Showing posts with label တေးထပ်. Show all posts
Showing posts with label တေးထပ်. Show all posts

Tuesday, 2 October 2012

ပညာရှင် ... ဆိုပဲ

ခက်တော့ခက်သားဗျာ ... စာလေးတအုပ်ဖတ်ပြီး ကိုယ့်ကိုယ်ကို ပညာရှင်လို့ မရှက်မကြောက်ပြော ... ဒါပေမဲ့ အဲဒီထဲမှာ မပါတဲ့ဟာဆို ဘာမှမသိတော့ဘူး ... ဘယ်လောက်များလဲဆို လေးချိုးငယ်ကို လေးဆစ်လို့ ခေါ်မှန်းတောင် မသိတဲ့အထိ ... သိအောင် ပြောပြပြန်တော့လည်း လက်မခံချင် ... ကိုယ့်ဟာကိုယ် အဟုတ်ကြီးမှတ်ပြီး ခံငြင်း ... နောက်ဆုံး မယှဉ်နိုင်မှန်းသိတော့ ရှက်ရမ်းရမ်းပြီး တွေ့ကရာ လျှောက်ပြော ... လျှောက်ရမ်း ... ရိတိတိလာလုပ် ... အဲ့လို ရေတွင်းထဲက ဖားကလေးတွေ Facebook မှာ အတော်တွေ့ရပါတယ် ... အဲဒါနဲ့ ဒီတေးထပ်လေး ရေးလိုက်တာပါ ... ဖတ်ကြည့်ကြပါဦး ...

ဖတ်ဖူးတာ စာတအုပ်၊
ကဗျာစုတ်နဲ့ မာန်ထချင်၊
မသာရုပ်နဲ့ ဟန်လှပြင်၊
မှန်စွထင် နေသည့်ဖား၊
ရေတွင်းထဲ အဆာကျယ်၊
ကမ္ဘာနယ် မသိရှာပါလား။

စာတမူးနဲ့ ကဗျာရူးပြန်၊
ခြာတူးလန် ငကြွား၊
ပြာကလူးညံ စကားတွေက၊
နှစ်ပြားမှ မတန်၊
ပေါကြောင်ကြောင် ဝင်ဝင်ပြောတော့
တသောသော ရယ်ရတာအမှန်။

ငွေတကျပ်နဲ့ သူဋ္ဌေးဟန်၊
အတွေးမမှန် အရှက်မဲ့စွာနဲ့
သူဟာတဲ့ ပညာရှင်
ဟားတိုက်ရယ်ချင်၊
ခွေးမိုက်က လမင်းဟောင်ချင်၊
မြဆင်းရောင်စဉ် ပိုလင်းသတဲ့လေး။ ။

(သောက်မြင်ကပ်ဘွဲ့ - တေးထပ်)

ဖတ်ရှုခံစားအားပေးတဲ့ သူများအားလုံးကို ကျေးဇူးတင်ပါတယ် ခင်ဗျာ ... ဝေဖန်ချင်လည်း အားမနာတမ်း ဝေဖန်သွားနိုင်ပါတယ် ...

ဟယ်ရီလွင်





Read More...

Monday, 11 June 2012

ပြာကျမှ ပြန်ပါ

ပြာကျမှ ပြန်ပါ

ချစ်ရသူ ခင်ခင်ငဲ့၊
ဘဝင်မြင့်သက်ညှာ၊
ဆင်မသင့် ခက်ပါသည်၊
သက်သာရာမရ၊
သည်ကိုဖြင့် တိမ်းခဲ့ချော်ပြီ၊
စိမ်းနဲ့နော် ဘုန်းခင့်လာပ။

ကလာပ်စုရုပ်ကြွင်းကို၊
ပြုတ်ယွင်းယိုကာလ၊
ဖုတ်သင်္ဂြိုဟ်ဈာပန၊
ပြာကျမှ ပြန်ပါ၊
ဝဇီရာစိန်သံလျှင်းငယ်နှင့်၊
တရှိန်ချင်း လှမ်းချင်လို့မှာ။

ဝတိံဆင်း နန်းကိန္နရာလို၊
လျှမ်းထိန်ဝါဝေဝင်းနှင့်၊
ရွှေပယင်းငွေလက်တော်၊
ဘုန်းကိုင်ခဲ့နော်၊
အသုဘကမ္မဋ္ဌာန်းတော်ကို၊
ကြဌာန်းပျော် အိုရှုလှည့်လေး။ ။

(တောင်သမန်လယ်စား မောင်ဖေငယ် )

တောင်သမန်လယ်စား မောင်ဖေငယ် ကွပ်မျက်ခံရကာနီးတွင် နောက်ဆုံးရေးသား၍ သူ့ကျေးဇူးရှိဖူးသူ မိုးကောင်းဝန်မင်းအား ပေးခဲ့သော တေးထပ် ဖြစ်ပါသည်။

