ချစ်သူများနေ့တဲ့လား

ဒီနေ့ ..
ဖေဖေါ်ဝါရီ ၁၄ရက်
''ချစ်သူများနေ့'' တဲ့လား
ညီမလေးရေ ...
ရင်ခုန်နေသလား
ကဒ်ကလေးတွေ၊ ပန်းကလေးတွေ ..
ချောကလက်လေးတွေ၊
... တွေ၊ .... တွေ
ဟိုက သည်က
အများကြီး အများကြီး ..
မင်းရနေသလား ...

လူငယ်တွေလဲ ... အုတ်အုတ်ကျက်ကျက်
လူလည်တွေလဲ ... ရှုပ်ရှုပ်ယှက်ယှက်
လူလတ်တွေလဲ ကသုတ်ကရက်
လူတတ်တွေကလဲ ဗရုပ်ဘယက်၊
အော် ...
တကယ်တော့ ...
ဒီနေ့ဟာ ...
ဂရေဂိုရီယံ ကမ္ဘာသုံး နေပြက္ခဒိန်ရဲ့
၄၅ ရက်မြောက်နေ့ ...
'ကလောဒီယပ်စ်' ဆိုတဲ့
သဘောမကြီးမြတ်တဲ့ ပဒေသရာဇ်
ဧကရာဇ်ဘုရင်ယုတ်ရဲ့အမိန့်ကို လစ်လျူသွေဖည်ပြီး
ချစ်သူတွေကို တိတ်တဆိတ် လက်ထပ်ပေးတဲ့
တာနီမြို့က Saint Valentinus ဆိုတဲ့
သူတော်စင်ပုဂ္ဂိုလ်ကြီး
ရောမမှာ ..
နှိပ်စက်ပြီးခေါင်းဖြတ်ခံရတဲ့နေ့ပါ ....
သူတို့ဟာသူတို့
ဂုဏ်ပြုရင်ပြုပါစေ ...
တို့တွေနဲ့ အဝေးကြီးပါကွယ် ...

ညီမလေးရယ်
တစ်ခုလောက်
သေသေချာချာ စဉ်းစားပါဦး
မနေ့က ...
ဖေဖေါ်ဝါရီလ ၁၃ရက်နေ့လေ
လွန်ခဲ့တဲ့ ၉၄နှစ်ကာလက
နွေအကူး ...
လေရူးတွေ ဝေနေတဲ့
အဲဒီနေ့ ....
စနေနေ့ မနက်
အရုဏ်တက်လို့
မိုးသောက်ကျင်းတဲ့အချိန်မှာ ....
'ထိန်လင်း' ဆိုတဲ့
ကလေးငယ်ကလေး ...
ဟိုး အညာက နတ်မောက်မြို့မှာ ..
မွေးဖွါးခဲ့တယ်
သူက ...
စာပေကိုချစ်တယ်
အမှန်တရားကို ချစ်တယ်
ချစ်သူကိုချစ်တယ်
ရင်သွေးတွေကို ချစ်တယ်
အဲဒါတွေ အားလုံးထက်ပိုပြီး ...
တို့တိုင်းပြည်ကို ချစ်သတဲ့

ယောက်ျားကောင်းတို့ရဲ့ သတ္တိ၊
ယောက်ျားကောင်းတို့ရဲ့ သမာဓိ၊
ယောက်ျားကောင်းတို့ရဲ့ သီလ၊
ယောက်ျားကောင်းတို့ရဲ့ စာဂ
ယောက်ျားကောင်းတို့ရဲ့ သိက္ခာ၊
ယောက်ျားကောင်းတို့ရဲ့ ပညာ၊
ယောက်ျားကောင်းတို့ရဲ့ သစ္စာ၊
သူ့မှာ အကုန်ရှိသတဲ့ ....

နောက်ဆုံး ...
အဲဒါတွေအကုန်လုံး
တိုင်းပြည်ကိုပေးပြီး
ဘာမှ ယူမသွားရှာလေတဲ့ ....

ချစ်သူကောင်းတစ်ယောက်
ယောက်ျားကောင်းတစ်ယောက်
ဖခင်ကောင်းတစ်ယောက်
အကြွေစောခဲ့ရတဲ့ ကြယ်တစ်ပွင့်
တို့ရဲ့ ...
မျိုးချစ်သူရဲကောင်းတစ်ယောက်ကိုတော့
ချစ်ဖို့မေ့နေကြတာ
ရင်နာလိုက်တာကွယ်

'ဖေဖေါ်ဝါရီဆယ့်သုံးမှာ
ဗိုလ်ချုပ်မွေးနေ့ပါ။
တထောင့်ကိုးရာတဆယ့်ငါး၊
ရှေ့နေဦးဖာ သား။
ဇာတိနတ်မောက် မကွေးခရိုင်၊
သိကြများခုတိုင်။
ကြံ့ကြံ့ခိုင်တဲ့ဇာနည်ဖွား၊
မိခင်ဒေါ်စု သား ...'


