သီဟနာဒ

အမှောင်ထဲမှာလည်း၊
တကောင်တည်းသာနေ။

အပိုအဖေါ်မလို၊
တကိုယ်တော်သာ ရှေ့ဆက်လှမ်း၊
နေ့ရက်ကြမ်းရှည်။

ခြေအလှမ်းမှာတော့၊
လေကြမ်းတွေ အဟုန်ရိုင်းလို့၊
မုန်တိုင်းတွေ ဘယ်လိုဆင်စေ၊
ယှဉ်မလေ ပြန်မကွေ့။

ကြောက်ရင်လွဲမှာပေါ့၊
လျှောက်နှင်ဆဲ ခရီးရှည်မှာ၊
မီးတွေရယ် ဘယ်လိုလွှမ်းလို့၊
ဘယ်လမ်းတွေ ဘယ်လိုမှောင်၊
ဘယ်တောင်တွေ ဘယ်လိုမြင့်မားစေတော့၊
ဝံ့စားစွာ ဖြတ်မလေ၊
ငတ်ပစေ မြက်မစားပါဘူး၊
ဆက်သွားမယ့် ဇာမဏီ၊
ရာသီခွင်ရွေ့နေသမျှတော့၊
ဘာမထီ အစဉ်တွေ့မယ်ဟေ့၊
ငါသည် ခြင်္သေ့။ ။


နှစ်ဟောင်းကိုနှုတ်ဆက်ရင်း ဒီကဗျာလေးနဲ့ နှစ်သစ်ကိုအားမာန်သစ်များနဲ့ရင်ဆိုင်လိုက်ပါတယ်။
ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...

ဟယ်ရီ

Read More...

Summary only...

Rudiments and Theory of Music (10)

Tones and Intervals

အခု ဆက်ပြီး Tone တွေရဲ့ အကြောင်းကို ပြောမှာဖြစ်ပါတယ်။ အသံတသံနဲ့ တသံ အကွာအဝေးတွေအကြောင်းပါ။ ဒီတော့ အောက်က Definition လေးတွေကို ကြည့်လိုက်ပါ။
Note = အသံတသံအား သင်္ကေတဖြင့် ဖေါ်ပြခြင်း (symbolic expression of a sound)
Pitch = အသံတသံ၏ အနိမ့်အမြင့် မည်မျှရှိသည်ကိုဖေါ်ပြသောပမာဏ (how high or low a sound (note) is)
Tone = Pitch အကွာအဝေးခြားနားကွာခြားမှုကို ဖေါ်ပြသော ယူနစ်အတိုင်းအတာ (difference in pitch - unit)
Interval = Note နှစ်ခု အကြား ကွာခြားသော Pitch ပမာဏ (difference in pitch between two notes)
One semitone (or half-step) = အနည်းဆုံး tone ပမာဏ (smallest tone) - ဂီတာလက်ကွက်တကွက် အကွာအဝေး (S လို့ ပြပါမယ်)
Two semitones = One Whole tone (whole step) (W လို့ ပြပါမယ်)


အပေါ်မှာ ပြထားတဲ့ Note တွေဟာ Piano ပေါ်မှာကြည့်ရင် ခလုတ်အဖြူတွေအဖြစ် တွေ့ရပါမယ်။
ဒီတော့ ဥပမာအနေနဲ့ A နဲ့ B ဟာ one tone သို့မဟုတ် two semitone ကွာဝေးတဲ့အတွက် သူတို့ကြားမှာ အသံတသံ ရှိရဦးမှာဖြစ်ပါတယ်။ ဒီလိုပဲ C နဲ့ D၊ D နဲ့ E၊ F နဲ့ G၊ G နဲ့ A တို့အကြားမှာလည်း one semitone ကွာဝေးတဲ့ အသံတသံစီ ရှိနေပါတယ်။ ဒီအသံတွေဟာ Piano ပေါ်က ခလုတ် အနက်တွေပဲဖြစ်ပါတယ်။ အဲဒီ Note တွေကို ဖေါ်ပြဖို့ လိုအပ်ပါတယ်။ ဒီအခါမှာ နောက်ထပ်သင်္ကေတတွေ လိုလာပါတယ်။ သူတို့တွေကို Accidental လို့ ခေါ်ပါတယ်။

Accidentals
အဲဒီ Accidental တွေကတော့ Sharp, Flat, Natural, Double Sharp နဲ့ Double Flat တို့ပဲဖြစ်ပါတယ်။ အောက်ပါ သင်္ကေတတွေနဲ့ ပြပါတယ်။


ဒီတော့ '#' ပြထားရင် အဲဒီ note ကို အသံတ၀က် (one semitone) မြှင့်တီးရပါမယ်။ ဒီလိုပဲ Double sharp ပြထားရင် အသံတသံ (two semitones or one whole tone) မြှင့်တီးရပါမယ်။ Flat 'b' ပြထားခဲ့ရင် အဲဒီ note ကို အသံတ၀က် (one semitone) နှိမ့်တီးရပါမယ်။ ဒီလိုပဲ Double flat ပြထားရင် အသံတသံ (two semitones or one whole tone) နှိမ့်တီးရပါမယ်။ Sharp (သို့) Flat ပြထားတဲ့ note ကို Natural ပြန်ရေးလိုက်ရင် မူလ အသံကို ပြန်တီးရမှာ ဖြစ်ပါတယ်။ Natural Sign ဟာ Sharp (သို့) Flat "တခု" ရဲ့ Effect ကို ပြန်ဖျက်လိုက်တာပါ။ အဲဒီတော့ Double sharp နဲ့ Double flat အတွက်ဆိုရင် Natural Sign "နှစ်ခု" ပြပေးရပါမယ်။ အောက်မှာ Accidental ပါတဲ့ note တွေကို Piano keyboard ပေါ်မှာရယ်၊ ဂီတာ နံပါတ် (၂) ကြိုးပေါ်မှာရယ် ပြထားပါတယ်။ ကျန်တဲ့ကြိုးတွေကိုလည်း ဒီအတိုင်းရှာနိုင်ပါတယ်။


