Wednesday 26 August 2009

ပစ္စုပ္ပန်မှာ …‎

အကြွေးရှိပြေးမှာ ... ပြေးမိပြေးရာ ဆိုတဲ့ ဘလော့ဂ်ပိုင်ရှင် မဒေဝါလီ အဲလေ ‎‎မမေ (မမေဓာဝီ) - တွေးမိတွေးရာ .. ရေးမိရေးရာဘလော့ဂ် ပိုင်ရှင်ကြီး)Tag လို့ ‎ရေးပါတယ်။
‎***‎
... ပစ္စုပ္ပန်မှာ ...
‎***‎
တွေးနေမိတာက
ခရမ်းပြာ ...

ကိုယ့်ကိုယ်ကို ပြန်ဆင်ခြင်မိတာက
လူမိုက်

ကျန်းမာရေး
‎(၁) မျက်စိတွေ ဝေနေပါတယ် (ရုံးမှာရော၊ အိမ်မှာပါ ကွန်ပျူတာ ရှေ့ထိုင်လွန်းလို့)‎
‎(၂) ချောင်းဆိုးပါတယ် (ဆေးလိပ်သောက်လွန်းလို့)‎
‎(၃) လေချဉ်တွေ တက်တက်နေပါတယ် (နေညိုတော့ လေပြိုတာပေါ့)‎
အဲဒါကလွဲရင် ကျန်တာတွေတော့ မသိပါဘူး။

ဖတ်ဖြစ်တဲ့ စာအုပ်တွေက ...
‎(၁) တိပိဋကဓရ ဓမ္မဘဏ္ဍာဂါရိက အဂ္ဂမဟာပဏ္ဍိတ ရေစကြိုဆရာတော် ဘဒ္ဒ န္တ ဝါယာမိန္ဒာဘိဝိသ ရေးတဲ့ ‎ဗုဒ္ဓမြတ်စွာ၏ နည်းသမုဒ္ဒရာ (ပဋ္ဌာန်းဒေသနာတော်ကြီးကို ကျနော့်လို လူပြိန်းနားလည်အောင် ရှင်းထားတဲ့ ‎စာအုပ်ပါ၊ ဒါတောင် သိပ်နားမလည်ချင်ဘူး၊ ကိုယ်ကကို ဒုံးဝေးတာ ...)‎
‎(၂) ဗိုလ်တာရာ (ရဲဘော်သုံးကျိပ်) ရဲ့ ကတိသစ္စာ
‎(၃) ဆရာတော် သျှင်ဥက္ကဋ္ဌရဲ့ လူသေလူဖြစ်
‎(၄) လူသေလူဖြစ် ဝါဒါနုဝါဒ ဝိနိ စ္ဆယ
‎(အရက်သမား လူမိုက်က ဖတ်လိုက်ရင် ဘုရားတရား ဘာသာရေးစာအုပ်တွေချည်းပဲလို့များ နှာခေါင်းရှုံ့ကြမလား ‎မသိ ...)‎

ရောက်ဖြစ်နေတာက
Shopping Center တွေ (အဲဒီကလွဲရင် ဒီတိုင်းပြည်မှာက တခြားဘယ်နေရာမှလည်း သွားစရာမရှိဘူး ... ‎စိတ်ပျက်စရာကြီး)‎

ရေးဖြစ်နေတာက
မြန်မာကဗျာဆိုတာ ဂျို (ချို)နဲ့လား (၁၆) - တေးထပ် အကြောင်းပါ။ မကြာခင် တင်ပါ့မယ်။ ဒီတခါတော့ တကယ် ‎ပြောတာပါ။ အဟုတ် ... ‎

နားထောင်ဖြစ်နေတာက
CNN နဲ့ BBC World က သတင်းတွေ

ရွတ်နေမိတဲ့ ကဗျာက
ကာလနှယ်ဆိုးပါဘိ၊
သူခိုးက လူလူ ...‎
တောလေ့ပေါက်နန်းမူတယ်၊
အိမ်သူကို ဧည့်စောင်း၊
သူကောင်းကို အပြစ်တင်၊
တောင်ယာရှင် မျောက်လိုက်လို့မောင်း ... ‎