အကွပ်မျက် မခံရမီ ရာဇဒဏ်ဖြင့် မိုးကောင်းသို့ ပို့ကာ မောင်ဖေငယ်အား ချုပ်နှောင်ထားလေသည်။ မိုးကောင်းမှ တဖန် သူ့အားကွပ်မျက်ရန် ဗန်းမော်သို့ ထပ်ဆင့်ပို့လိုက်ပြန်သည်။ ဗန်းမော်သို့ ပို့ကာနီးဆဲဆဲ မိုးကောင်းတွင် ချုပ်နှောင်ထားခြင်း ခံနေရစဉ် မောင်ဖေငယ်သည် သီပေါဘုရင် နှင့် စုဘုရားလတ် အပါးတွင် အလွန်ချောမောပြေပြစ်သော မိဘုရားအသစ်ကလေးတပါး အမြဲလိုလို တွေ့နေရသည်ဟူသော သတင်းကို ကြားသိလိုက်ရသည့်အခါ တိတ်တခိုးချစ်ရသော သူ့ညီမလေး ခင်ကြီး (ဒိုင်းခင်ခင်) တယောက် မိဘုရားအဖြစ် ပျော်ရွှင်စွာ စံမြန်းနေရပေပြီဟု ဝမ်းသာဝမ်းနည်း ဖြစ်မိရှာလေသည်။ ထို့ကြောင့်ပင် သူ့ရုပ်အလောင်းအား လာရောက် ရှုစားတော်မူလှည့်ပါဟု သံတော်ဦးတင်လိုက်ခြင်း ဖြစ်ပေသည်။

(သို့ရာတွင် မောင်ဖေငယ် မသိလိုက်သည်မှာ သူအလွန်ချစ်သော ညီမလေး ခင်ကြီး (ဒိုင်းခင်ခင်) သည် သီပေါဘုရင်၏ ရင်သွေးကို လွယ်ထားရင်း တိုင်တားမင်းကြီး၏ မြင်းဇောင်းထဲတွင် လျှို့ဝှက်အကျဉ်းစံဘဝဖြင့် ဆင်းရဲကျပ်တည်းစွာနေနေရရာမှ စုဘုရားလတ် လက်ချက်ဖြင့် လည်မျိုပေါ်ကျဆင်းလာသော ပါးကွက်သားများ၏ တုတ်ချက်ကို သနားစဖွယ်ခံစားရင်း သူ့ထက် အရင်ဦးစွာ လူ့လောကမှ ထွက်ခွာသွားရရှာလေပြီ ...)

မေတ္တာဖြင့်

ဟယ်ရီလွင်

Read More...

Saturday, 2 June 2012

ဒေါင်း

ဒေါင်းမိခင် နဲ့ ခွပ်ဒေါင်းမျိုးဆက်ဟောင်း၊ မျိုးဆက်သစ်များကို လေးစားစွာ ဂုဏ်ပြုပြီး ဖွဲ့ဆိုထားတဲ့ စကြာတေးထပ်လေးဖြစ်ပါတယ် ...


"ဒေါင်းအချီ" ဆိုတဲ့ နေရာကနေစပြီး လက်ဝဲရစ် ဖတ်သွားရပါမယ် ... ဒီလိုတွေ့ရပါလိမ့်မယ် ...



ရေးသားပုံ အနေနဲ့ ကြည့်ရင် လေးထပ်ကြော့ စကြာတေးထပ်လို့ ခေါ်ပါတယ် ... ဒေါင်း ဆိုတဲ့ စကားလုံးကို လေးခါပြန်ကြော့ ထားလို့ပါ ... ကျနော် အရင်ရေးဖူးတဲ့ လွမ်းလှိုက်လျက်လေး နဲ့ စိမ်း လို ပုံစံမျိုးပါပဲ ... ဒါပေမဲ့ ဒီတေးထပ်က ကာရန်ယူပုံအမျိုးအစား အနေနဲ့ ကြည့်ရင် သုံးချက်ညီတေးထပ်ထဲမှာ ပါပါတယ် ... အပြည့်အစုံ ခေါ်မယ် ဆိုရင် သုံးချက်ညီ လေးထပ်ကြော့ စကြာတေးထပ် လို့ ပြောရပါလိမ့်မယ် ... (လွမ်းလှိုက်လျက်လေး နဲ့ စိမ်း က အရိုးခံတေးထပ်အမျိုးအစား ဖြစ်ပါတယ်)

အမျိုးသားဒီမိုကရေစီအဖွဲ့ချုပ် အလံပါ ဒေါင်းပုံကို ယူသုံးထားပါတယ် ... ခွင့်ပြုချက်မတောင်းခံနိုင်တဲ့အတွက် ဒီနေရာကနေပဲ တောင်းပန်လိုက်ပါတယ် ... ခွင့်ပြုနိုင်မယ်လို့လည်း မျှော်လင့်ပါတယ် ...