Staff ပေါ်မှာ Accidental တွေရေးတဲ့အခါ သက်ဆိုင်ရာ note ရဲ့ ရှေ့မှာ အမြဲရေးပါတယ်။ အဲဒါအရေးကြီးပါတယ်။ အဲဒီလို ရေးထားရင် Natural ပြန်မတွေ့မချင်း အဲဒီ note ဟာ သက်ဆိုင်ရာ Accidental တန်ဖိုးအတိုင်း ဆက်တီးရပါမယ်။ သဘောကတော့ #A လို့ရေးလိုက်တာနဲ့ Natural ပြန်မတွေ့မချင်း #A ကိုပဲတီးရပါမယ်။ A အလုံးကို မတီးရပါဘူး။ ဒီ Accidental Sign တွေဟာ -
၁။ ဘားတဘားအတွင်း (within one measure) မှာပဲအကျုံးဝင်ပါတယ်။ (နောက်ဘားကိုပြောင်းသွားရင်တော့ ပုံမှန်အသံပြန်ဖြစ်သွားပါပြီ။ Accidental မရှိတော့ပါဘူး)။ ဘားတဘားအတွင်းမှာ အဲဒီ Accidental ကို ဖျက်ချင်ရင် Natural ပြန်ရေးပေးရပါမယ်။


၂။ Same Pitch အတွက်ပဲ အကျုံးဝင်ပါတယ်။ Octave တွေအတွက် အကျုံးမ၀င်ပါဘူး။ ဆိုလိုတာက Middle C မှာ ရေးထားတဲ့ Accidental တခုဟာ သူ့ထက် one octave မြင့်တဲ့ Space C အတွက် အကျုံးမ၀င်ပါဘူး။


၃။ Note တခုအတွက် Accidental နောက်အသစ် တခုထပ်ရေးလိုက်တာနဲ့ အဟောင်းဟာ အလိုလို ပယ်ဖျက်ပြီး ဖြစ်သွားပါတယ်။


အပေါ်ကပုံမှာ ဆိုရင် B Double Flat ပထမရေးထားပါတယ်။ အဲဒီနောက် B Flat ရေးချင်တဲ့အခါ Flat တလုံး ပြန်ရေးလိုက်ရင် မူလ Double Flat ဟာ အလိုလိုပျက်ပြယ်သွားပြီး Single Flat ပဲ ဖြစ်သွားပါတယ် (မျှား အနီရောင်ကို ကြည့်ပါ)။ အဲဒီလိုပဲ နဂိုက Flat ရေးထားတဲ့ C ဟာ # ထပ်ရေးလိုက်တဲ့အတွက် C Flat ဟာ ပျက်ပြယ်ပြီး C# ပဲဖြစ်သွားပါတယ် (မျှား အပြာရောင်ကိုကြည့်ပါ)။ နောက်တခါ Flat ရေး ထားတဲ့ D ဟာ Natural ရေးလိုက်တဲ့အတွက် D သံ ရိုးရိုးကိုပဲ ပြန်တီးရပါမယ် (မျှား အစိမ်းကိုကြည့်ပါ)။
နောက်တဘားကိုကူးသွားတဲ့ အခါကျတော့ ပထမဘား အစမှာရေးထားတဲ့ E Flat ဟာ အလိုလို ပျက်သွားပြီမို့ E Flat သံကို လိုချင်တဲ့အတွက် Flat တခု ထပ်ရေးထားတာ သတိပြုပါ။

၎။ ချွင်းချက်အနေနဲ့ Accidental ပါတဲ့ Note တွေကို Tie လုပ်ရင် Accidental ထပ်ရေးပြဖို့ မလိုပါဘူး။ နောက်တဘားအထိလဲ အဲဒီ Tie ရဲ့ Value (Duration) မကုန်မချင်း Accidental ဟာ အကျုံးဝင်ပါတယ်။ ဘားပြောင်းသွားပြီး အဲဒီ Note ကို ထပ်တီးခတ်ချင်တဲ့အခါမှသာ Accidental ပြန်ထည့်ပေးရပါတယ်။


တခါတလေတော့ Accidental ကို ကွင်းအတွင်းမှာ ထည့်ပြီး (#) ရေးပြထားတတ်ပါတယ်။ အဲဒါကတော့ ဒီ Note ကို အဲဒီ Accidental အတိုင်း တီးရမယ်ဆိုပြီး ရှင်းအောင် ပြထားတာပါ။ ဒါမျိုးကို Octave တွေပါလာရင် ရှင်းအောင် ပိုသေချာအောင် ထပ်ရေးပြထား တာ ဖြစ်ပါတယ်။ ဒါကို Courtesy Accidental လို့ခေါ်ပါတယ်။


အပေါ်ကပုံမှာ ဆိုရင် ဒုတိယဘားရဲ့ အစမှာ Natural ကို ကွင်းထဲထည့်ပြီး Courtesy Accidental အနေနဲ့ပြထားပါတယ်။ အမှန်ကတော့ နောက်တဘားကို ကူးသွားပြီးဖြစ်လို့ Eb မဟုတ်တော့ဘဲ E သံကိုသာ တီးရတော့မှာဖြစ်ပါတယ်။ Natural ပြန်ပြဖို့ မလိုအပ်ပါဘူး။ ဒါပေမယ့် ပိုရှင်းအောင် ပြထားခြင်းဖြစ်ပါတယ်။ မပြရင်လည်း ရပါတယ်။
တခု သတိပြုဖို့က ဥပမာ C# နဲ့ Db ဟာ ရေးပုံကွဲပြားပေမယ့် အလုံးက တလုံးတည်းပါ။ တခါတလေ Scale ရဲ့ လိုအပ်ချက်အရ C ကို Flat တပ်ပြီး Cb လို့လည်းရေးလေ့ရှိပါတယ်။ တီးရမှာက B ပါပဲ။ ဒါမျိုးကို Enharmonic လို့ခေါ်ပါတယ်။ ဒီအခေါ်အဝေါ်လေးကို မှတ်ထားသင့်ပါတယ်။

Accidental တွေကို ရေးတဲ့အခါ၊ ဖတ်တဲ့အခါမှာ မှတ်ရမယ့် စည်းမျဉ်းတွေက နည်းနည်း များတဲ့အတွက် အသေအချာ ရှင်းအောင်၊ နားလည်အောင် လုပ်ထားရပါမယ်။ အခုပြထားတဲ့ စည်းမျဉ်းအားလုံးဟာ အလွန်အရေးကြီးတဲ့အတွက် ကျေကျေညက်ညက် သိထားဖို့ လိုပါတယ်။ နို့မို့ဆိုရင် အလုံးတွေမှားရေးမိ၊ မှားဖတ်မိရင် အသံတွေမှားကုန်မှာ ဖြစ်လို့ပါပဲ။ သေသေချာချာ အချိန်ယူဖတ်ပြီး မှတ်သားထားကြဖို့ အထူးတိုက်တွန်းလိုပါတယ်။

ဆက်ပါဦးမယ် ...