ငယ်ငယ်က
ဆိုခဲ့ရတဲ့ ကဗျာလေး ...
အခုတော့ ဘယ်မှာလဲ

ကိုယ်နဲ့ ဘာမှမဆိုင်တဲ့
အီတလီက သူတော်စင်ကို
သူတို့ဟာသူတို့ ဂုဏ်ပြုကြရာက
ဖြစ်လာတဲ့ 'ဗယ်လင်တိုင်းနေ့' ဆိုတာထက် ..
အဲဒီနေ့မတိုင်ခင် တနေ့ဟာ
တို့တွေအတွက် ..
ပိုပြီး လေးနက်ပြန့်ကျယ်တဲ့
အဓိပ္ပာယ် ရှိပါတယ်ကွယ် ...
ဒီနှစ်တော့ ရှိပါစေတော့
ညီမလေးရယ် ....


အခုခေတ် မြန်မာပြည်က လူငယ်အများစုဟာ ဖခင်ဗိုလ်ချုပ်ကို မေ့နေကြပါပြီ ... ဘာမဟုတ်တဲ့ ဗယ်လင်တိုင်းနေ့ဆိုတာကို ...
သူတို့ ရင်ခုန်နေကြတယ် ...
ကျနော်လည်း မြင်တိုင်းရင်နာရပါတယ်။

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

ကောင်းကင်ဝါအောက်မှာ

တေလေတို့ရဲ့ကျောင်းမှာ
အုန်းမောင်းလည်း ခေါက်ခဲ့ဖူးတယ် ...

ဘီလူးတွေနဲ့လည်း ရင်ဆိုင်တိုက်ခဲ့ဖူး
အရူးတွေနဲ့လည်း ယှဉ်ပြိုင်မိုက်ခဲ့ဖူး
လှေဦးမှာလည်း ထိုင်
ရေကူးတာလည်း ပြိုင်
လက်စိုလည်းမှိုင်လိုက်ကြ
တက်ကိုလည်းကိုင်လိုက်ကြနဲ့
မြိုင်မြိုင်ကြီး ခရီးနှင် ...
တို့တွေ ခရီးရောတွင်ကြသလား ...

မော့ကြည့်ခဲ့တဲ့ အိပ်မက်ဖူးတွေ
ပွင့်တချို့ ကြွေတချို့ ဝေတချို့နဲ့
ကောင်းကင်ဝါအောက်မှာ ...

အော် ...
လင်းမြမွှေးတဲ့ ဆောင်းညရိပ်တွေနဲ့
အတိတ်က တေးသံတွေလွှမ်းခဲ့တဲ့
လမ်းထိပ်က အုတ်ခုံလေးရေ
လွမ်းရိပ်တွေတလွင်လွင်နဲ့
ရင်ခွင်အိုအပြိုင်းပြိုင်းတို့
ကသိုဏ်းတွေမြင်
လှိုင်းတွေဆင်
ဟိုး ... အရင်တုန်းက ....

ဝိသေသထူးများလား
အခုတော့
တို့နာမည်ရှေ့မှာ "ဦး" တဲ့နော် ...
ငယ်ဖေါ်တို့ရေ ...

(ငယ်ဖေါ်များသို့ လွမ်းမိရင်း အမှတ်တရရေးဖွဲ့ပါသည်။)

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

ဆောင်းအဖန်ဖန်

မှုန်ပြာရီ၊
ရာသီခွင် တဖန်ရွေ့ပြောင်းပြန်ပေါ့၊
လေပြန်ဝေ့ညောင်းပါလို့၊
ဟေမာန်ငွေ့လောင်း။

ငြိုးဖွဲ့ရန်ဆင်၊
မာန်ဝင်ကာသူတင်းနေသရွေ့၊
မြူနှင်းတွေ ဝေ့ဝေ့ဆင်လည်း၊
ပူပြင်းနေ သွေ့သွေ့ရင်မှာ၊
ငွေ့ငွေ့အစဉ် မြိုက်ဆူကျွမ်းကာပဲ၊
လှိုက်ပူနွမ်း ပြင်းပြနွေးနေလို့၊
နှင်းမခသေးတဲ့ သည်ရင်ခွင်ကို၊
ညင်ညင်သာ ပွေ့လို့ထွေးကာရယ်၊
အေးပါလှည့် ဆောင်း။ ။

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

Rudiments and Theory of Music (11)

Time Signature

တိုင်မင် လို့ခေါ်နေကြတဲ့ အဓိက Time Signature နှစ်မျိုးရှိပါတယ်။ Simple Time နဲ့ Compound time လို့ခေါ်ပါတယ်။ အဲဒီ (၂)မျိုးကိုမှ တခုခြင်းစီမှာ Duple, Triple & Quadruple ဆိုပြီး ထပ်ခွဲပါတယ်။ အဲဒီတော့ အခြေခံ တိုင်မင် (၆) မျိုးဖြစ်သွားပါတယ်။ အဲဒါတွေကတော့ -
1) Simple Duple
2) Simple Triple
3) Simple Quadruple
4) Compound Duple
5) Compound Triple, and
6) Compound Quadruple ဆိုပြီးဖြစ်ပါတယ်။