ဒေါင်းမိခင်နှင့် ခွပ်ဒေါင်းများအားလုံးအား လေးစားဦးညွတ်လျက်

ဟယ်ရီလွင်

Read More...

Wednesday, 18 April 2012

နှစ်ကူးတမ်းတလွှာ

နှစ်ကူးတမ်းတလွှာ

ဝေဆာလေမှာ နွေခါရောက်တော့၊
ရွှေဝါပိတောက် သင်းပျံ့ချီ၊
မြေမှာတလျှောက် ခင်းဖြန့်သီတယ်၊
ဝင်းဖန့်ရီရီ ပိတောက်လမ်း၊
မှန်းဆတမ်းတ လွမ်းရပါသည်၊
လန်းကြခါမီ နှစ်ကူးရာသီပန်း။

ရှေးဖြစ်တွေးစစ် ဝေးရစ်ကြာပြီ၊
လေးနှစ်ရာသီ အတာနန်း၊
ဆွေးရစ်ကာသီ ကဗျာတမ်းလို့၊
တခါအလွမ်းဆင့်ကာဖြေ၊
စိတ်မှာရိပ်ဖြာ လိပ်ပြာလွှင့်၊
မှိတ်ကာတဆင့် လွင့်မျောတ,လို့နေ။

တွေးကြည့်ဝေးဘိ အေးသည့်အတာရေ၊
မွေးမိဌာနေ သင်္ကြန်ပွဲနဲ့၊
အဖန်ဖန်ပဲ နွှဲလို့အရင်ခါ၊
လွဲလို့ မရွှင်ပါ၊
တူးပို့မြူးဖို့ ပိတောက်ဝါရယ်၊
မရောက်တကမ္ဘာ ကြာလွန်းပြီထင့်လေး။ ။


ရှစ်ဆယ်ပေါ်တေးထပ် ရေးကြည့်လိုက်တာပါ ... ရေးတဲ့သူ တော်တော်လေး နည်းနေပါပြီ ... မတွေ့ရတော့ သလောက်ပါပဲ ...
နှစ်သစ်မှာ ပျော်ရွှင်ချမ်းမြေ့ကြပါစေ ခင်ဗျား ...

ဟယ်ရီ

Read More...

Sunday, 12 February 2012

ကမ္ဘာ‎ နှစ်ခါပျက်စေတော့

ကမ္ဘာ‎ နှစ်ခါပျက်စေတော့

မြမြင်းမိုရ် တောင်ကွဲမှ၊
ရှောင်လွဲမည့်(မဲ့) သက်ကယ်၊
မောင်ဆွဲ(စွဲ)တဲ့ မျက်ခြယ်ကို၊
ပျက်ပြယ်ပြယ် မမုန်း၊
မိုးပြိုလို့ မြေထောင်စေ၊
သေတိုင်အောင် စွဲတဲ့ နှလုံး။

ကြွေကျလို့ နေလကွယ်ရင်၊
သွေပမယ် အဆုံး၊
ရွေမျာ့းမယ် တဘုန်းကို (ဖြင့်)၊
မမုန်းဘု အလွန်။
ကမ္ဘာ ကိုနှစ်ခါပျက်စေတော့၊
မခွာရက် ပေါင်းမယ်လို့သွန် (ညွှန်)။

ကြာကနက် သောင်းဝှန်မှာ၊
ဒေါင်း ပုဇွန် ဝံ ငါးနှင့်၊
ညွှန်ကြားတဲ့ စာလေးမယ်၊
ပိန်းပျောက်လို့ကွယ်၊
နှင်းဆက်တဲ့ ဆင်းမျက်ခြယ်ကို၊
ယွင်းကွက်မယ် ကြံဘူးပ(ကွဲ့)လေး။

သစ္စာတိုင်ဖွဲ့
စလေဦးပုည

( ) ကွင်းအတွင်းရှိစာသားများမှာ မြန်မာမိသားစုဖိုရမ်တွင် ကြယ်စင်စိုး တင်ပေးထားသည့် ကဗျာတွင် ဖော်ပြထားသည့် အတိုင်း ဘာချာသိပ္ပ ဝိစိတြ ကဗျာ့ရာသီကျမ်း မှ ကောက်နှုတ်ချက်ဖြစ်ပါသည်။