ဖြစ်ချင်နေတာက
အောက်လမ်းဆရာကြီး (သို့မဟုတ်) စုန်းထီး

သနားနေမိတာက
ကိုယ့်ကိုယ်ကို

လွမ်းနေမိတာက
ခရမ်းပြာ ... ‎

မေ့လျော့ပစ်နေမိတာက
အတိတ်တံတား

ခါးသက်နေမိတာက
မေတ္တာ

တမ်းတနေမိတာက
အမေ့အိမ်

ကြိတ်ပြီးချီးကျူးနေမိတာက
Francisco Tarrega နဲ့ Andre Segovia

ကြိတ်ပြီးအထင်သေးနေမိတာက
ဟိုလူတွေဗျာ ... ‎

ဆန္ဒမရှိတဲ့နေရာ
အလုပ်

ဆန္ဒရှိနေတဲ့ကိစ္စ
တငုံ၊ တမော့၊ တကြိုက်၊ တခွက်၊ တဖလား၊ တပုလင်း

မုန်းတီးနေမိတာက
အစွဲအလမ်းကြီးလွန်းတဲ့ စိတ် နဲ့ အားမနာလျှာမကျိုး တဲ့တိုးပြောတတ်တဲ့ အကျင့်

ချစ်နေတာက
ဂီတ နဲ့ ကဗျာ

စိတ်ပျက်နေမိတာက
ကိုယ့်ကိုယ်ကို

စွဲလမ်းနေမိတာက
Manchester United FC

လိုအပ်နေတာက
အားလုံး

တောင်းနေမိတဲ့ဆု
ဤနိုင်ငံတွင် ဗုဒ္ဓသာသနာတော်ကြီး အမြန်ထွန်းကားပါစေ ... ‎

ထပ်ပြန်တလဲလဲအော်ဟစ်နေမိတာက
လူယုတ်မာများ ထိုက်တန်သော အပြစ်ဒဏ် မနှေးအမြန် ခံကြရပါစေသား ... ‎

ဝန်ခံချင်တာက
ကျနော် မကောင်းဘူး

‎***‎
ကဲ ... အကြွေးတော့ ဆပ်ပြီးပါပြီ။ ‎
ထုံးစံအတိုင်း မိတ်ဆွေကြီးများအား အကြွေးဆက်တောင်းပါမယ်။

‎(၁) ကိုဟန် (ကိုဟန်သစ်ငြိမ်)
‎(၂) ‎ဒေါ်ယု (မယုဝရီ)
‎(၃) ‎ဟမ်းဟမ်းလေး

ကိုဟန့်ကို လက်စားပြန်ချေလိုက်ပါပြီ ...‎
ကိုဧရာ နဲ့ မသီတာကို အကြွေးတောင်းဖို့ သွားချောင်းပါသေးတယ်။ ဒါပေမဲ့ သူတို့က ဒါကို ရေးပြီးသားဖြစ်နေလို့ ‎လက်ချည်းဗလာနဲ့ ပြန်ခဲ့ရပါတယ် ... မကျေနပ်သေးပါ ... ထပ်ချောင်းပါဦးမည် ... သတိထားနေကြပါကုန်။
Tag ထားခြင်းခံရသူများကတော့ အဆင်ပြေပြေ မပြေပြေ ... ရေးပေးကြပါလို့။

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...‎
ဟယ်ရီ

Read More...

Saturday 22 August 2009

ရိုင်းမိုက်တဲ့ဉာဏ်

‎‎ဂျပ်ကောင်နှယ် ပန်းကြားက၊‎
သန်းစကားသု (ခု) ဝါ၊‎
ရမ်းကားလို့ တုလာလျှင်၊‎
ဥပမာဆိုစို့၊‎
ချေးပုံနှင့်မြင်းမိုရ်တောင်၊‎
ခင်းဆိုရောင် နှိုင်းကြပါစို့။‎

သေးကွက်နှင့်ပင်လယ်၊‎
နင်တကယ်ထင်လို့၊‎
သဘင်ဝယ် ယှဉ်မတို့လေနဲ့၊‎
သခင်တို့ ဦးချီ၊‎
အုန်းမှုတ်လိုအနေစားတွေက၊‎
ရွှေဖလား မနှိုင်းသင့်ပြီ။‎