Duple Time တွေဟာ တဘားကို (၂) ချက် အုပ်စုခွဲ ရေတွက်ပါတယ်။ Triple Time တွေဟာ တဘားကို (၃)ချက် အုပ်စုခွဲ ရေတွက်ပါတယ်။ Quadruple Time တွေဟာ တဘားကို (၄)ချက် အုပ်စုခွဲ ရေတွက်ပါတယ်။
ဒီတော့ ကျနော်တို့ သုံးနေကြတဲ့ Time Signature ကိုကြည့်ရင် အပေါ်ပိုင်းမှာ ဂဏန်းတခု၊ အောက်ပိုင်းမှာ ဂဏန်းတခု တွေ့ပါလိမ့်မယ်။ 2/4, 3/4, 4/4, 6/8 စသည်ဖြင့် ပေါ့။ အဲဒီဂဏန်းတွေမှာ အပေါ်က ဂဏန်းအားလုံးဟာ တဘားမှာ (one measure or one bar) ရိုက်ချက် ဘယ်နှစ်ချက် (သို့) ရေတွက်ချက် ဘယ်နှစ်ချက် (no. of beats) ကို ဖေါ်ပြပါတယ်။


အောက်ကဂဏန်းတွေ မှန်သမျှဟာ အဲဒီ ရိုက်ချက် တချက်စီရဲ့ ကြာမြင့်ချိန်တန်ဘိုး သင်္ကေတအမျိုးအစား (Value of note) ကို ဖေါ်ပြပါတယ်။ အဲဒီတန်ဖိုးတွေကတော့
2 = Minim or Half Note
4 = Crochet or Quater Note
8 = Quaver or Eighth Note
16 = Semi-quaver or Sixteenth Note ဖြစ်ပါတယ်။

ဒါကြောင့်မို့ အောက်က ဂဏန်းတွေဟာ Simple Time မှာရော Compound time မှာပါ အမြဲတမ်း စုံ ဂဏန်းတွေသာ ဖြစ်ရပါမယ်။ မ ဂဏန်း လုံးဝ မရှိနိုင်ပါ။ အဲဒါအပြင် အထက်မှာပြခဲ့တဲ့ 2, 4, 8 or 16 ဂဏန်းလေးမျိုးသာလျှင် အမြဲဖြစ်ရပါမယ်။ ပုံသေမှတ်ထားလို့ရပါတယ်။

အဲဒီတော့ တခုချင်းပြန်ကြည့်မယ်ဆိုရင် Simple Time Signature အားလုံးဟာ ပုံမှန် Note များ ဖြစ်တဲ့ Minim, Crochet, Quaver & Semi-quaver တွေသာ ဖြစ်ကြပါတယ်။ အပေါ်ဂဏန်းတွေက Duple ဆိုရင် 2၊ Triple ဆိုရင် 3၊ Quadruple ဆိုရင် ပဲဖြစ်ရပါမယ်။ ပုံသေမှတ်ထားလို့ရပါတယ်။ အောက်ဂဏန်းများကတော့ 2, 4, 8, 16 ထဲက တခုခု သာလျှင် ဖြစ်ရမယ့်အတွက်ကြောင့် -
Simple Duple - 2/2, 2/4, 2/8, 2/16
Simple Triple - 3/2, 3/4, 3/8, 3/16
Simple Quadruple - 4/2, 4/4, 4/8, 4/16
ဆိုတဲ့ Simple Time Signature (၁၂) မျိုး ကိုရပါတယ်။

ဒီတော့ 2/2 ဆိုရင် တဘားမှာ Minim နှစ်လုံးရှိပါတယ်။


2/4 ဆိုရင် တဘားမှာ Crochet နှစ်လုံးရှိပါမယ်။


3/4 ဆိုရင် တဘားမှာ Crochet သုံးလုံးရှိပါတယ်။


4/4 ဆိုရင် တဘားမှာ Crochet လေးလုံးရှိပါလိမ့်မယ် ..


ကျန်တာတွေလည်း ဒီသဘောအတိုင်းပါပဲ။ ဒါကြောင့်မို့ 2/4 ဆိုရင် |1 .. 2 ..| 1 .. 2 .. | ဆိုပြီး တဘားစီ တဘားစီကို ရေတွက်သွားရပါတယ်။ 3/4 ဆိုရင် |1 .. 2 .. 3 ..| 1 .. 2 .. 3 .. |ဆိုပြီး တဘားစီ တဘားစီရေတွက်သွားရပါတယ်။ 4/4 ဆိုရင် 1. 2. 3. 4 လို့ ရေတွက်ရမှာ ဖြစ်ပါတယ်။
Duple Time အားလုံးနဲ့ Triple Time အားလုံးမှာ Accent (ခပ်ပြင်းပြင်းဖိတီးရမယ့် နေရာ၊ ပိုပြီး ပေါ်လွင်အောင်တီးရမယ့် နေရာ) ဟာ အမြဲတမ်း ပထမဦးဆုံး ရိုက်ချက် (First Beat) မှာသာရှိပါတယ်။ Quadruple Time အားလုံးမှာ Accent ဟာ ပထမဦးဆုံး ရိုက်ချက် (First Beat) နဲ့ တတိယ ရိုက်ချက် (Third Beat) မှာ ရှိပါတယ်။