ညီမလေး ကြယ်စင်ရဲ့ ကြယ်စင်ချစ်သောကဗျာများထဲမှာ ကျနော် ရှင်းထားတာလေးကို ဆက်တင်ပေးလိုက်ပါတယ် ...
ဒေါင်း၊ ပုစွန်၊ ဝံ၊ ငါး နှင့် ညွှန်ကြားတဲ့ စာလေးမယ် ဆိုတာက စ၊ ဓ၊ ဗ၊ ဝ ဆိုတဲ့ ဓာတ်စမ (စာမ) လေးလုံးကို ပြောတာပါ ...
စာလေးမယ် ဆိုတာ စာလေးလုံးကိုဆိုလိုပါတယ် ... အမယ်လေးမျိုးလို့ ပြောတာပါ ...
ဒေါင်း၊ ပုစွန်၊ ဝံ၊ ငါး ဆိုတဲ့ သတ္တဝါလေးမျိုးနဲ့ အဲဒီစာလေးလုံးကို ညွှန်ကြားပြသထားပါတယ်ပေါ့ ... ဘယ်လိုပြသလဲဆိုတော့ ...
(၁) ‘ဒေါင်း’ ဆိုတာက ဒေါင်းအမြီးဖျားမှာ ‘ဓ’ အက္ခရာ
(၂) ‘ပုစွန်’ ဆိုတာက ပုစွန်လုံး (ကဏန်း) ရဲ့ ကိုယ်မှာ ‘ဗ’ အက္ခရာ
(၃) ‘ဝံ’ ဆိုတာက ဝံ(ဝက်ဝံ) ရဲ့ ရင်ဘတ်မှာက ‘ဝ’ အက္ခရာ
(၄) ‘ငါး’ ဆိုတာက ငါးရံ့ဒိုင်း ရဲ့ အမြီးမှာ ‘စ’ အက္ခရာ ရှိပါတယ်

ကမ္ဘာဦးတည်စကတည်းက ဒီသတ္တဝါလေးမျိုးရဲ့ကိုယ်မှာပါတဲ့ ဘယ်အခါမှ မပျောက်ပျက်နိုင်တဲ့ စာကြီးတွေလို့ အဆိုရှိထားပါတယ် .. အဲဒီစာတွေ ပျောက်ကွယ်သွားတောင်မှ မသွေခွာပါဘူး လို့ သစ္စာတိုင်တည်ထားခြင်း ဖြစ်ပါတယ် ..

“ပုစွန်၊ ဝံ၊ ငါး၊ ဒေါင်းမြီးဖျားမှာ၊ စာလေးပါး ကျေကာမှ၊ သွေပါ့မယ် လှယဉ်ကြူးငဲ့ ...” လို့လဲ ဦးပုညက ဝိဇယပြဇာတ်မှာ ရေးထားပါသေးတယ်။

ဒီ စမလေးလုံးက ဓနသိဒ္ဓိ နဲ့ ပီယသိဒ္ဓိ ဆိုတဲ့ သိဒ္ဓိ ၂-ပါးကို ပြီးစေနိုင်တယ်လို့ လောကီဂမ္ဘီရပညာရှင်တွေက ယူဆကြပါတယ်။

ဟယ်ရီလွင်

Read More...

Tuesday, 2 March 2010

စိမ်း

‎‎‎‎‎‎

စိမ်‎း‎သခင်စိမ်‎း‎‎‎ထင်ပြ၊‎‎စိမ်း‎‎‎ပင်မြ‎‎စိမ်း‎‎‎ဆင်၊
‎စိမ်‎း‎‎‎သွင်လျ‎‎စိမ်‎း‎‎‎ပြင်ပြင်၊‎‎စိမ်း‎‎‎အစဉ်‎‎စိမ်း‎‎‎ရက်၊‎
စိမ်‎း‎‎‎တသက်‎စိမ်‎း‎မျက်ခြယ်၊‎‎စိမ်း‎‎‎လက်ဝယ်‎‎စိမ်း‎‎‎ပုံဆင်လျက်။‎
‎စိမ်‎း‎‎‎ရင့်ရင့်‎‎စိမ်‎း‎‎‎ဆင့်ရာ၊‎‎စိမ်း‎‎‎ပွင့်ညှာ‎‎စိမ်း‎‎‎ရွက်၊‎
‎စိမ်‎း‎‎‎ရင့်ဖြာ‎‎စိမ်‎း‎‎‎ဖက်လို့၊‎‎စိမ်း‎‎‎ခက်ခက်‎‎စိမ်း‎‎‎မူ၊‎
‎စိမ်‎း‎‎‎တမင်‎‎စိမ်‎း‎‎‎ပင်စိုက်ပါလို့၊‎‎စိမ်း‎‎‎ရင်ပိုက်‎‎စိမ်း‎‎‎ရက်လေသူ။‎
‎စိမ်‎း‎‎‎သွေ့သွေ့‎‎စိမ်‎း‎‎‎ငွေ့ပူ၊‎‎စိမ်း‎‎‎လေ့သူ‎‎စိမ်း‎‎‎ဝေလွင့်၊‎
စိမ်‎း‎‎‎လေဝင့်‎‎စိမ်‎း‎‎‎လှတိမ်းဖွေ၊‎‎စိမ်း‎‎‎မြ‎‎စိမ်း‎‎‎မြေ၊‎
စိမ်‎း‎‎‎ဝေတဲ့‎‎စိမ်‎း‎‎‎မြူခြေ၊‎‎စိမ်း‎‎‎သူရေ‎‎စိမ်း‎‎‎ရက်လှလေး‎။ ။‎
‎


လေးထပ်ကြော့ စကြာတေးထပ်လေးပါ .... "စိမ်း" တလုံးတည်းကို အပိုဒ်ငယ်တိုင်းရဲ့ အစ စာလုံးနဲ့ အပိုဒ်ဝက်ရဲ့ အစ စာလုံးတွေမှာ မူတည်ပြီး ပတ်လည်ရေးထားတာပါ။ ဒီလိုပုံနဲ့လည်း ရေးလေ့ရှိပါတယ် ....



