လမ်းပျောက်သွားတဲ့ဒဏ္ဍာရီ

ကျနော် အိပ်မက်ဒဏ္ဍာရီထဲမှာ လမ်းပျောက်နေတုန်း ဖတ်မိခဲ့ပြီး ရင်ကို အခုတိုင် စူးရှထိခိုက်နေဆဲ ကဗျာလေးတပုဒ်ကို ပြန်လည်မျှဝေပါရစေ ... ကောင်းစံ (ခင်ကောင်းစံ) ရေးထားတဲ့ ဒီကဗျာလေးက ကျနော့်ရင်ထဲ အခုထိ စွဲနေတုန်းပါပဲ ... အထူးသဖြင့်တော့ နောက်ဆုံး အချပိုဒ်လေး သုံးပိုဒ်ရဲ့ စကားလုံးလေးတွေပါ ... သူကတော့ ကဗျာမဟုတ်ပါဘူးလို့ ဘယ်လိုပဲပြောပေမဲ့ ကျနော့်အနေနဲ့ကတော့ ခံစားချက်အပြည့်နဲ့ ကဗျာလေးတပုဒ်လို့ပဲ မှတ်ယူထားပါတယ်။
"နှင်းဆီအိပ်မက်" မက်ခဲ့မိသူတဦး ... ဘာနဲ့မှ မရောယှက်တဲ့ "ဆည်းဆာအလွမ်း" စစ်စစ်တွေကို ရင်မှာထွေးပွေ့ရင်းနဲ့ပဲ လက်ခုပ်သံတွေကင်းမဲ့စွာ "ကမ္ဘာဦးလမ်းခွဲ" ဆီ တရွေ့ရွေ့လှမ်းခဲ့ရပုံရဲ့ မူရင်းကိုတော့ ဒီမှာ ဖတ်ကြည့်နိုင်ပါတယ် ....

အဲဒီ မော်ဒန်ကဗျာလေးကိုဖတ်တိုင်း ရင်ခုန်သံချင်း ထပ်တူကျလွန်းတယ်ဆိုရမလားမသိဘူး ... ရင်ထဲမှာ စူးရှနစ်ဝင် သွားလွန်းလို့ လေးလုံးစပ်လင်္ကာသွားနဲ့ ပြန်လည်ခံစားရေးဖွဲ့ကြည့်မိပါတယ် ... ဖတ်ရှုခံစား ကြည့်ကြပါဦး ... မူရင်းရသ နဲ့ ခံစားချက် မပျက်အောင် အတတ်နိုင်ဆုံး ကျိုးပမ်းအားထုတ်ထားပါတယ် ...

လမ်းပျောက်သွားတဲ့ဒဏ္ဍာရီ

တကယ်ဆိုလေ၊ ဖြေသိမ့်တတ်စွာ၊
ကျန်သူပါရှင်၊ ရင်ခုန်သံနှောင်း၊
မိုင်ပေါင်းများစွာ၊ ကွာဝေးခြားဖြတ်၊
အမှတ်တရ၊ စောဒကမဲ့၊
ဘဝအိပ်မက်၊ ပတ်သက်ဖူးရာ၊
“ချို”လွန်းပါသည်၊ ဒီနာကြည်းချက်၊
ဟန်ဆောင်ခက်သား၊ မမုန်းငြားလည်း၊
မချစ်ရဲပါ၊ နွေမှာတဝက်၊
မိုးတဝက်နှင့်၊ မက်ခဲ့ရပြီ၊
အိပ်မက်ရှည်သည်၊
နှင်းဆီအိပ်မက်တွင်ပါစေ။

ပျော်မြူးခြင်းပြတ်၊ မတတ်တော့ပြီ၊
ငါသည်တမင်၊ မညာချင်ပါ၊
ဒါပေမဲ့ကွယ်၊ ဖြေမလွယ်လို့၊
ကိုယ့်ကိုယ်ကိုညာ၊ ပျော်အောင်သာပင်၊
နေပါခဲ့သူ၊ အဖြူမကျ၊
ပန်းမကသည့်၊ လရက်တွက်စစ်၊
သက္ကရာဇ်တွေ၊ မေလေခုထိ၊
တွေးနေမိရင်း၊ ငိုချင်းသံစဉ်၊
ရင်ခုန်သံနု၊ ပြိုလုနီးပါး၊
ဖြစ်သွားဖြစ်ဆဲ၊ ရင်ကိုခွဲငင်၊
သံယောဇဉ်ညှို့၊ ချို့တဝက်ကို၊
ပန်းလိုသီရင်း၊ လွမ်းချင်းညည်းမယ်၊
“လွမ်းတယ်” လို့ဆို၊ အို ... တိုးတိုးလေး၊
ရင်ကတေးနွမ်း၊ အလွမ်းစစ်စစ်၊
ဖြစ်တည်လွင့်မျော၊ ရောယှက်မသန်း၊
ကိုယ့်အလွမ်းဟာ၊
ဆည်းဆာအလွမ်း မည်ပါစေ။

ဖရိုဖရဲ၊ မမြဲနှောင်ကြိုး၊
ယိုးမိအမှန်၊ ထင်မိပြန်ပြောင်း၊
ကောင်းကင်နဲ့ယှဉ်၊ ရင်ခွင်တံခါး၊
ဖွင့်ဟသွားမိသောအခါ ...
အုပ်မိုးစရာ၊ မာနမှုန်ဝါး၊
ပျောက်ပျက်သွားလေ၊ ဖွေရှာမတွေ့၊
ဇာတ်လမ်းကွေ့မှာ၊ တရွေ့ရွေ့ကျ၊
ကားလိပ်ချမှ၊ ပွဲစဖို့ရန်၊
ကြံစည်ကြိုးပမ်း၊ အို ... ကြည့်စမ်းပါ၊
ရူးနှမ်းလိုက်သူ၊ ဘယ်သူထင်လဲ၊
ရင်မှာကွဲအက်၊ ပွဲလည်းပျက်ပြီ၊
လက်ခုပ်သံမဲ့၊ ဇာတ်သိမ်းခဲ့ရာ၊
ကမ္ဘာဦးလမ်းခွဲခေါ်ပါစေ။

ဒီကဗျာလေးဟာ ဖတ်ရှုသူတွေကို တစုံတခုသော အတိုင်းအတာအထိ ခံစားမှုတစုံတရာ ပေးနိုင်တယ် ဆိုရင် မူရင်း ဖန်တီးရှင် ကောင်းစံ ကို ချီးကျူး အသိအမှတ်ပြုပြီး ပျက်ယွင်းသွားတယ်ဆိုရင်တော့ လက်ဆော့မိတဲ့ ကျနော့်ကိုသာ အပြစ်တင်ကြစေလိုပါတယ် ....

ဖတ်ရှုခံစားအားပေးတဲ့အတွက် ကျေးဇူးအထူးပါ ခင်ဗျာ ....

ဟယ်ရီ