Compound Time Signature တွေကျတော့ အောက်ဂဏန်း အားလုံးဟာ ပုံမှန် Note များ မဟုတ်ဘဲ Dotted Note များဖြစ်ပါတယ်။ ဒါကြောင့် Dotted Minim, Dotted Crochet, Dotted Quaver & Dotted Semi-quaver တွေသာ ဖြစ်ကြပါတယ်။ အောက်ဂဏန်းများကတော့ [B]ပုံသေ [/B]2, 4, 8, 16 ထဲက တခုခု သာလျှင် ဖြစ်ရပါမယ်။
အပေါ်ဂဏန်းအားလုံးဟာ 6, 9 နဲ့ 12 တခုခုသာ ဖြစ်ရပါမယ်။ ဒီအပေါ်ဂဏန်းတွေကျတော့ ပေါင်းစပ်ထားတဲ့ တိုင်မင်ဖြစ်တာကြောင့် Duple ဆိုရင် 6 (3+3), Triple ဆိုရင် 9 (3+3+3), Quadruple ဆိုရင် 12 (3+3+3+3) ဆိုပြီး ဖြစ်လာပါတယ်။ ဘာကြောင့်လဲ ဆိုတော့ Note တခုကို Dot ထည့်လိုက်ရင် ဒီ Note ဟာ အသံရှိန် တ၀က်တိုးသွားပါတယ်။ ဒါကြောင့် မူရင်း Note တန်ဖိုး (အသံရှိန်) ရဲ့ တဆခွဲ ဖြစ်သွားပါတယ် (မမှတ်မိရင် Dotted Notes and Rest အကြောင်းမှာ ပြန်ဖတ်ကြည့်ပါ)။ ကျန်တဲ့ Note သုံးမျိုးအတွက်လဲ ဒီသဘောအတိုင်းပါပဲ။
အဲဒါကြောင့် -
Compound Duple - 6/2, 6/4, 6/8, 6/16
Compound Triple - 9/2, 9/4, 9/8, 9/16
Compound Quadruple - 12/2, 12/4, 12/8, 12/16
ဆိုတဲ့ Time Signature (၁၂) မျိုးဖြစ်လာပါတယ်။ ဥပမာ အနေနဲ့ 6/8 ကိုကြည့်ရင် အောက်ခြေဂဏန်း 8 ဖြစ်လို့ Quaver ဖြစ်ရပါမယ်။ အပေါ်ဂဏန်းက 6 ဖြစ်လို့ (၆) လုံးရှိရပါမယ်။ ဒီတော့ တဘားမှာ စုစုပေါင်း Quaver (၆)လုံး ရှိပါတယ်။ ဒါပေမယ့် Duple ဖြစ်တာကြောင့် အုပ်စု ၂စု (တနည်းအားဖြင့် ရိုက်ချက် ၂ချက်) နဲ့ပဲ ရေတွက်ရမှာဖြစ်တဲ့အတွက် Quaver (၃)လုံး ကို တစု ထားပြီး အုပ်စု (၂)စု ခွဲလိုက်ပါတယ်။ Quaver (၃)လုံး ဆိုတာဟာ Dotted Crochet တခုနဲ့ ညီတာကြောင့် ဒီတိုင်မင်ကို Dotted Crochet (၂)ခု အဖြစ်ရေးပါတယ်။ ရေတွက်တဲ့အခါ တဘားမှာ ပထမ Quaver ၃လုံး အတွက် 1 a a, ဒုတိယ Quaver ၃လုံး အတွက် 2 a a ဆိုပြီးရေတွက်ပါတယ်။ အဲဒီတော့ တဘားလုံးအတွက် ဆိုရင် 1 a a 2 a a ဆိုပြီး ရေတွက်ရပါတယ်။ 1 .. 2 .. 3 .. 4 .. 5 .. 6 ဆိုပြီး ရိုးရိုးလေး ရေတွက်ချင်ရင်လည်း ရပါတယ်။
6/8 ဆိုရင် တဘားမှာ Dotted Crochet (၂) လုံး ရှိပါတယ် (Quaver (၆) လုံးနဲ့ ညီမျှပါတယ်) ။


6/4 ဆိုရင် တဘားမှာ Dotted Minim (၂) လုံး ရှိပါတယ် (Crochet (၆) လုံးနဲ့ ညီမျှပါတယ်) ။


9/8 ဆိုရင် တဘားမှာ Dotted Crochet (၃) လုံး ရှိပါတယ် (Quaver (၉) လုံးနဲ့ ညီမျှပါတယ်) ။


ကျန်တဲ့ Time Signature တွေလည်း ဒီသဘောအတိုင်းပါပဲ။ Compound Time တွေမှာတော့ Dotted Note အားလုံးရဲ့ အစအလုံးမှာ Accent ရှိပါတယ်။
Time Signature အားလုံးကို အောက်က ပုံမှာ ပြထားပါတယ်။