ဥတုနှင့်ပုစွန်ဆီ၊‎
‎ဒွန်ပီပီ ယှဉ်တွဲလို့၊‎
စပ်ဖဲ အတွင်းခံ၊‎
‎ရိုင်းမိုက်တဲ့ဉာဏ်၊‎
မိုးကြိုးနှင့် အီးသံလို၊‎
ခရီးမှန်ကွာလွန်းလှလေး။ ။‎

(ဦးပုည)
တေးထပ်

ဂုဏ်နိမ့်ဖွဲ့

‎ဒီတေးထပ်ကလည်း အချုပ်တန်းဆရာဖေကို ထပ်ပြီးတိုက်ခိုက်ထားတာပါ။ ပိုကြမ်းတဲ့စကားလုံးတွေသုံးထားပါတယ်။ ဂမ္မဒေါသ သင့်တဲ့ အဖွဲ့ပေမယ့် အရေးအသားပြောင်မြောက်လွန်းလှပါတယ်။

Read More...

မယှဉ်နှိုင်းရာ

ခါးတောင်းကျိုက် ပိတုန်းပိတ်နှင့်၊‎
ကျုံးထိပ်ကငဖေ၊‎
တုန်းပြိတ္တတစ္ဆေလို၊‎
အသရေ ဟိတ်နွမ်း၊‎
အသွင်နှင့် အမြင်မှန်တယ်၊‎
ဘဝင်ခံ မဲတဲ့စိတ်နှမ်း။

မနှိုင်းအပ် မယှဉ်ရာ၊‎
နင်ဘာပြု ဟော့ရမ်း၊‎
‎ဝင်္ကာခု သော့သွမ်း၊‎
ကြော့ကြမ်းလိုက်လေတယ်၊‎
ကြောင်းမတန် စောင်းမာန်ခက်၊‎
ပြောင်းပြန်ရှက် ရှက်ရချေမယ်။‎

ဆီးစေ့နှင့်မြင်းမိုရ်ရွယ်သလို၊‎
ခင်းဆိုဘွယ် ကြောင်ကျားနှင့်၊‎
ဖားခြင်္သေ့ ရွှေဟင်္သာ၊‎
ကျီးနက်ပြိုင်လာ၊‎
နဂါးနှင့် တီလောက်ကွာတယ်၊‎
ခြေထောက်တာ လွန်လွန်းလို့လေး။ ။‎

(ဦးပုည)
တေးထပ်

ဂုဏ်နိမ့်ဖွဲ့

‎ဒီတေးထပ်က အချုပ်တန်းဆရာဖေကို တိုက်ခိုက်တဲ့ တေးထပ်ဖြစ်ပါတယ်။ စလေဦးပုညနဲ့ အချုပ်တန်းဆရာဖေတို့ ခေတ်ပြိုင်စာဆိုကြီး နှစ်ဦးက တဦးကို တဦး တိုက်ခိုက်တဲ့ တေးထပ်တွေ အပြန်အလှန်ရေးကြတဲ့အထဲက တပုဒ်ပဲဖြစ်ပါတယ်။

Read More...

သိကောင်းပါငဲ့

ကုသိုလ်ကံဈေးကျလို့၊‎
မှေးရသည့်ခေတ်ဝယ်၊‎
အဝေးကချစ်ရွယ်သည်၊‎
ပစ်ပယ်တယ်ထင်နှင့်၊‎
ဘုရားဟော သဘောမှန်သည်၊‎
လောကဓံကင်းခွင့်မသင့်။‎

ပုထုဇန်လိုဟာ၊‎
ဘယ်ဆိုရာမတင့်၊‎
ရွယ်ခိုကာ ဉာဏ်ချင့်လို့၊‎
ကံမြင့်မှကြီးမယ်၊‎
အသက်နှယ် မက်တွယ်ချင့်သော်လဲ၊‎
ပျက်ပြယ်လင့် ဘုန်းမို့ခွာတယ်။‎

စက်လယ်မြင့် မျိုးအမှန်ရယ်၊‎
ထမ်းပိုးဆယ်ပြန် စံပြလို့၊‎
အနန္တ စေတနာ၊‎
ဘုန်းမောင့်မေတ္တာ၊‎
မလွဲဘု စွဲမှတ်ပါကွယ်၊‎
ကဲခတ်ကာ သိကောင်းငဲ့လေး။ ။‎

