ်းစိမ့်ဆိုသို့၊ လေချိုပေါင်းညီ၊ ရုံးစုပြီမှ၊ မယ့်ဆီတူရူ၊ သည်မိုးဖြူသည်။ ။ ကလူ၏သို့ မြှူ၏သို့။
အဖြည့်ခံရတု
နဝဒေးကြီး

ရှင်သူရဲဆို အဖြည့်ရတု
သို့သို့ဘာသာ၊ မယ့်နေရာကို၊ အာကာမှိုင်းဝေ၊ နေ့တိုင်းစွေက၊ သက်ဝေမြခဲ၊ သူရဲကြောင့်သာ၊ လွမ်းဗျာပါမူ၊ တိမ်ပြာမကွက်၊ တိမ်နက်မည်းမို့၊ တိမ်ခြေညို့နှင့်၊ ထပ်ပို့မစဲ၊ ရွာသွန်းကြဲက၊ ပုလဲပမာ၊ ဆင်းကလျာလျှင်၊ သစ္စာမြဲတူ၊ တ-လျက်ဟူသည်။ ။ မဖြူ၏သို့ ဖြူ၏သို့။
အဖြည့်ရတု
ရှင်သူရဲ

န၀ဒေးကြီး ရေးခဲ့တဲ့ အဖြည့်ခံရတုကို ရှင်သူရဲက ဖြည့်ဖို့ကျန်တဲ့ တပိုဒ်ဖြည့်ရေးလိုက်တာ ဖြစ်ပါတယ်။
ဒီနေရာမှာ "ဖြူ ရွှင်" (ဖြူစင်ကြည်ရွှင်ခြင်း) ကို "ဖြူ ရွှင်း" ဆိုပြီး ကာရန်ငဲ့ကာသုံးသွားတာကို သတိပြုစေလိုပါတယ်။
ကလူ၏သို့၊ မြှူ၏သို့ စကားလုံးလေးကတော့ လှလွန်းလို့ ဒီနေ့အထိ သုံးနေကြတုန်းပါ။
ရှင်သူရဲ ဖြည့်ရေးထားတဲ့ အဖြည့်ပိုဒ်မှာတော့ "အာကာမှိုင်းဝေ" နေရာမှာ အာဏာမှိုင်းဝေ၊ တ-လျက်ဟူသည် နေရာမှာ တ-လျက်ယူသည်၊ တ-လျက်ရူသည် ဆိုပြီး မူကွဲလေးတွေ တွေ့ရပါတယ်။

ဖတ်ရှုခံစားအားပေးတဲ့အတွက် ကျေးဇူးအထူးပါ ခင်ဗျာ ...
ဟယ်ရီ
‎

Read More...

Saturday, 8 November 2008

ဝေရွှန်းစန္ဒာ

ဝေရွှန်းစန္ဒာ အစချီ အချီညီအချညီ ပိုဒ်စုံ ရတု

ရေးသူ - လက်ဝဲသုန္ဒရအမတ်ကြီး ဦးမြတ်စံ (ဘယနန္ဒမိတ်၊ မဟာသီဟသူရ) (၁၀၈၅-၁၁၆၁)

(၁) ဝေရွှန်း စန္ဒာ။ ချမ်းရိပ်သာသို့၊ မျက်နှာ တူရူ၊ တ-သည်သူလျှင်၊ ဇဗ္ဗူ အောင်ခန်း၊ ရွှေပြည်နန်းသို့၊ ရောက်ပန်းကြီးအင်၊ နေ မရွှင်ခဲ့၊ လွင်လည်း တဆိုင်၊ မြိုင်လည်း တထွေ၊ မြေလည်း တထူး၊ ဝေးခေါင်ကြူးသို့၊ ရောက်ဖူးမည်ထား၊ ရွှေညာဖျားလည်း၊ ရှေးကား မဆွ၊ ကြားရသည်သာ၊ ဘယ်ရပ်မှာဟု၊ ကြောင်းရာ တစိ၊ တပ်မသိခဲ့၊ ကျွန်းကြီ့ချက်ချာ၊ တို့နေရာနှင့်၊ ဘာသာကွဲလမ်း၊ မြိုင်တောဝှမ်းဝယ်၊ အချမ်း မတူ၊ အပူ အမျှ၊ ကြုံပြန်ရရှင့်၊ သိင်္ဃအောင်မြေ၊ လယ်ချက်ဗွေ၌၊ နေလည်း တဆန်း၊ နန်းလည်း မခြား၊ မထွေပြားတည့်၊ ကိုးပါး န၀ရတ်၊ ရွှေပြသာဒ်က၊ မျက်မြတ် လျှံရည်၊ ထွန်းလှည့် လည်သည်။ ။ နေခြည်ထဲတွင် ပါလိမ့်မည်။