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

ပင်ပွင့်ပြန်ပြီ

ကိုဟန် (ကိုဟန်သစ်ငြိမ်) တယောက် လွန်ခဲ့တဲ့ နှစ်ရက်က တောင်တက်ရင်း တောင်ထိပ်ပေါ်မှာ ရေးဖြစ်ခဲ့တဲ့ ကဗျာလေးဖြစ်ပါသတဲ့။ ကိုဟန် ဒါမျိုးရေးထားတာ နှစ်ပုဒ်ရှိပါပြီ။ ပဒုမ္မာကြာဆိုနည်းနဲ့ ရေးထားတာပါ။

`ပင်´ တစ်လုံးတည်းကို ကြာရဲ့ဝတ်ဆံလို ပတ်ပြီး ရေးထားခြင်းဖြစ်ပါတယ်။ ရှင်မဟာရဋ္ဌသာရ ရဲ့ရေးနည်းပါ။ ကိုဟန်ကတော့ တောင်ပေါ်မှာ ပွင့်နေတဲ့ ပန်းတွေ၊ သစ်ပင်တွေကို ဘယ်သူမှ ကင်မရာပါမလာတာနဲ့ ဒီလိုပဲ မှတ်မှတ်ရရ မှတ်တမ်းတင်ခဲ့တယ်လို့ ဆိုပါတယ်။ အဆုံးသတ်မှာ 'ပ' အက္ခရာနဲ့ချည်း ခုနစ်လုံးချထားပုံရယ်၊ ခုနစ်လုံးတပါဒ ဖွဲ့ထားပုံရယ်၊ ပိုဒ်ဆက်ကာရန်နဲ့ ပိုဒ်တွင်းကာရန် ယူထားပုံလေးရယ် (၃-၂ တွေချည်းပဲ) က လှလွန်းလို့ရယ်၊ တမျိုးတဖုံဖေါက်ထွက်ထားတဲ့ မြန်မာလင်္ကာရဲ့ ရစ်သမ်သစ်ရယ်ကို သဘောကျလွန်းလို့ ကျနော် ကိုဟန့်ဘလော့ဂ် ကနေ 'မ' လာတာပါ။ ခံစားကြည့်ကြပါခင်ဗျာ။

`ပင်ပွင့်ပြန်ပြီ´

ပင်ယံထက် ပင်ခက်လက်ကြား
ပင်ဖျားလွင် ပင်ရင်ခွင်မှီ
ပင်စည်အို ပင်ညိုတိုတွေ
ပင်ခြေမှာ ပင်ညှာရှာထောက်
ပင်အောက်မြစ် ပင်သစ်ပွင့်ပြီ
ပင်ပွင့်ပြီ ပင်ပွင့်ပြန်ပြီ။

ဟန်သစ်ငြိမ် ဆိုတဲ့အတိုင်း ဟန်အသစ်တွေနဲ့ချည်းပဲဗျို့ ... ကိုဟန်ရေ ငြိမ်လို့သာတော်တော့တယ်နော် ... မငြိမ်များ မငြိမ်ရင်တော့ ...

ဖတ်ရှုခံစားအားပေးတဲ့အတွက် ကျေးဇူးအထူးပါ ...
ဟယ်ရီ

Read More...

Summary only...

မိုးကြယ်စင်

အဖျားကောက် ပိုဒ်စုံရတု

မိုးကြယ်စင်။ ။ သွယ်လွင်မြမွှေး၊ လှသွေးကြွယ်ညီ၊ ရွယ်သီဆံမြ၊ လျှံကျညို့ညို၊ မို့မိုကိုယ်ဟန်၊ စိုပြန်လက်လင်း၊ ညက်ညင်းမွှေးနု၊ ထွေးဥနုသား၊ ရှုညားသွဲ့ပြောင်း၊ နွဲ့နှောင်းမြသွင်၊ လှဆင်တမ်းခေါ်၊ လွမ်းသော်ကြာမြင့်၊ ခါဆင့်ချမ်းဆောင်း၊ နွမ်းပြောင်းလွင့်မျော၊ တင့်မော ဖြိုးသွင်၊ မိုးစင်ကြယ်။

ကြယ်စင်မိုး။ ။ သွင်ဖြိုးမောတင့်၊ မျောလွင့်ပြောင်းနွမ်း၊ ဆောင်းချမ်းဆင့်ခါ၊ မြင့်ကြာသော်လွမ်း၊ ခေါ်တမ်းဆင်လှ၊ သွင်မြနှောင်းနွဲ့၊ ပြောင်းသွဲ့ညားရှု၊ သားနုဥထွေး၊ နုမွှေးညင်းညက်၊ လင်းလက်ပြန်စို၊ ဟန်ကိုယ်မိုမို့၊ ညိုညို့ကျလျှံ၊ မြဆံသီရွယ်၊ ညီကြွယ်သွေးလှ၊ မွှေးမြလွင်သွယ်၊ စင်ကြယ်မိုး။