ဖတ်ရှုခံစားအားပေးတဲ့အတွက် ကျေးဇူးအထူးပါ ခင်ဗျာ ...
ဟယ်ရီ

Read More...

Tuesday, 2 February 2010

မြင်လှည့်ပါ ခရမ်းပြာ (ကိုယ်တွင်းပြည့် ပိုဒ်စုံ တေးထပ်)‎

တေးထပ်ထဲမှာ ဒီတေးထပ်မျိုးကို ကိုယ်တွင်းပြည့် ပိုဒ်စုံ တေးထပ် လို့ ခေါ်ပါတယ်။ တခြားတေးထပ်တွေက အပိုဒ်ကြီး ‎တပိုဒ် (အပိုဒ်ငယ် ၁၈-ပိုဒ်) နဲ့ပဲ ရေးဖွဲ့ပေမဲ့ ဒီ ကိုယ်တွင်းပြည့် ပိုဒ်စုံ တေးထပ်ကတော့ ပိုဒ်စုံ ရတုတွေလိုပဲ အပိုဒ်ကြီး ‎သုံးပိုဒ် ရေးရပါတယ်။ ဒါ့အပြင် "ကိုယ်တွင်းပြည့်" လို့ ဆိုထားတဲ့အတွက် အပိုဒ်ကြီး တပိုဒ်ချင်းစီရဲ့ အပိုဒ်ငယ်တွေ ‎အားလုံးကို နဘေကိုက်အောင် ရေးရပါတယ်။ မှန်ရာကို ဝန်ခံရရင် ရေးရတာ အလွန်ခက်ပါတယ်။ အစွမ်းကုန်ကြိုးစားပြီး ‎ရေးကြည့်ထားတာပါ။ ရေးဖူးတယ် ရှိအောင်ပေါ့။ ဒါတောင် လုံးဝ အသစ်ရေးတာမဟုတ်ဘဲ အရင်က ရေးထားတဲ့ ‎‎"မြင်လှည့်ပါ ခရမ်းပြာ" ဆိုတဲ့ အရိုးခံတေးထပ်လေးကို နည်းနည်း ပြင်ဆင်ပြီး ကျန်တဲ့နှစ်ပိုဒ်ကို နဘေလိုက်ထပ်ပြီး ‎ရေးလိုက်တာပါ။ ကျနော် အရင်က ရေးခဲ့ဖူးတဲ့ လောကနာရီ နဲ့ ခရမ်းပြာမေ ဆိုတဲ့ ကိုယ်တွင်းပြည့်ပိုဒ်စုံ ရတု ၂-ပုဒ် လိုပဲ ဒါမျိုးထပ်ရေးဖို့ ‎မလွယ်တော့ပါဘူးခင်ဗျာ .... ‎
ဖတ်ကြည့်ကြပါဦး ... ဝေဖန်စရာရှိရင်လည်း အားမနာတမ်း ဝေဖန်သွားနိုင်ပါတယ်။ ကြိုဆိုလျက်ပါ ခင်ဗျာ ...‎


မြင်လှည့်ပါ ခရမ်းပြာ (ကိုယ်တွင်းပြည့် ပိုဒ်စုံ တေးထပ်)‎

ရင်ထဲမှာ အမြဲလွမ်းလို့၊ အသည်းနွမ်းနဲ့ ခေါ်မယ်၊
အမြဲတမ်းကွယ့် ပျော်စေရွယ်၊ ဖျော်ဖြေမယ် ကဗျာငှက်၊
အလာခက် ဝါရွက်ကြွေအောင်၊ ညာရက်လေ သဲမြညှာသက်။‎
ဝေတခက် ခြွေရက်လေတယ်၊‎ ကြွေရွက်တွေ မြေသက်၊‎
ပွေခက်မပြေ အခြေပျက်လို့၊ နေထက်မက ပူတာ၊
နွေရက်ည ဘဝင်ဆူအောင်၊ ကြင်သူရယ် နေရက်နိုင်တာ။
ယိမ်းဝေ့ဝေ့ ယိမ်းရွေ့ကာ၊ ယိမ်းလေ့ပါ ခြွေစေဦး၊‎
ဝေနေမဆုံး သစ်လွင်လက်ဖြာ၊ ချစ်ရင် တသက်တာ၊
ပင်ထက်က ပန်းကညာကို၊ မလှမ်းသာ ရင်လဲ့ညှာဆွေး။