(ဦးပုည)
တေးထပ်

ကုသိုလ်ကံဖွဲ့

စလေဦးပုညရဲ့ တေးထပ်ဖြစ်ပါတယ်။

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Thursday 20 August 2009

ခရမ်းပြာကြယ်စင်လှိုင်းတို့၏ ဖြစ်တည်မှု


ကျနော့် ဒီ ဘလော့ဂ်လေးဟာ အခုဆိုရင် တနှစ်ပြည့်ခဲ့ပါပြီ။ စိတ်ထဲမှာ ခံစားရသမျှကို အသွင်ပြောင်းခဲ့တဲ့ ‎ကဗျာလေးတွေရော၊ တခြား ကောင်းနိုးရာရာ စိတ်မှာထင်လာတာတွေကို ရေးဖွဲ့ခဲ့သမျှကို အချိန်တခုပေးပြီး ‎အလေးထား မျှဝေခံစား ဖတ်ရှု ပေးကြတဲ့ စာဖတ်သူအားလုံးကို ကျေးဇူးအထူးတင်ကြောင်း ပြောလိုပါတယ်။
အလုပ်တဖက်နဲ့မို့ ကျနော် ပို့စ် အတင်ကျဲပါတယ်။ အဲဒီလို ပို့စ်အတင်ကျဲတဲ့ကြားထဲကကို သတိတရ ‎စိတ်ရှည်ရှည်နဲ့ လာရောက် ဖတ်ရှုအားပေးကြတဲ့သူတွေကို ကျနော် ဘယ်လိုကျေးဇူးစကားဆိုရမှန်း ‎မသိလောက်အောင်ပါပဲ။


ဒီပို့စ်ကို ရေးရတဲ့ အကြောင်းကတော့ တနှစ်ပြည့်တဲ့အတွက် အမှတ်တရလည်းဖြစ်စေ (အမှန်က ကျော်တောင် ‎နေပြီ)၊ အကြွေးလည်းဆပ်ပြီးသားဖြစ်စေ ဆိုသလို တချက်ခုတ် နှစ်ချက်ပြတ် ရေးလိုက်တာပါ။ အကြွေးဆိုတာ ‎ကတော့ ကိုဟန် (ကိုဟန်သစ်ငြိမ်) က ကျနော့်ကို Tag ထားလို့ပါ။ အတော်လေးတောင်ကြာနေပါပြီ။ ကြာဆို သုံးလလောက်တောင် ရှိပါပေါ့။ ဒီ လပိုင်း တွေမှာ ကျနော်လည်း ‎အလုပ်တော်တော်ရှုပ်နေလို့ ပို့စ်အသစ်လည်း သိပ်မတင်ဖြစ်တဲ့အပြင် ဒီ tag ကြွေးကိုမှ မဆပ်ရသေးခင် မမေ (မမေဓာဝီ - တွေးမိတွေးရာ .. ရေးမိရေးရာ) က ‎တခါ ထပ် Tag ပြန်ပါရဲ့။ ဒီတော့ ...

ကညာခင် အလှကလျာ မေဓာဝီ ပြန်ကာ Tag လေတော့
ကြာရင် ငါ့ခမျာ ဒေဝါလီ ခံကာ အသက်ကြွေ ရတော့မယ့် အနေအထား ‎ဖြစ်လာတော့မှာမို့ ...