စင်ကြယ်မိုး။ ။ ဖြိုးသွင်မောတင့်၊ လွင့်မျောပြောင်းနွမ်း၊ ချမ်းဆောင်းဆင့်ခါ၊ ကြာမြင့်သော်လွမ်း၊ တမ်းခေါ်ဆင်လှ၊ မြသွင်နှောင်းနွဲ့၊ သွဲ့ပြောင်းညားရှု၊ နုသားဥထွေး၊ မွှေးနုညင်းညက်၊ လက်လင်းပြန်စို၊ ကိုယ်ဟန်မိုမို့၊ ညို့ညိုကျလျှံ၊ ဆံမြသီရွယ်၊ ကြွယ်ညီသွေးလှ၊ မြမွှေးလွင်သွယ်၊ ကြယ်စင်မိုး။ ။

------------------

အဖျားကောက်ရတုလေး ဖြစ်ပါတယ်။ မယ်ဘွဲ့ အလှဘွဲ့ပေါ့။ ရိုးရိုး ပုံမှန်အဖျားကောက်ရတုမျိုးမဟုတ်ဘဲ ရေးပုံဆန်းဆန်းလေးရေးထားတဲ့ ရှေးရတု တပုဒ်တွေ့လို့ လိုက်ပြီးကြိုးစားရေးကြည့်ထားတာပါခင်ဗျာ။

ဘာတွေကများဆန်းနေသလဲ ဆိုရင် ... အဓိက ကတော့ သုံးပိုဒ်လုံးမှာ စကားလုံးတွေအတူတူ ရှေ့နောက်ပြောင်း (ပတ်လည်ရိုက်) ထားတာပါ။ (အဖျားကောက်ရတုတိုင်းကတော့ ဒီလိုရေးစရာမလိုပါဘူး။)
ပထမအပိုဒ်ကတော့ ထိပ်ချင်းချွတ် (၄-၂)ကာရန်နဲ့ ရေးလိုက်ပါတယ်။ ပါဒတခုရဲ့အဆုံး(၂)လုံးနဲ့ နောက်ကပ်လျက်ပါဒရဲ့ အစ (၂)လုံး ကို နဘေထပ်ယူလိုက်ပါတယ်။
ပြီးတော့ ဒုတိယအပိုဒ်ကိုသေချာဖတ်ကြည့်လိုက်ပါ။ ပထမ အပိုဒ်ကို အဆုံးကနေ တလုံးချင်း ပြောင်းပြန် ပြန်ရေးလိုက်တာပါပဲ။ ကာရန်ရော၊ နဘေရော မပြောင်းပါဘူး။
တတိယအပိုဒ်က ဒုတိယအပိုဒ်မှာရှိတဲ့ ပါဒတခုချင်းရဲ့ ရှေ့ဆုံးစာလုံး၂လုံးကို ပြောင်းပြန်ပြန်ရေးလိုက်တာပါပဲ။ အဲဒီတော့ တပိုဒ်လုံးက ပါဒအားလုံးဟာ ဦးတိုက် (၄-၁) ကာရန်တွေချည်းပဲဖြစ်သွားပါတယ်။ နဘေ မပါတော့ပါဘူး။
(ကောင်းတာတခုက တပိုဒ်ပဲရေးပြီး နောက်နှစ်ပိုဒ်အတွက် စကားလုံးတွေ စဉ်းစားစရာမလိုတော့ဘူးပေါ့နော် ... ရှေ့နောက် ပတ်လည်ရိုက်လိုက်ရုံပါပဲ ... ဟဲဟဲ)

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

Rudiments and Theory of Music (9)

Dotted Notes and Rests

အစက်လေးတစက် (Dot) ကို note တလုံးရဲ့ နောက်မှာ ကပ်လျက်ထည့်လိုက်ရင် အဲဒီ note ကို Dotted Note လို့ ခေါ်ပါတယ်။ Dot ဟာသူထည့်လိုက်တဲ့ note ရဲ့ တန်ဖိုး တ၀က်နဲ့ ညီပါတယ်။ ဒါကြောင့် ဒီလို ထည့်လိုက်ရင် အဲဒီ note ရဲ့ တန်ဖိုးဟာ တ၀က် (တနည်းအားဖြင် တစ်ဆခွဲ) ထပ်ပြီး တိုးသွား (အသံရှည်သွား) ပါတယ်။ ဥပမာ Minim တလုံးကို Dot ထည့်လိုက်ရင် မူလ Minim တန်ဖိုး က Crochet ၂လုံး၊ နောက်ထပ် Dot ရဲ့ တန်ဖိုးက Minim ရဲ့ တ၀က် ဆိုတော့ နောက်ထပ် Crochet ၁ လုံးဖြစ်တဲ့အတွက် စုစုပေါင်း Crochet ၃လုံး စာ ရှိသွားမှာဖြစ်ပါတယ်။ ကျန်တဲ့ note တွေပဲ ဖြစ်ဖြစ်၊ Rest တွေပဲဖြစ်ဖြစ်ဟာလည်း ဒီသဘောတရားအတိုင်းပဲ ဖြစ်ပါတယ်။ အောက်က ဥပမာကိုကြည့်ပါ။

Dot ကိုရေးတဲ့အခါ Line Note တွေအတွက် ဆိုရင် Note Head ရေးထားတဲ့ Line ရဲ့ အပေါ်ကပ်လျှက် Space မှာ ရေးရမှာ ဖြစ်ပါတယ်။ Space Note တွေအတွက် ဆိုရင် အဲဒီ Note Head ရှိတဲ့ Space မှာ ရေးရမှာ ဖြစ်ပါတယ်။ အောက်က ဥပမာမှာ Dotted Note တွေရဲ့ ရေးသားပုံနဲ့ တီးဖို့ပုံစံကို ပြထားပါတယ်။