စဉ်မြဲသာ စွဲလန်းလို့၊ အမြဲတမ်းကွယ့် မပျော်တယ်၊
ပုလဲပန်းလဲ့ ဘော်ငွေခြယ်၊ ခေါ်နေမယ် အရှာဆက်၊
ခါတသက် ဗျာစက်ပွေအောင်၊‎ ကြာရက်ရှည် ခွဲရတာခက်။‎
အနေခက် နွေရက်တွေရယ်၊‎ ရှည်သထက်ရှည် အကြွေဆက်၊‎
အဖြေမထွက်လေ ပွေခက်လို့၊ ဖြေခက်ရ သူမှာ၊
နေရက်လှ မမြင်သူယောင်၊ ရင်ပူတယ် အနေခက်မှိုင်ကာ။
တိမ်းလွေ့လွေ့ တိမ်း၍သာ၊ တိမ်းမွေ့ကာ လေပြည်သုဉ်း၊‎
မေရေမုန်း ပစ်ကျဉ်ရက်ပါ၊ ချစ်စဉ်မပျက်သာ၊‎
‎စဉ်ဆက်ည အနွမ်းဗျာပို၊ အလှမ်းကွာ ‎သခင်နဲ့သာဝေး။

မြင်ဆဲပါ အမြဲတမ်းမို့၊ အစွဲအလန်းနဲ့ မျှော်တယ်၊
‎အသည်းလမ်းရဲ့ အပေါ်မယ်၊ ‎မျှော်နေတယ် အလာခက်၊‎
ကဗျာသက် ကြာရက်ရှည်တောင်၊ ဖြာမျက်ရည်‎ ဝဲရပါလျက်။
နွေအဆက် ဝေရွက်တွေရယ်၊ ကြွေလျက်လေ မြေထက်၊
နွေရက်ရှည် အဖြေခက်လို့၊ အခြေပျက်ည မဟူရာ၊
ခြွေရက်ပါ့ တမင်သူလှောင်၊ ယဉ်မူသွယ် ဆွေသက်ပိုင်ညှာ၊
စိမ်းသွေ့သွေ့ စိမ်းငွေ့ဖြာ၊ စိမ်း၍သာ နေစေဦး၊‎
ရေမြေဆုံး ချစ်ကြင်လျက်သာ၊‎ ပြစ်မမြင်ရက်ပါ၊‎
ရင်ထက်က လွမ်းကဗျာကို၊ ခရမ်းပြာ မြင်လှည့်ပါလေး။ ။

ဖတ်ရှုခံစားအားပေးတဲ့အတွက် ကျေးဇူးအထူးပါ ခင်ဗျာ ...
ဟယ်ရီ

Read More...

Saturday, 22 August 2009

ရိုင်းမိုက်တဲ့ဉာဏ်

‎‎ဂျပ်ကောင်နှယ် ပန်းကြားက၊‎
သန်းစကားသု (ခု) ဝါ၊‎
ရမ်းကားလို့ တုလာလျှင်၊‎
ဥပမာဆိုစို့၊‎
ချေးပုံနှင့်မြင်းမိုရ်တောင်၊‎
ခင်းဆိုရောင် နှိုင်းကြပါစို့။‎

သေးကွက်နှင့်ပင်လယ်၊‎
နင်တကယ်ထင်လို့၊‎
သဘင်ဝယ် ယှဉ်မတို့လေနဲ့၊‎
သခင်တို့ ဦးချီ၊‎
အုန်းမှုတ်လိုအနေစားတွေက၊‎
ရွှေဖလား မနှိုင်းသင့်ပြီ။‎

ဥတုနှင့်ပုစွန်ဆီ၊‎
‎ဒွန်ပီပီ ယှဉ်တွဲလို့၊‎
စပ်ဖဲ အတွင်းခံ၊‎
‎ရိုင်းမိုက်တဲ့ဉာဏ်၊‎
မိုးကြိုးနှင့် အီးသံလို၊‎
ခရီးမှန်ကွာလွန်းလှလေး။ ။‎

(ဦးပုည)
တေးထပ်

ဂုဏ်နိမ့်ဖွဲ့

‎ဒီတေးထပ်ကလည်း အချုပ်တန်းဆရာဖေကို ထပ်ပြီးတိုက်ခိုက်ထားတာပါ။ ပိုကြမ်းတဲ့စကားလုံးတွေသုံးထားပါတယ်။ ဂမ္မဒေါသ သင့်တဲ့ အဖွဲ့ပေမယ့် အရေးအသားပြောင်မြောက်လွန်းလှပါတယ်။

Read More...