Note တွေကို ရေးတဲ့အခါကျတော့ တတ်နိုင်သမျှ beat တခုစာပြည့်အောင် အစုကလေးတွေ အနေနဲ့ရေးပါတယ်။ ဒီတော့ note တခုဟာ beat တခုရဲ့ တန်ဖိုးထက်ငယ်နေတယ်ဆိုရင် သူတို့ရဲ့ flag ကို မျဉ်းကြောင်းလေး (beam) အဖြစ်ပြောင်းပြီး အဲဒီ note တွေကို ဆက်လိုက်ရပါတယ်။ အောက်ကပုံမှာ ကြည့်ပါ။


အဲဒီလို အုပ်စုဖွဲ့ မရေးဘဲ အပေါ်က ဒုတိယပုံမှာလို flag တွေနဲ့ပဲ လျှောက်ရေးရင် ဖတ်ရတာ မျက်စိအလွန်ရှုပ်တဲ့အပြင် တီးရတာလည်း ခက်သွားပါလိမ့်မယ်။ ပထမပုံမှာလို အုပ်စုဖွဲ့ရေးလိုက်တဲ့အတွက် ဖတ်ရတာ ရှင်းရှင်းလင်းလင်း ရှိတဲ့ အပြင် beat လည်း ပေါ်လွင်သလို တီးရတာလည်း လွယ်သွားပါတယ်။
တကယ်လို့ quaver တွေချည်းပဲ၊ ဒါမှမဟုတ် semiquaver တွေချည်းပဲသာ ရှိမယ်ဆိုရင်တော့ Triple time တွေမှာ အားလုံးကို beam နဲ့ တဆက်တည်း ဆက်ပြီး ရေးလိုက်လို့ရပါတယ်။ Quadruple time တွေမှာတော့ အုပ်စု ၂စု ခွဲရေးလေ့ ရှိတာကို တွေ့ရပါတယ်။ အောက်က ဥပမာမှာ ကြည့်ပါ။


အဲဒီ ပင်မ တိုင်မင်တွေအပြင် ရော့ခ်ဂီတမှာတော့ စည်းကျိုးတိုင်မင်တွေဖြစ်တဲ့ ကိုးလို့ကန့်လန့် တိုင်မင် တွေရှိပါတယ်။ အဲဒါကတော့ 5/4 တို့၊ 7/4 တို့ပါ။ သူတို့တွေကတော့ အပေါ်ဂဏန်းနဲ့ အောက်ဂဏန်း သဘောတရားတူပေမယ့် (ဥပမာ 5/4 ဆိုရင် အပေါ်ဂဏန်း ၅ ဖြစ်လို့ တဘားမှာ ၅ချက်၊ အောက်ဂဏန်း ၄ ဖြစ်လို့ တချက် ဟာ Crochet တခုနဲ့ ညီတာကြောင့် တဘားမှာ စုစုပေါင်း Crochet (၅)လုံး အတွက် 1.2.3.4.5 ဆိုပြီး ရေတွက်ရပါမယ်) Simple Time ရော Compound Time ရော မဟုတ်ဘဲ Broken Time များသာဖြစ်နေတာကိုတွေ့ရပါတယ်။
ဒါလောက်ဆိုရင် Time Signature တွေရဲ့ သဘောတရားကို ခြုံငုံနားလည်ပြီလို့ ထင်ပါတယ်။

ဆက်ပါဦးမယ် ...

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

နှစ်သစ်စကားဦး

မင်္ဂလာအပေါင်းနဲ့ ခညောင်းပြည့်စုံကြပါစေခင်ဗျာ ...
နှစ်ဟောင်းကုန်ဆုံးလို့ နှစ်သစ်တနှစ်ကို ကူးခဲ့ပြန်ပါပြီ ...
ဒီလိုနှစ်ဟောင်းကုန်လို့ နှစ်သစ်ကူးပြောင်းတဲ့အခါ နှစ်ဟောင်းက အညစ်အကြေးတွေ၊ စိတ်ဆင်းရဲစရာတွေ၊ အနိဋ္ဌာရုံတွေကို နှစ်ဟောင်းမှာပဲ ချန်ခဲ့ပြီး နှစ်သစ်မှာ ကောင်းကျိုးချမ်းသာမင်္ဂလာအပြည့်အဝရစေဖို့ "မင်္ဂလာနှစ်သစ်ပါ" လို့ တဦးနဲ့တဦး ကျနော်တို့တွေ ဆုမွန်ကောင်းတောင်းပေးလေ့ရှိကြပါတယ်။ နိုင်ငံအသီးသီးမှာလည်း နှစ်သစ်ကို ပုံစံအမျိုးမျိုးနဲ့ ပျော်ရွှင်စွာကြိုဆိုလေ့ရှိကြပါတယ်။
တကယ်တော့လည်း နှစ်ဟောင်းကနေ နှစ်သစ်ကိုပြောင်းတယ်ဆိုတာ လောကကြီးရဲ့ ဘယ်တော့မှ မရိုးနိုင်တဲ့ ဖြစ်စဉ်တခုသာမဟုတ်ပါလား။ နှစ်၊ လ၊ နေ့၊ ရက်၊ အချိန်နာရီဆိုတဲ့ ပညတ်နယ်ပယ်ထဲမှာ နေနေကြတဲ့ ကျနော်တို့တွေအတွက် တကယ်တမ်းကြည့်မယ်ဆိုရင် နှစ်သစ်ကူးတဲ့နေ့ဟာလည်း ဖြစ်ရိုးဖြစ်စဉ် နေ့တနေ့ကုန်ဆုံးပြီး နောက်နေ့တနေ့ကို ကူးပြောင်းသွားခြင်းသာဖြစ်ပါတယ်။
ဒီလိုတွေးနေရင်းနဲ့ပဲ ကျေးဇူးတော်ရှင် လယ်တီဆရာတော်ဘုရားကြီး ဆုံးမသွားခဲ့တဲ့ ဒွေးဆစ်လေး ကျနော့်စိတ်ထဲပေါ်လာပါတယ် ...