ဒီတော့ Dot တခု အစား နှစ်ခု ထည့်လိုက်ရင်လည်း ဒီသဘောတရားအတိုင်းပဲ ဆက်ယူရပါမယ်။ အဲဒီတော့ Dot နှစ်ခု ထည့်လိုက်ရင် အဲဒီ Note ဟာ နောက်ထပ် အသံ လေးပုံသုံးပုံ (၇၅%) ထပ်ရှည်လာပါမယ်။ ဥပမာ Minim တလုံးကို Double Dot ထည့်လိုက်ရင် မူလ Minim တန်ဖိုး က Crochet ၂လုံး၊ ပထမ Dot ရဲ့ တန်ဖိုးက Minim ရဲ့ တ၀က် ဆိုတော့ နောက်ထပ် Crochet ၁ လုံး၊ ဒုတိယ Dot ရဲ့ တန်ဖိုးက ပထမ Dot ရဲ့ တ၀က် ဆိုတော့ နောက်ထပ် Quaver ၁ လုံး ဖြစ်တဲ့အတွက် စုစုပေါင်း Crochet ၃လုံး နဲ့ Quaver ၁လုံးစာ (သို့မဟုတ် Quaver ၇လုံးစာ) ရှိသွားမှာဖြစ်ပါတယ်။ Minim နဲ့ Crochet အတွက် အောက်က ဥပမာမှာ ပြထားပါတယ်။ ကျန်တဲ့ note တွေနဲ့ Rest တွေအတွက်လည်း ဒီသဘောတရားအတိုင်းပဲ ဖြစ်ပါတယ်။


Triple Dot တွေ့ခဲ့ရင်လည်း ဒီအတိုင်းပဲ ဆက်တွက်သွားလိုက်ပါ။ Dotted Rest တွေကတော့ တွေ့ရခဲပါတယ်။ Compound Time တွေဖြစ်တဲ့ 6/8 တို့ 9/4 တို့ တွေမှာပဲ အတွေ့များပါတယ်။ ဒါပေမယ့် တွေ့လာရင်လည်း ဒီလိုပဲ မှတ်ယူရပါမယ်။
ဒါဆိုရင် Dotted Note တွေနဲ့ Rest တွေအကြောင်း ရှင်းသွားလောက်ပါပြီ။

ဆက်လက်ဖေါ်ပြပါမယ် ...

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ . . .
ဟယ်ရီ

Read More...

Summary only...

Rudiments and Theory of Music (8)

Tie, Legato (Slur) and Staccato

ပုံမှန် Note တွေကို နားလည်ပြီးတဲ့အခါ သူတို့ကို မူလတန်ဖိုးထက် ပိုပြီး အသံရှိန် ရှည်အောင် ဆွဲပြီး တီးရတဲ့ သင်္ကေတ တွေ အကြောင်းပြောပါမယ်။
အရင်ဆုံး Tie နဲ့ Legato ကို ကြည့်ပါမယ်။
Tie ဆိုတာကတော့ အသံတူတဲ့ Note (၂)လုံးကို မျဉ်းကွေးလေးနဲ့ဆက်ပေးထားတာပါ။ ဒီလိုဆက်ထားရင် ပထမ Note ကို တီးပြီး မျဉ်ကွေးနဲ့ ဆက်ပြထားတဲ့ ဒုတိယ Note ကို မတီးပဲ အဲဒီ Note ရဲ့ တန်ဖိုးကုန်ဆုံးသည်အထိ အသံရှိန်ကို ဆွဲ ပေးထားရပါမယ်။ သဘောကတော့ Crochet (၂) လုံးကို Tie နဲ့ဆက်ထားရင် ပထမ Crochet ကို သူကျမယ့် Beat မှာ တီးပြီး ကပ်လျက် Beat မှာ ဒုတိယ Crochet ကို မတီးပဲ အဲဒီ Beat ဆုံးတဲ့အထိ အသံရှိန်ဆက်ဆွဲထား (ဂီတာမှာဆိုရင် ဘယ်လက်ကွက်ကို မလွှတ်ဘဲ ဆက်ဖိထား) ရမှာဖြစ်ပါတယ်။ Tie ဟာ အမြဲတမ်း အသံခြင်း ထပ်တူညီတဲ့ Note တွေကိုသာ ဆက်ပါတယ်။ Note (၂) လုံးထက်မကလည်း ဆက်လို့ရပါတယ်။ အဲဒီလိုဆက်ထားရင် အမြဲတမ်း ပထမဆုံး အလုံးကိုသာ အသံထွက်အောင် တီးရမှာဖြစ်ပြီး ကျန်တဲ့ Tie နဲ့ဆက်ထားတဲ့ Note အားလုံးကို မတီးဘဲ အသံရှိန်သာ ဆွဲထားရမှာဖြစ်ပါတယ်။ သဘောကတော့ (၂) လုံးကို Tie လုပ်ထားရင် Semi-breve တလုံးနဲ့ သဘောချင်း အတူတူပါပဲ။ ဒီလိုပါပဲ .. Crochet (၂) လုံးကို Tie လုပ်ထားတာဟာ Minim တလုံးနဲ့ တန်ဖိုးချင်း၊ တီးပုံချင်း အတူတူပါပဲ။ အောက်က ပုံမှာ ပြထားပါတယ်။