မယှဉ်နှိုင်းရာ

ခါးတောင်းကျိုက် ပိတုန်းပိတ်နှင့်၊‎
ကျုံးထိပ်ကငဖေ၊‎
တုန်းပြိတ္တတစ္ဆေလို၊‎
အသရေ ဟိတ်နွမ်း၊‎
အသွင်နှင့် အမြင်မှန်တယ်၊‎
ဘဝင်ခံ မဲတဲ့စိတ်နှမ်း။

မနှိုင်းအပ် မယှဉ်ရာ၊‎
နင်ဘာပြု ဟော့ရမ်း၊‎
‎ဝင်္ကာခု သော့သွမ်း၊‎
ကြော့ကြမ်းလိုက်လေတယ်၊‎
ကြောင်းမတန် စောင်းမာန်ခက်၊‎
ပြောင်းပြန်ရှက် ရှက်ရချေမယ်။‎

ဆီးစေ့နှင့်မြင်းမိုရ်ရွယ်သလို၊‎
ခင်းဆိုဘွယ် ကြောင်ကျားနှင့်၊‎
ဖားခြင်္သေ့ ရွှေဟင်္သာ၊‎
ကျီးနက်ပြိုင်လာ၊‎
နဂါးနှင့် တီလောက်ကွာတယ်၊‎
ခြေထောက်တာ လွန်လွန်းလို့လေး။ ။‎

(ဦးပုည)
တေးထပ်

ဂုဏ်နိမ့်ဖွဲ့

‎ဒီတေးထပ်က အချုပ်တန်းဆရာဖေကို တိုက်ခိုက်တဲ့ တေးထပ်ဖြစ်ပါတယ်။ စလေဦးပုညနဲ့ အချုပ်တန်းဆရာဖေတို့ ခေတ်ပြိုင်စာဆိုကြီး နှစ်ဦးက တဦးကို တဦး တိုက်ခိုက်တဲ့ တေးထပ်တွေ အပြန်အလှန်ရေးကြတဲ့အထဲက တပုဒ်ပဲဖြစ်ပါတယ်။

Read More...

သိကောင်းပါငဲ့

ကုသိုလ်ကံဈေးကျလို့၊‎
မှေးရသည့်ခေတ်ဝယ်၊‎
အဝေးကချစ်ရွယ်သည်၊‎
ပစ်ပယ်တယ်ထင်နှင့်၊‎
ဘုရားဟော သဘောမှန်သည်၊‎
လောကဓံကင်းခွင့်မသင့်။‎

ပုထုဇန်လိုဟာ၊‎
ဘယ်ဆိုရာမတင့်၊‎
ရွယ်ခိုကာ ဉာဏ်ချင့်လို့၊‎
ကံမြင့်မှကြီးမယ်၊‎
အသက်နှယ် မက်တွယ်ချင့်သော်လဲ၊‎
ပျက်ပြယ်လင့် ဘုန်းမို့ခွာတယ်။‎

စက်လယ်မြင့် မျိုးအမှန်ရယ်၊‎
ထမ်းပိုးဆယ်ပြန် စံပြလို့၊‎
အနန္တ စေတနာ၊‎
ဘုန်းမောင့်မေတ္တာ၊‎
မလွဲဘု စွဲမှတ်ပါကွယ်၊‎
ကဲခတ်ကာ သိကောင်းငဲ့လေး။ ။‎

(ဦးပုည)
တေးထပ်

ကုသိုလ်ကံဖွဲ့

စလေဦးပုညရဲ့ တေးထပ်ဖြစ်ပါတယ်။

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Tuesday, 16 June 2009

စေတီယဖွားဖက်တော်

ဦးပုညတို့ ဖွဲ့လိုက်ပုံများတော့ လက်ဖျားခါလောက်ပါတယ်။ မှန်တာကိုမပြောတဲ့နေရာမှာတော့ ဥသျှောင်ပါပဲ။ အဲဒီခေတ်က မှန်တွေက နိုင်ငံခြားက သင်္ဘောနဲ့ ဝင်ပါတယ်။ အဲဒီ "မှန်" တွေကိုရောင်းရင်တောင် "မှား" လို့ခေါ်ပြီး ရောင်းမယ်။ "မှန်" လို့များ ယောင်လို့ပြောမိရင် အာခေါင်ကို ဖဲ့လိုက်ပါဆိုပြီး မောင်းခတ်ကျေညာပြီးတောင် ပြောလိုက်ဦးမယ် ဆိုပဲ ...
အော် .... စေတီယမင်းနဲ့ ဖွားဖက်တော် ဆိုလောက်တဲ့သူတွေ ... အောက်က အလိမ်ဖွဲ့တေးထပ်လေးကို တင်ပေးလိုက်ပါတယ်။

စေတီယဖွားဖက်တော်
စေတီယလက်ထက်က၊‎
ဖွားဖက်တော်ရဲဗိုလ်၊‎
မဟုတ်မှသူဆိုတယ်၊‎
တကိုယ်လုံးမုသား၊‎
အလွဲမျာ့းဘုရင့်ငယ်၊‎
အလိမ်တွင် မင်းတရာ့ဖျား။‎