တနေကွယ်၊
သေနယ်သို့ တခါကူး။

မေ့လျော့ကာ၊
သေဘူး ထင်ပါနှင့်၊
နေကွယ်တာအကြိမ်များရင်ဖြင့်၊
သေနယ်ရွာတကြိမ်သွားပါလိမ့်၊
တားမရဘူး။ ။

တနေကွယ်၊ တမိုးချုပ်ပြီး တနေ့ကူးပြောင်းခြင်းဟာ အသက်တရက်ပိုကြီးလာခြင်း တနည်းအားဖြင့် သေဖို့တရက်ပိုနီးလာခြင်းပဲ မဟုတ်ပါလား။ ဘယ်သူမှ ရှောင်လွှဲပုန်းအောင်းလို့မရနိုင်တဲ့ သေခြင်းတရားနဲ့ ရင်ဆိုင်တွေ့ကြရမယ့်နေ့ကို တနေ့ပိုနီးလာခြင်းသာပဲ ဖြစ်ပါတယ်။
တနေကွယ်တိုင်း သေနယ်ကို တခါတခါ ကူးကူးသွားနေခဲ့တာ ခုဆို တနှစ်တောင် ကူးပြောင်းသွားပြီဆိုတော့ ၂၀၀၈ ခုနှစ်ထဲမှာတင် နေကွယ်ခဲ့တဲ့အကြိမ်ပေါင်း ၃၆၆ ကြိမ် (ရက်ထပ်နှစ်မို့ပါ) ရှိသွားတာကို ကျနော်တို့ အမေ့မေ့ အလျော့လျော့ ဖြစ်နေခဲ့ကြ တာပါလား။
အင်း ... နေကွယ်တာ အကြိမ်များခဲ့ပါပြီ။ တကယ်ကိုများခဲ့ပါပြီ။

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

သီဟနာဒ

အမှောင်ထဲမှာလည်း၊
တကောင်တည်းသာနေ။

အပိုအဖေါ်မလို၊
တကိုယ်တော်သာ ရှေ့ဆက်လှမ်း၊
နေ့ရက်ကြမ်းရှည်။

ခြေအလှမ်းမှာတော့၊
လေကြမ်းတွေ အဟုန်ရိုင်းလို့၊
မုန်တိုင်းတွေ ဘယ်လိုဆင်စေ၊
ယှဉ်မလေ ပြန်မကွေ့။

ကြောက်ရင်လွဲမှာပေါ့၊
လျှောက်နှင်ဆဲ ခရီးရှည်မှာ၊
မီးတွေရယ် ဘယ်လိုလွှမ်းလို့၊
ဘယ်လမ်းတွေ ဘယ်လိုမှောင်၊
ဘယ်တောင်တွေ ဘယ်လိုမြင့်မားစေတော့၊
ဝံ့စားစွာ ဖြတ်မလေ၊
ငတ်ပစေ မြက်မစားပါဘူး၊
ဆက်သွားမယ့် ဇာမဏီ၊
ရာသီခွင်ရွေ့နေသမျှတော့၊
ဘာမထီ အစဉ်တွေ့မယ်ဟေ့၊
ငါသည် ခြင်္သေ့။ ။


နှစ်ဟောင်းကိုနှုတ်ဆက်ရင်း ဒီကဗျာလေးနဲ့ နှစ်သစ်ကိုအားမာန်သစ်များနဲ့ရင်ဆိုင်လိုက်ပါတယ်။
ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...

ဟယ်ရီ

Read More...

Summary only...