ဒါဆိုရင် ဘာဖြစ်လို့ အလုပ်ရှုပ်ခံပြီး Tie လုပ်နေမှာလဲ၊ Crochet (၂) လုံးကို Tie လုပ်မယ့်အစား Minim တလုံးတည်း ရေးလိုက်ရင် မပြီးဘူးလား လို့ မေးစရာရှိပါတယ်။ အဲဒီလို ရေးလို့မရတဲ့နေရာတွေရှိပါတယ်။ ဥပမာ ဘားတဘား အဆုံးက အလုံးကို နောက်တဘားရဲ့ အစအထိ အသံရှိန်ဆွဲထားချင်တဲ့အခါမျိုးကျရင် Tie နဲ့ရေးမှရပါတယ်။ ဘားတခုရဲ့ အဆုံးအလုံးက Crochet ကို နောက်ဘားအစက Crochet အထိ အသံရှိန်ဆွဲချင်တဲ့အခါ Minim နဲ့ရေးလို့ မရတော့ပါဘူး။ ရေးလိုက်ရင် အဲဒီ bar ရဲ့ ရှိရမယ့် အလုံးရေထက် ကျော်ထွက်သွားပါလိမ့်မယ်။ အဲဒီလို အခါမျိုးမှာ Tie ကို သုံးရပါတယ်။ Time Signature အကြောင်းကျရင် ပိုရှင်းသွားပါလိမ့်မယ်။ နောက်ပြီး အသံတသံတည်းကို ၃-၄ ဘားလောက် ဆက်ပြီး အသံရှိန်ဆွဲထားချင်ရင်လည်း Tie ကိုသုံးမှ ရမှာပါ။
Legato (အချို့က Legado လို့လဲ ရေးပါတယ်။ Guitar မှာ အများဆုံးသုံးပါတယ်။ Slur လို့လဲ ခေါ်ပါတယ်။) ဆိုတာ ကတော့ အသံမတူတဲ့ Note အနည်းဆုံး (၂)လုံးကို မျဉ်းကွေးလေးနဲ့ဆက်ပေးထားတာပါ။ ဒီလိုဆက်ထားရင် ပထမ Note ကို တီးပြီး မျဉ်ကွေးနဲ့ ဆက်ပြထားတဲ့ ဒုတိယ Note ကို မတီးပဲ အဲဒီ Note ရဲ့ အလုံးရှိတဲ့နေရာကို ချောချောမွေ့မွေ့လေး ရောက်သွားအောင် ဂီတာလက်ကွက်ပေါ်မှာ ဖိထားတဲ့လက်ကို မကြွဘဲ ပွတ်တိုက်ရွှေ့ခြင်း (slide or gliss)၊ ဒါမှမဟုတ် အသံမြင့်ရာကိုပြရင် နောက်လက် တချောင်းနဲ့ လှမ်းဖိလိုက်ခြင်း (hammer-on) (သို့မဟုတ်) အသံနိမ့်ရာကိုပြထားရင် ဒုတိယအလုံးရှိတဲ့ နေရာကိုပါ ပြိုင်တူအရင်ဖိထားပြီး ပထမအလုံးကိုတီးပြီးမှ အဲဒီ ပထမအလုံးကို ဖိထားတဲ့ လက်ချောင်းကို ကြွလိုက်ခြင်း (ဒုတိယအလုံးနေရာကို ဖိထားတဲ့ လက်ကို မလွှတ်ရပါ) (pull-off) တို့ကိုလုပ်ရမှာ ဖြစ်ပါတယ်။ Piano မှာတော့ ပထမအလုံးကို လက်မလွှတ်ဘဲ ဖိထားရင်း နောက်အလုံးကို ဆက်တီးလိုက်တာပါ။ ဒီလို Legato လုပ်ရင် အသံဟာ ချောချောမွေ့မွေ့ လှလှပပလေးထွက်လာပါတယ်။ အောက်က နမူနာပုံစံကိုကြည့်ပါ။ Beat 1 နဲ့ 2 ဟာ Tie ဖြစ်ပြီး Beat 3 နဲ့ 4 က အလုံးတွေဟာ Legato ဖြစ်ပါတယ်။



ဒီ Note တွေကို ဂီတာနဲ့တီးကြည့်ရင် 1 မှာ G ကိုတီးပြီး 2 မှာ မတီးပဲ လက်ကိုဆက်ဖိထားပြီးအသံရှိန်ဆွဲထားရပါမယ်။ 3 က A note ကိုတီးပြီး & မှာ မတီးပဲ G ကို လက်နဲ့ ဖိထားပြီးမှ A ကို နှိပ်ထားတဲ့ လက်ကို ကြွလိုက်ရမှာ (pull-off) ဖြစ်ပါတယ်။ 4 မှာ A note ကိုတီးပြီး & မှာ မတီးပဲ B Note ကို လက်နဲ့ လှမ်းပေါက်လို့ပဲဖြစ်ဖြစ် (Hammer-on)၊ A ကို ဖိထားတဲ့လက်ကို မကြွဘဲ B Note ကိုရောက်တဲ့အထိ ဖိဆွဲသွားပြီးပဲဖြစ်ဖြစ် (slide or gliss) လက်အဆင်ပြေသလို တီးရမှာဖြစ်ပါတယ်။ နောက်တဘားက 1 မှာ C ကိုတီးပြီး 2-3-4 အထိ အသံရှိန် ဆွဲထားရမှာဖြစ်ပါတယ်။

Staccato and Tenuto
Staccato ဆိုတာကတော့ အသံပြတ်ပြတ် တီးရမယ့် Note တွေပါ။ တီးပြီးတာနဲ့ ချက်ချင်း ဘရိတ်ဖမ်းပြီး အသံရှိန်ကို သတ်ပြီး တီးရမှာဖြစ်ပါတယ်။ သူတို့ကို ရေးတဲ့အခါ Note တွေရဲ့ အောက်တည့်တည့် ဒါမှမဟုတ် အပေါ်တည့်တည့်မှာ အစက် (dot) လေးတွေထည့်ပြီးရေးထားရပါတယ်။
မျဉ်းတို (dash) လေးတွေနဲ့ ရေးပြထားရင်တော့ Tenuto လို့ခေါ်ပါတယ်။ အဲဒါဆို အဲဒီ Note ရဲ့ တန်ဖိုး (အသံရှိန်) အပြည့်တီးရပါမယ်။ နည်းနည်းလည်း ပိုပြီး ဖိတီး (stress or emphazie) ရပါတယ်။ Sostenuto လို့လည်း ခေါ်ပါတယ်။



ဆက်ပါဦးမယ် ...
ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ . . .
ဟယ်ရီ

Read More...

Summary only...

Rudiments and Theory of Music (7)

Rhythm

Staff ပေါ်မှာ note တွေ ရေးသားတာကိုသိပြီးတဲ့နောက်မှာ “Rhythm” အကြောင်း အနည်းငယ်ပြောလိုပါတယ်။ အရင်ပို့စ် Rudiments and Theory of Music (6) က သံစဉ်ကလေးကို ပြန်ကြည့်ပါ။ အဲဒီ သံစဉ်ရဲ့ နရီ (Rhythm) ကို ရေးချရင် အောက်ပါအတိုင်း တွေ့ရမှာ ဖြစ်ပါတယ်။ (Rhythm ကိုရေးတဲ့နေရာမှာ Melody မလိုအပ်တဲ့အတွက် Staff ရေးမပြတော့ပါဘူး။ Note တွေကိုသာ ရေးပြထားပါတယ်။)