(၂) နေ၀န်းဖန်ဝါ။ ထိန် စကြာလည်း၊ အာကာဖိတ်ဆီး၊ ကျွန်းလုံးညီးမျှ၊ ထိနီးမိုးလယ်၊ ဖြိုးဖြိုးကယ်၍၊ အံ့ဘွယ်ယှက်သန်း၊ ရှုမခန်းတည့်၊ ရွှေနန်းမှန်ဆီ၊ ရှိရာဆီသို့၊ မြှောက်ချီဦးတင်၊ စက်ရာဝင်လည်း၊ ကြည်လင်ရှိခိုး၊ စက်ရာနိုးလည်း၊ လက်မိုးလှည့်လည် မျှော်မိသည်ရှင့်၊ ရွှေပြည်တော်မှာ၊ ခုချိန်ကာကို၊ သူဇာသာစံ၊ မိတ်နံ မပြား၊ ဓာတ်တံခါး၏၊ ယွန်းစား ရှေ့မှာ၊ ပျော်ဘွယ် သာရှင့်၊ သီတာ ပတ်ကုံး၊ မြစ်နှင့် ကျုံးလည်း၊ တလုံးတည်းရေ၊ စီးတွေတွေ တည့်၊ မိုးနွေ မခေါင်၊ လက်ယာ မြှောက်လျက်၊ နတ်ဆောင်ယူပို့၊ လေ၏သို့လျှင်၊ ရွှေမြို့ရွှေပြည်၊ ၀န်းပတ်လည်သည်။ ။ ရေကြည် သဲပြင် သာလိမ့်မည်။

(၃) နွေကျွန်းသန်ခါ။ ခုချိန်ခါကို၊ ကျောင်းသာရာမ်ခင်း၊ စေတီတွင်း၌၊ သီတင်းအလှူ၊ ရွှေပြည်သူတို့၊ ဆုယူ စည်းဝေး၊
ဖြူဖြူ ဖွေးလိမ့်၊ စက်မှေးခိုက်တွင်၊ အိမ်မက်မြင်သို့၊ မရွှင် ရူတ၊ လွမ်းလိုက် လှရှင့်၊ ညွှန်ပြ ကျိုးဆက်၊ ဆယ်ကျော်သက်က၊ ကြင်ဖက်အတူ၊ တောင်းဆုယူသည်၊ အိမ်သူ ချောသွယ်၊ သုံးယောက် မယ်နှင့်၊ ပင်လယ်ခြားရာ၊ ခရီး ကွာသို့၊ မှာလည်း မကြား၊ သွားလည်း မသင့်၊ ဖြစ်သဖြင့်လျှင်၊ ပူခွင့် ရှည်ရေး၊ ရှိချေသေး၏၊ ရင်သွေး ရွှေတောင်၊ သား မောင်နှမ၊ ဆင်းသိင်္ဂတို့၊ မွေးဘ ရင်ခွင်၊ ရွှေလက်တင်၍၊ ယူငင် ပိုက်ဖြား၊ ဖျော်မည်များနှင့်၊ နှစ်ပါး မျက်ခြည်၊ သားနှင်းရည်သည်။ ။ ရွှေလည်ဆွဲချင် ရှာလိမ့်မည်။

Read More...

Saturday, 2 August 2008

မဲဇာသစ်တောဖွဲ့  (မဲဇာတောင်ခြေ အချီညီအချညီ ပိုဒ်စုံ ရတု)

ရေးသူ - လက်ဝဲသုန္ဒရအမတ်ကြီး ဦးမြတ်စံ (ဘယနန္ဒမိတ်၊ မဟာသီဟသူရ) (၁ဝ၈၅-၁၁၆၁)