ဒေဝါလီမခံရခင် ကြွေးတွေ အမြန်ဆပ်ဖို့ အခု ကြိုးစားရေးလိုက်တာပါ။
အင်တာနက်ပေါ်မှာ ကျနော့် ကဗျာတွေ တင်ဖြစ်တာကတော့ ‎ကဗျာရွာ‎ ‎ကြောင့်ပါပဲ။ အဲဒီမှာ ကဗျာတွေရေး၊ တခြားစိတ်ထင်ရာတွေလည်း လျှောက်ရေးရင်း၊ ပွားရင်းကနေ ရွာသူရွာသား ‎တချို့က ဘလော့ဂ်တွေလုပ်ထားကြတာ တွေ့လာရပါတယ်။ အရင်ကတော့ ဘလော့ဂ်တွေ လျှောက်လျှောက် ‎ဖတ်ဖြစ်ပေမဲ့ ဘလော့ဂ်ရေးဖို့တော့ စိတ်ကူးမရှိတာအမှန်ပါ။ ဒါပေမဲ့ ကိုယ်နဲ့ ရင်းနှီးတဲ့သူတွေရေးလာကြတော့ ‎ကျနော်လည်း ပိုးထ လာပါတယ်။ ဒါနဲ့ အရင်ဆုံး ညီလေး ချီရွန့်‎ကို ‎မေးရပါတယ်။ ဘယ်လိုလုပ်သလဲပေါ့လေ၊ သူက blogspot နဲ့ လုပ်ဆိုတာနဲ့ ဘလော့ဂါ အကျော်အမော် ‎Saturngod ရဲ့ Making Blog ebook လေးကို ဖတ်ရပါတယ်။ အင်တာနက်အကြောင်း၊ ဘလော့ဂ်အကြောင်း ‎ဘာဆို ဘာမှ မသိတဲ့ ကျနော့် အတွက်တော့ တကယ့်ကို အကျိုးရှိတဲ့ စာအုပ်လေးပါပဲ။ ကျေးဇူးအထူး ‎တင်ပါကြောင်းလည်း ဒီနေရာကပဲ ပြောလိုက်ပါရစေတော့။ ‎
အဲဒီကနေ စမ်းတဝါးဝါးနဲ့ စလုပ်ခဲ့ပါတယ်။ အသေးအဖွဲပြဿနာလေးတွေလည်း ခဏခဏ တွေ့ရပါတယ်။ ‎ပို့စ်ခေါက်တာ (peek-a-boo) မှာလည်း အတော်လေး ပြဿနာတက်လိုက်ပါသေးတယ်။ စမ်းလုပ်လိုက်၊ ‎မရလိုက်၊ ပြင်လိုက်နဲ့ပါပဲ။ ဒီလိုနဲ့ပဲ ဘလော့ဂါတို့ရဲ့ လျှောက်သောလမ်းမှာ စမ်းတဝါး နဲ့ပဲ ကျနော့်ရဲ့ ရင်မှဖြစ်တဲ့ ‎ခံစားချက်များကို စုစည်းတင်ပြရာ "ခရမ်းပြာ ကြယ်စင်လှိုင်းခတ်သံများ" ဟာ မွေးဖွားလာခဲ့ရပါတယ်။ ‎မျက်စိသူငယ် နားသူငယ်နဲ့ ဘလော့ဂါရပ်ဝှမ်းမှာ ကျင်လည်ရင်းနဲ့ပဲ ခင်မင်လေးစားရတဲ့ ဘလော့ဂါမိတ်ဆွေများ နဲ့ ‎စာဖတ်သူများလည်း အထိုက်အလျောက် တိုးပွားရရှိလာပြီပေါ့လေ။
ကျနော့်ခံစားချက်များကို အလေးဂရုပြုပြီး ကိုယ်ပိုင်အချိန်လေးတွေထဲက တပိုင်းတဖဲ့ ပေးလို့ တန်ဖိုးထားကာ ‎လာရောက်ဖတ်ရှုအားပေးကြတဲ့ စာဖတ်သူများကို ကျေးဇူးအထူးတင်ရှိပါကြောင်းနဲ့ အမှားအယွင်းများ၊ ‎ကျနော့်အပေါ် အားမရမှုများ ရှိခဲ့တယ်ဆိုရင်လည်း ဒီနေရာကပဲ တောင်းပန်ပါရစေ။
ကဲ ... ကိုဟန်ရေ ... ခင်ဗျားအကြွေးတော့ အကျေအလည် ဆပ်လိုက်ပြီဗျို့။ နောက်မကြာခင် အကြွေးပြန်တောင်း ‎ပါမယ်ဗျာ။ သတိသာထားပေတော့။
အခုလောလောဆယ်တော့ Tag ခြင်းတို့ရဲ့ ထုံးတမ်းအစဉ်အလာရ အကြွေးသစ်တောင်းရမယ့် သူများကတော့ ...‎
အကိုမင်းဒင်‎‎
‎မမေ (မမေဓာဝီ - တွေးမိတွေးရာ .. ရေးမိရေးရာ)
ဒေါ်ယု (မယုဝရီ)
မသီတာ‎ (ကိုဧရာ ရေးချင်သပ ဆိုလဲ ရပါသဗျ)‎

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...‎
ဟယ်ရီ


Read More...