Rudiments and Theory of Music (10)

Tones and Intervals

အခု ဆက်ပြီး Tone တွေရဲ့ အကြောင်းကို ပြောမှာဖြစ်ပါတယ်။ အသံတသံနဲ့ တသံ အကွာအဝေးတွေအကြောင်းပါ။ ဒီတော့ အောက်က Definition လေးတွေကို ကြည့်လိုက်ပါ။
Note = အသံတသံအား သင်္ကေတဖြင့် ဖေါ်ပြခြင်း (symbolic expression of a sound)
Pitch = အသံတသံ၏ အနိမ့်အမြင့် မည်မျှရှိသည်ကိုဖေါ်ပြသောပမာဏ (how high or low a sound (note) is)
Tone = Pitch အကွာအဝေးခြားနားကွာခြားမှုကို ဖေါ်ပြသော ယူနစ်အတိုင်းအတာ (difference in pitch - unit)
Interval = Note နှစ်ခု အကြား ကွာခြားသော Pitch ပမာဏ (difference in pitch between two notes)
One semitone (or half-step) = အနည်းဆုံး tone ပမာဏ (smallest tone) - ဂီတာလက်ကွက်တကွက် အကွာအဝေး (S လို့ ပြပါမယ်)
Two semitones = One Whole tone (whole step) (W လို့ ပြပါမယ်)


အပေါ်မှာ ပြထားတဲ့ Note တွေဟာ Piano ပေါ်မှာကြည့်ရင် ခလုတ်အဖြူတွေအဖြစ် တွေ့ရပါမယ်။
ဒီတော့ ဥပမာအနေနဲ့ A နဲ့ B ဟာ one tone သို့မဟုတ် two semitone ကွာဝေးတဲ့အတွက် သူတို့ကြားမှာ အသံတသံ ရှိရဦးမှာဖြစ်ပါတယ်။ ဒီလိုပဲ C နဲ့ D၊ D နဲ့ E၊ F နဲ့ G၊ G နဲ့ A တို့အကြားမှာလည်း one semitone ကွာဝေးတဲ့ အသံတသံစီ ရှိနေပါတယ်။ ဒီအသံတွေဟာ Piano ပေါ်က ခလုတ် အနက်တွေပဲဖြစ်ပါတယ်။ အဲဒီ Note တွေကို ဖေါ်ပြဖို့ လိုအပ်ပါတယ်။ ဒီအခါမှာ နောက်ထပ်သင်္ကေတတွေ လိုလာပါတယ်။ သူတို့တွေကို Accidental လို့ ခေါ်ပါတယ်။

Accidentals
အဲဒီ Accidental တွေကတော့ Sharp, Flat, Natural, Double Sharp နဲ့ Double Flat တို့ပဲဖြစ်ပါတယ်။ အောက်ပါ သင်္ကေတတွေနဲ့ ပြပါတယ်။


ဒီတော့ '#' ပြထားရင် အဲဒီ note ကို အသံတ၀က် (one semitone) မြှင့်တီးရပါမယ်။ ဒီလိုပဲ Double sharp ပြထားရင် အသံတသံ (two semitones or one whole tone) မြှင့်တီးရပါမယ်။ Flat 'b' ပြထားခဲ့ရင် အဲဒီ note ကို အသံတ၀က် (one semitone) နှိမ့်တီးရပါမယ်။ ဒီလိုပဲ Double flat ပြထားရင် အသံတသံ (two semitones or one whole tone) နှိမ့်တီးရပါမယ်။ Sharp (သို့) Flat ပြထားတဲ့ note ကို Natural ပြန်ရေးလိုက်ရင် မူလ အသံကို ပြန်တီးရမှာ ဖြစ်ပါတယ်။ Natural Sign ဟာ Sharp (သို့) Flat "တခု" ရဲ့ Effect ကို ပြန်ဖျက်လိုက်တာပါ။ အဲဒီတော့ Double sharp နဲ့ Double flat အတွက်ဆိုရင် Natural Sign "နှစ်ခု" ပြပေးရပါမယ်။ အောက်မှာ Accidental ပါတဲ့ note တွေကို Piano keyboard ပေါ်မှာရယ်၊ ဂီတာ နံပါတ် (၂) ကြိုးပေါ်မှာရယ် ပြထားပါတယ်။ ကျန်တဲ့ကြိုးတွေကိုလည်း ဒီအတိုင်းရှာနိုင်ပါတယ်။


Staff ပေါ်မှာ Accidental တွေရေးတဲ့အခါ သက်ဆိုင်ရာ note ရဲ့ ရှေ့မှာ အမြဲရေးပါတယ်။ အဲဒါအရေးကြီးပါတယ်။ အဲဒီလို ရေးထားရင် Natural ပြန်မတွေ့မချင်း အဲဒီ note ဟာ သက်ဆိုင်ရာ Accidental တန်ဖိုးအတိုင်း ဆက်တီးရပါမယ်။ သဘောကတော့ #A လို့ရေးလိုက်တာနဲ့ Natural ပြန်မတွေ့မချင်း #A ကိုပဲတီးရပါမယ်။ A အလုံးကို မတီးရပါဘူး။ ဒီ Accidental Sign တွေဟာ -
၁။ ဘားတဘားအတွင်း (within one measure) မှာပဲအကျုံးဝင်ပါတယ်။ (နောက်ဘားကိုပြောင်းသွားရင်တော့ ပုံမှန်အသံပြန်ဖြစ်သွားပါပြီ။ Accidental မရှိတော့ပါဘူး)။ ဘားတဘားအတွင်းမှာ အဲဒီ Accidental ကို ဖျက်ချင်ရင် Natural ပြန်ရေးပေးရပါမယ်။