အမှားမျာ့း ဥသျှောင်ငယ်၊‎
အကောင်တောင် ပိုင်စား၊‎
သင်္ဘောပါ မှန်ကုန်များကို၊‎
မှားခေါ်လို့ရောင်းစေ၊‎
မှန်ဆိုလျှင် အာကိုဖဲ့စေဟု၊‎
မောင်းလှည့်မယ့် လူစားပါပေ။‎

တမိုးအောက်လူ့ပြည်မှာ၊‎
သည်တဖေတပါးသာဖြင့်၊‎
မုသားစောင်ဖြူခြုံ၊‎
ပိန်းပိတ်လို့မှုန်၊‎
မျက်လှည့်ကြီး ဉာဏ်စုံတယ်၊‎
လှည့်စားပုံဆန်းပေငဲ့လေး။ ။‎

(အလိမ်ဖွဲ့)
စလေဦးပုည

Read More...

Friday, 15 May 2009

ကာလဆိုး‎

‎

‎မြန်မာကဗျာဆိုတာ ဂျို (ချို)နဲ့လား ပို့စ်တွေကို ဆက်ဖို့ တေးထပ်အကြောင်း ရေးနေတုန်း ဦးပုညရေးခဲ့တဲ့ ကလိယုဂ်ဖွဲ့ တေးထပ်ကလေး ခေါင်းထဲရောက်လာပါတယ်။ ဖတ်သာကြည့်ကြပါတော့ အရပ်ကတို့ရေ ....

‎‎ကာလဆိုး‎‎

ကာလနှယ် ဆိုးပါဘိ၊‎
သူခိုးက လူလူ၊‎
တောလေ့ပေါက် နန်းမူ၊‎
အိမ်သူကို ဧည့်စောင်း၊‎
သူကောင်းကို အပြစ်တင်၊‎
တောင်ယာရှင် မျောက်လိုက်လို့မောင်း။ ။ ‎

လေးတရာ့ဆီမှန်လျှင်၊‎
ရေနံလောက်မကောင်း၊‎
စိတ်အနေ ရုပ်ပြောင်းလို့၊‎
ချောင်းကိုပ မြစ်ထင်၊‎
တူရိယာ နတ်စည်စောင်း၊‎
သူဖုန်းတောင်းချင်းကတဲ့သွင်။‎

‎ဝါးလုံးခေါင်း လသာချင်တယ်၊‎
အိမ်ထဲတွင် ကင်းဝပ်လို့၊‎
မုန်းဇာတ်ကြံကြပြီ၊‎
ဘုန်းရို့ဝသီ၊‎
ခုများဖြင့် မုသားညီတယ်၊‎
အပလီ ဗိုလ်မင်းပလေး။ ။‎

ဦးပုည
(ကလိယုဂ်ဖွဲ့ - သာမညတေးထပ်)

ကျနော်ကတော့ စာဆိုတော်ကြီး ဦးပုညလို မရေးတတ်လို့ ဒီတေးထပ်လေးနဲ့ပဲ ညည်းချင်းချလိုက်ပါတယ်။ စလေဦးပုညများ ဒီခေတ်မှာ သက်ရှိထင်ရှားရှိမယ်ဆိုရင် ....

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Sunday, 24 August 2008

လွမ်းလှိုက်လျက်လေး


လွမ်းကာခွေ လွမ်းလေနော့ရင်ဖြင့်၊
လွမ်းကြွှေလျော့ လွမ်းတယ်၊
လွမ်းပေပေါ့ လွမ်းမပြယ်၊
လွမ်းတသွယ် လွမ်းလှ၊
လွမ်းကြွယ်လို့ လွမ်းကာရီ၊
လွမ်းရာသီ လွမ်းတိမ်ဆင်လ။

လွမ်းမိုးညို့ လွမ်းယောင်ဆင်၊
လွမ်းရင်ခွင် လွမ်းလျ၊
လွမ်းတ ကာ လွမ်းပိုည မှာဖြင့်၊
လွမ်းငိုရ လွမ်းသီ၊
လွမ်းလှီလို့ လွမ်းကာချို့၊
လွမ်းပါလို့ လွမ်းငွေ့ဝေရီ။
လွမ်းတေးဖွဲ့ လွမ်းကဗျာသီ၊
လွမ်းကာမှီ လွမ်းလေညှဉ်း၊
လွမ်းလေပြင်း လွမ်းစေတမ်းဖန်၊
လွမ်းခွေလွမ်းကျန်၊
လွမ်းနေညို့ လွမ်းဝေးချန်တယ်၊
လွမ်းလေးလံ လွမ်းလှိုက်လျက်လေး။

လေးထပ်ကြော့ စကြာတေးထပ်ဖြစ်ပါတယ်။

Read More...