ဒါဟာ ဒီသံစဉ်တခု ရဲ့ Rhythmic Pattern ပဲ ဖြစ်ပါတယ်။ အပေါ်က melody ပါတဲ့ Note နဲ့ ပြန်နှိုင်းယှဉ်ကြည့်ပါ။ မည်သည့် သီချင်းကိုမဆို ဒီသဘော အတိုင်း Rhythmic Pattern ရေးချလိုက်လို့ရပါတယ်။ ဒီတော့ Rhythm ဆိုတာဟာ သီချင်း ဆိုဖို့ Rhythm ဂီတာ တီးပေး နေတာ မဟုတ်ပါဘူး။ Rhythm Guitar တီးခြင်းမဟုတ်သလို မြန်မာပြည်မှာ အလွယ်တကူ Beat (cha cha, slow, 6/8, country အစရှိသဖြင့်) လို့ ခေါ်နေကြတဲ့ Rhythm Guitar တီးတဲ့ style တွေလဲ မဟုတ်ပါဘူး။ Rhythm ဂီတာ ဆိုတာက Accompaniment သာဖြစ်ပါတယ်။
ဒီတော့ Rhythm ဆိုတာဟာ သီချင်းတပုဒ်လုံးမှာပါတဲ့ ဘားတိုင်းမှာ ရှိနေတဲ့ Note တွေရဲ့ Value အစီအစဉ်ကို ပြောတာဖြစ် ပါတယ်။ အရေးကြီးတဲ့အပြင် အမှတ်မှားနေကြမှာစိုးလို့ အသေအချာ မှတ်ထားစေလိုပါတယ်။ ပိုပြီးရှင်းအောင် အောက်က ဥပမာ နှစ်ခုကိုကြည့်ပါ။



Piece A နဲ့ B မှာ ပါတဲ့ Note အလုံးတွေ ဟာ ဘားတိုင်းမှာ အကုန်တူပါတယ်။ C - CD - E - C | D - ED - C -|| ချည်းပဲ ဖြစ်ပါတယ်။ ဒါပေမယ့် သူတို့ရဲ့ Rhythm မတူပါဘူး။ အောက်ကပုံကိုကြည့်ပါ။



ဒီလို Rhythmic pattern မတူတဲ့အတွက် တီးကြည့်လိုက်ရင် အလုံးတွေ တူသော်ငြားလည်း မတူကွဲပြားတဲ့ သံစဉ်ကို ရရှိမှာ ဖြစ်ပါတယ်။ အောက်က ပုံစံ (၂)ခု ကို ဆက်ကြည့်ပါ။



ဒီပုံစံမှာ ပြထားတဲ့ Piece C နဲ့ D ကတော့ အလုံးတွေ မတူပါဘူး။ ဒါပေမယ့် သူတို့ရဲ့ Rhythm က အတူတူပါဘဲ။ အောက်က ပုံမှာကြည့်ပါ။



ဒီမှာတော့ အလုံးတွေ မတူပေမယ့် Rhythm တူတဲ့အတွက် တီးကြည့်လိုက်ရင် နီးစပ်ဆင်တူတဲ့ ခံစားမှု တခုကို ရရှိပါလိမ့်မယ်။
ဒါလောက်ဆို Rhythm နဲ့ ပတ်သက်လို့ ရှင်းလောက်ပြီလို့ ထင်ပါတယ်။

ဆက်ပါဦးမယ် ...

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ . . .
ဟယ်ရီ

Read More...

Summary only...

ဆောင်းညအိပ်မက်မြူ

ဇာတိမ်ကန့်လွှာ၊ မြူပဝါနှင့်၊
ကဗျာအိပ်မက်၊ နှင်းရည်စက်တို့၊
ဆောင်းရက်ညမှာ၊ ပိတ်ဆီးကာသော်၊
မှိန်ကာဝိုးဝါး၊ မထင်ရှားလည်း၊
ထွင်းသွားထိုးဖေါက်၊ မြင်ရလောက်သည့်၊
မနောက်မကြည်၊ ပီတပီနှင့်၊
ဇာခြည်နောက်မှာ၊ မောင့်ကလျာ၏၊
ရုပ်လွှာဖျော့ဖျော့၊ ကြော့ကြော့လျရှင်း၊
မြအဆင်းကို၊ လမင်းကဗျာ၊
အိပ်မက်လွှာခက်၊ သလွန်ထက်တွင်၊
ညို့ညက်မြင်ခိုက်၊ မောလှိုက်သက်ပြင်း၊
ရှိုက်သွင်းကာငင်၊ သံစဉ်နွဲ့နှောင်း၊
တပြောင်းပြန်ပြန်၊ စောင်းညှို့သံမှ၊
ရုန်းပြန်ထသော်၊
မောလျမပီ၊ သီကရီသို့၊
ရာသီဆောင်းည အိပ်မက်မြူ။ ။

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

ဝေရွှန်းစန္ဒာ

ဝေရွှန်းစန္ဒာ အစချီ အချီညီအချညီ ပိုဒ်စုံ ရတု

ရေးသူ - လက်ဝဲသုန္ဒရအမတ်ကြီး ဦးမြတ်စံ (ဘယနန္ဒမိတ်၊ မဟာသီဟသူရ) (၁၀၈၅-၁၁၆၁)

(၁) ဝေရွှန်း စန္ဒာ။ ချမ်းရိပ်သာသို့၊ မျက်နှာ တူရူ၊ တ-သည်သူလျှင်၊ ဇဗ္ဗူ အောင်ခန်း၊ ရွှေပြည်နန်းသို့၊ ရောက်ပန်းကြီးအင်၊ နေ မရွှင်ခဲ့၊ လွင်လည်း တဆိုင်၊ မြိုင်လည်း တထွေ၊ မြေလည်း တထူး၊ ဝေးခေါင်ကြူးသို့၊ ရောက်ဖူးမည်ထား၊ ရွှေညာဖျားလည်း၊ ရှေးကား မဆွ၊ ကြားရသည်သာ၊ ဘယ်ရပ်မှာဟု၊ ကြောင်းရာ တစိ၊ တပ်မသိခဲ့၊ ကျွန်းကြီ့ချက်ချာ၊ တို့နေရာနှင့်၊ ဘာသာကွဲလမ်း၊ မြိုင်တောဝှမ်းဝယ်၊ အချမ်း မတူ၊ အပူ အမျှ၊ ကြုံပြန်ရရှင့်၊ သိင်္ဃအောင်မြေ၊ လယ်ချက်ဗွေ၌၊ နေလည်း တဆန်း၊ နန်းလည်း မခြား၊ မထွေပြားတည့်၊ ကိုးပါး န၀ရတ်၊ ရွှေပြသာဒ်က၊ မျက်မြတ် လျှံရည်၊ ထွန်းလှည့် လည်သည်။ ။ နေခြည်ထဲတွင် ပါလိမ့်မည်။