၁။
မဲဇာတောင်ခြေ၊ စီးတွေတွေတည်း၊ မြစ်ရေ၀န်းလည်၊ မြိုင်တောဆီက၊ ရွှေပြည်ကိုသာ၊ တ-ရှာတော့မိ၊ မိုးရှိရှိလျှင်၊ သီရိကြက်သရေ၊ တက်ဖြိုးဝေသား၊ အောင်မြေကြော့ကြော့၊ ကုန်းမော့မော့နှင့်၊ ဘိုးတော့်ကောင်းမှု၊ တည်ထားပြုသည်၊ ဇမ္ဗူ့ဆီမီး၊ ခြောက်ရောင်ညီးမျှ၊ ဂူကြီးသခင်၊ ရွှေလင်းပင်နှင့်၊ ရွှေခြင်္သေ့မွေ၊ စ၍ရေသော်၊ ရွှေစေတီကြီး၊ အသီးသီးတည့်၊ ပိတ်ဆီးခြယ်သန်း၊ လျှပ်ရောင်တန်းမျှ၊ ရွှေနန်းရွှေဘုံ၊ အလုံးစုံကို၊ အာရုံမျက်မြင်၊ ဖူးမျှော်ချင်၍၊ သည်တွင်ရွှေမြို့၊ သည်သို့စေတီ၊ သည်ဆီရွှေနန်း၊ ဖြောင့်တန်းတော့မည်၊ စိတ်က ရည်သည်။ ။ ရွှေပြည်ဌာန ဝေးသောကြောင့်။

၂။
သဲသာသောင်မြေ၊ မြစ်ကမ်းခြေလည်း၊ အကြေတပြင်၊ တို့အောက်ခွင်ဝယ်၊ ရေယဉ်ပတ်ဝန်း၊ ပျော်ဘွယ်ထွန်းလိမ့်၊ တကျွန်းလောက်ပင်၊ ဝေးမည်ထင်ခဲ့၊ စီးသွင်ညိုရစ်၊ မဲဇာမြစ်လည်း၊ ထစ်ထစ်ထွန်းဘိ၊ ချုံအတိနှင့်၊ တောကြီ့းဆိတ်ညံ၊ ဆည်းကျံကျံဝယ်။ ဓူဝံ မပေါ်၊ မမျှော်ပါရ၊ နေကိုတ-လည်း၊ ဘယ်ကရှေ့နောက်၊ ဘယ်တောင်မြောက်ဟု၊ တွေးထောက်မမှန်၊ ဖန်ဖန်အံ့သြ၊ ကြံတိုင်းမောစွ၊ ဘယ်တောဘယ်မြိုင်၊ မသိနိုင်ခဲ့၊ မခိုင်စိတ်ဝမ်း၊ နေ့တိုင်းလွမ်းရှင့်၊ ကင်းစမ်းတောင်က၊ လေဦးစ၍၊ နောက်မှလေရှည်၊ အတည်တည်သည်။ ။ လေပြည်လာက အေးသောကြောင့်။

၃။
ပွဲခါညောင်ရေ၊ သွန်းမြဲပေတည်း၊ ရိုသေသဒ္ဓါ၊ ထုံးစဉ်လာဖြင့်၊ မဲဇာရပ်သူ၊ တောင်းဆုယူသည်၊ ရွှေဂူတော်နှင့်၊ ရှုတိုင်းတင့်သား၊ မိုးမြင့်သီခေါင်၊ မဲဇာချောင်က၊ တတောင်လုံးမှိုင်း၊ စ၍ဆိုင်းသော်၊ တောင်တိုင်းရှက်၍၊ ၀န်းကာ ဝှေ့လည်း၊ တောင်ငွေ့ဝေေ၀၊ အထွေထွေနှင့်၊ လေလည်းရောရာ၊ မိုဃ်းမပါဘဲ၊ သံဝါဖြောက်ဖြောက်၊ ဆီးနှင်းပေါက်လည်း၊ မိုးဃ်းလောက်ပြင်းထန်၊ သွန်းချ ပြန်သော်၊ ယုဂန်ထင်ရှား၊ တောင်တော်ဖျားက၊ ရထားယာဉ်သာ၊ နေစကြာလည်း၊ ရောင်ဝါမထွန်း၊ ချမ်းရှာလွန်း၍၊ တည့်မွန်းချိန်နေ၊ ရောက်လွယ် စေဟု၊ စေ့ရေလှည့်လည်၊ တ, လျက်မြည်သည်။ ။ နေခြည်ဖြာမှ နွေးသောကြောင့်။

လက်ဝဲသုန္ဒရ ရဲ့ နာမည်ကျော် မဲဇာတောင်ခြေပါ။ မဖတ်ဘူးတောင် နာမည်ကိုတော့ အားလုံးကြားဖူးကြလိမ့်မယ်လို့ ထင်ပါတယ်။

Read More...

တောင်ငူဘုရင် နတ်သျှင်နောင် ရေး - ပေါ်နွေလလျှင် အစချီ ပိုဒ်စုံရတု

(၁) ပေါ်နွေလလျှင်၊ တောင်ကချိမ့်မြူး၊ မင်းလွင်ဦးနှင့်၊ ပျံ့ဖြူးချုပ်ဆိုင်း၊ မုန်တိုင်းဆင်လို၊ တိမ်ညိုမှိုင်းထပ်၊ ပျပ်လျက်ပြကာ၊ စိမ်းဝါမိုးပန်း၊ ထွေထွေမွှန်းက၊ ရေသွန်းသာကြည်၊ ပျော်ရမည်ကို၊ မြရည်သက်မှတ်၊ ရောက်ခဲလတ်ဟု၊ ချစ်ထွတ်တင်သည်၊ ပြာစင်မွန်လတ်၊ ဖြူဝင်းမွတ်လျှင်၊ ကြာညွှတ်ဖယောင်း၊ နေရှိန်ပြောင်းသို့၊ ဆင့်လောင်းလောင်းဝှန်၊ ရှိလိမ့်ဟန်ကို၊ တိမ်စွန်လေလျင်၊ ဖူးရောက်ချင်သည်။ ။ ငှက်သွင်ပျံကြွ-မတတ်သောဝ်။

(၂) မြှော်ချေကလျှင်၊ ကာလအလျောက်၊ ပိတောက်လျှံကဲ၊ ရွှေရည်စွဲက၊ ပုလဲငုံသွယ်၊ အလှယ်လှယ်တည့်၊ စပယ်ဖြူမွှေး၊ စကားသေးကို၊ မြတ်လေးစုံမက်၊ ကျွန်ုပ်လက်နှင့်၊ ရွေးလျက်ရွရွ၊ မဆင်ရတည့်၊ ကာလသို့အောင်၊ ရည်ဆောင်ပန်းမာလ်၊ မမီလွန်ခဲ့၊ ချိန်တန်သို့သည်၊ ဖြန့်မည်လေသာ၊ မရောက်လှာဟု၊ ကြံကာခွေ၍၊ နေလိမ့်မည်ကို၊ ရှိသည်မှုရန်၊ မင်းရေးဝန်ကြောင့်၊ လျှောက်ပန်စေမျှ၊ မချေရသော်၊ ပြိုက်ကျသွယ်ဖြည်း၊ နှင်းထက်သည်းလျှက်၊ ဝမ်းနည်းလျှက်ပင်၊ ရှိလိမ့်ထင်သည်။ ။ ညက်စင်စံမျာ့-အထွတ်သော်။

(၃) ဖျော်ဖြေမှလျှင်၊ ယုယသံချို၊ ပြေလိုစိမ့်သား၊ ကျူးပိုက်ဖြား၍၊ ချီသွားမူးမူး၊ နွေရက်ဦးက၊ မကြူးထင်ထင်၊ ကဆုန်တွင်ကို၊ ကျိုင်းစင်မြခဲ၊ စစ်ပွဲရန်နှည်၊ ပြန်လျှင်းမည်ဟု၊ နှုတ်ခြည်ပေါ်သာ၊ ဆိုလေရှာသော်၊ မာလာရနံ့၊ ထုံပျံ့ပန်းသတ်၊ ခြူးနတ်ဆင်လုံး၊ စိန်ပွင့်အုံးဝယ်၊ ပွင့်ရုံးရွရွ၊ လက်သင်မ၍၊ သက်မျှငယ်ချစ်၊ ပျောင်းလိမ့်ဖြစ်ကို၊ စိစစ်မိမိ၊ သတိချုပ်ဆည်၊ ပြေမည်မျှဝေး၊ ချစ်ဝန်လေးခဲ့၊ ရေးရေးဖူးချင်၊ မယ်သို့လျင်သည်။ ။ စက်ရှင်လျှံမျှ-ရဟပ်သော်ဝ်။

နတ်သျှင်နောင်

(မူရင်းစာလုံးပေါင်းများ အတိုင်းဖြစ်ပါသည်။)

Read More...