(၂) နေ၀န်းဖန်ဝါ။ ထိန် စကြာလည်း၊ အာကာဖိတ်ဆီး၊ ကျွန်းလုံးညီးမျှ၊ ထိနီးမိုးလယ်၊ ဖြိုးဖြိုးကယ်၍၊ အံ့ဘွယ်ယှက်သန်း၊ ရှုမခန်းတည့်၊ ရွှေနန်းမှန်ဆီ၊ ရှိရာဆီသို့၊ မြှောက်ချီဦးတင်၊ စက်ရာဝင်လည်း၊ ကြည်လင်ရှိခိုး၊ စက်ရာနိုးလည်း၊ လက်မိုးလှည့်လည် မျှော်မိသည်ရှင့်၊ ရွှေပြည်တော်မှာ၊ ခုချိန်ကာကို၊ သူဇာသာစံ၊ မိတ်နံ မပြား၊ ဓာတ်တံခါး၏၊ ယွန်းစား ရှေ့မှာ၊ ပျော်ဘွယ် သာရှင့်၊ သီတာ ပတ်ကုံး၊ မြစ်နှင့် ကျုံးလည်း၊ တလုံးတည်းရေ၊ စီးတွေတွေ တည့်၊ မိုးနွေ မခေါင်၊ လက်ယာ မြှောက်လျက်၊ နတ်ဆောင်ယူပို့၊ လေ၏သို့လျှင်၊ ရွှေမြို့ရွှေပြည်၊ ၀န်းပတ်လည်သည်။ ။ ရေကြည် သဲပြင် သာလိမ့်မည်။

(၃) နွေကျွန်းသန်ခါ။ ခုချိန်ခါကို၊ ကျောင်းသာရာမ်ခင်း၊ စေတီတွင်း၌၊ သီတင်းအလှူ၊ ရွှေပြည်သူတို့၊ ဆုယူ စည်းဝေး၊
ဖြူဖြူ ဖွေးလိမ့်၊ စက်မှေးခိုက်တွင်၊ အိမ်မက်မြင်သို့၊ မရွှင် ရူတ၊ လွမ်းလိုက် လှရှင့်၊ ညွှန်ပြ ကျိုးဆက်၊ ဆယ်ကျော်သက်က၊ ကြင်ဖက်အတူ၊ တောင်းဆုယူသည်၊ အိမ်သူ ချောသွယ်၊ သုံးယောက် မယ်နှင့်၊ ပင်လယ်ခြားရာ၊ ခရီး ကွာသို့၊ မှာလည်း မကြား၊ သွားလည်း မသင့်၊ ဖြစ်သဖြင့်လျှင်၊ ပူခွင့် ရှည်ရေး၊ ရှိချေသေး၏၊ ရင်သွေး ရွှေတောင်၊ သား မောင်နှမ၊ ဆင်းသိင်္ဂတို့၊ မွေးဘ ရင်ခွင်၊ ရွှေလက်တင်၍၊ ယူငင် ပိုက်ဖြား၊ ဖျော်မည်များနှင့်၊ နှစ်ပါး မျက်ခြည်၊ သားနှင်းရည်သည်။ ။ ရွှေလည်ဆွဲချင် ရှာလိမ့်မည်။

Read More...

Summary only...

နှင်းဆီဆူး

နှင်းဆီဆိုတာ၊ ဆူးရှိပါမှ၊
ဆွတ်လာလက်ကြမ်း၊ နောက်ရွံ့လှမ်း၏။

ဆူးမရှိလျှင်၊ နှင်းဆီယဉ်ကို၊
လျင်လျင်သူငါ၊ ခူးခွင့်သာ၍၊
မကြာပျက်ယွင်း၊ အလှကင်းမည်။

နှင်းဆီသူခိုး၊ ပန်းမုဆိုးများ၊
ယိုးစွပ်လာကြ၊ ဆုးချွန်မြကြောင့်၊
အလှနှင်းဆီ၊ ယိုယွင်းသည်တဲ့။

မုဆိုးစကား၊ မာယာပျားလို၊
လှည့်ဖျားတတ်ကုန်၊ လူ့ဇာတ်ခုံမှာ၊
ဘယ်ပုံဆိုစေ၊ နှင်းဆီမေကို၊
ရန်ထွေကင်းပ၊ မသီခအောင်၊
နေ့ညမရှောင်၊ အမှောင်အလင်း၊
မိုးနှင်းသည်းသည်း၊ နေပဲပူပူ၊
သူသိချင်သိ၊ မသိချင်နေ၊
မသွေမပျက်၊ ကြင်နာလက်နှင့်၊
ဆိပ်ထက်မြလူး၊ နှင်းဆီဆူးသို့၊
သက်မှူးချစ်နှင်း၊ ရန်ပယ်ရှင်းအောင်၊
အလျဉ်းမသွေ၊ စောင့်ရှောက်နေဖို့၊
ကိုယ်လေဆူးခက်ဖြစ်ပါစေ။

အကျည်းတန်စေ၊ ထီးကျန်ပါစေ၊
သူငါဘယ်သို့၊ အပြစ်ဖို့စေ၊
နှစ်မြို့မှုကင်း၊ သူပင်ငြင်းစေ၊
နှင်းဆီအလှ၊ ဆူးများကသာ၊
မုချကာကွယ်ပေးမြဲတည်း။ ။

ဟယ်ရီ

ရေးထားတာတော့ တနှစ်လောက်ရှိနေပါပြီ။ မတင်ရသေးလို့ တင်လိုက်တာပါ။
ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ

Read More...

Summary only...