၂။ Same Pitch အတွက်ပဲ အကျုံးဝင်ပါတယ်။ Octave တွေအတွက် အကျုံးမ၀င်ပါဘူး။ ဆိုလိုတာက Middle C မှာ ရေးထားတဲ့ Accidental တခုဟာ သူ့ထက် one octave မြင့်တဲ့ Space C အတွက် အကျုံးမ၀င်ပါဘူး။


၃။ Note တခုအတွက် Accidental နောက်အသစ် တခုထပ်ရေးလိုက်တာနဲ့ အဟောင်းဟာ အလိုလို ပယ်ဖျက်ပြီး ဖြစ်သွားပါတယ်။


အပေါ်ကပုံမှာ ဆိုရင် B Double Flat ပထမရေးထားပါတယ်။ အဲဒီနောက် B Flat ရေးချင်တဲ့အခါ Flat တလုံး ပြန်ရေးလိုက်ရင် မူလ Double Flat ဟာ အလိုလိုပျက်ပြယ်သွားပြီး Single Flat ပဲ ဖြစ်သွားပါတယ် (မျှား အနီရောင်ကို ကြည့်ပါ)။ အဲဒီလိုပဲ နဂိုက Flat ရေးထားတဲ့ C ဟာ # ထပ်ရေးလိုက်တဲ့အတွက် C Flat ဟာ ပျက်ပြယ်ပြီး C# ပဲဖြစ်သွားပါတယ် (မျှား အပြာရောင်ကိုကြည့်ပါ)။ နောက်တခါ Flat ရေး ထားတဲ့ D ဟာ Natural ရေးလိုက်တဲ့အတွက် D သံ ရိုးရိုးကိုပဲ ပြန်တီးရပါမယ် (မျှား အစိမ်းကိုကြည့်ပါ)။
နောက်တဘားကိုကူးသွားတဲ့ အခါကျတော့ ပထမဘား အစမှာရေးထားတဲ့ E Flat ဟာ အလိုလို ပျက်သွားပြီမို့ E Flat သံကို လိုချင်တဲ့အတွက် Flat တခု ထပ်ရေးထားတာ သတိပြုပါ။

၎။ ချွင်းချက်အနေနဲ့ Accidental ပါတဲ့ Note တွေကို Tie လုပ်ရင် Accidental ထပ်ရေးပြဖို့ မလိုပါဘူး။ နောက်တဘားအထိလဲ အဲဒီ Tie ရဲ့ Value (Duration) မကုန်မချင်း Accidental ဟာ အကျုံးဝင်ပါတယ်။ ဘားပြောင်းသွားပြီး အဲဒီ Note ကို ထပ်တီးခတ်ချင်တဲ့အခါမှသာ Accidental ပြန်ထည့်ပေးရပါတယ်။


တခါတလေတော့ Accidental ကို ကွင်းအတွင်းမှာ ထည့်ပြီး (#) ရေးပြထားတတ်ပါတယ်။ အဲဒါကတော့ ဒီ Note ကို အဲဒီ Accidental အတိုင်း တီးရမယ်ဆိုပြီး ရှင်းအောင် ပြထားတာပါ။ ဒါမျိုးကို Octave တွေပါလာရင် ရှင်းအောင် ပိုသေချာအောင် ထပ်ရေးပြထား တာ ဖြစ်ပါတယ်။ ဒါကို Courtesy Accidental လို့ခေါ်ပါတယ်။


အပေါ်ကပုံမှာ ဆိုရင် ဒုတိယဘားရဲ့ အစမှာ Natural ကို ကွင်းထဲထည့်ပြီး Courtesy Accidental အနေနဲ့ပြထားပါတယ်။ အမှန်ကတော့ နောက်တဘားကို ကူးသွားပြီးဖြစ်လို့ Eb မဟုတ်တော့ဘဲ E သံကိုသာ တီးရတော့မှာဖြစ်ပါတယ်။ Natural ပြန်ပြဖို့ မလိုအပ်ပါဘူး။ ဒါပေမယ့် ပိုရှင်းအောင် ပြထားခြင်းဖြစ်ပါတယ်။ မပြရင်လည်း ရပါတယ်။
တခု သတိပြုဖို့က ဥပမာ C# နဲ့ Db ဟာ ရေးပုံကွဲပြားပေမယ့် အလုံးက တလုံးတည်းပါ။ တခါတလေ Scale ရဲ့ လိုအပ်ချက်အရ C ကို Flat တပ်ပြီး Cb လို့လည်းရေးလေ့ရှိပါတယ်။ တီးရမှာက B ပါပဲ။ ဒါမျိုးကို Enharmonic လို့ခေါ်ပါတယ်။ ဒီအခေါ်အဝေါ်လေးကို မှတ်ထားသင့်ပါတယ်။

Accidental တွေကို ရေးတဲ့အခါ၊ ဖတ်တဲ့အခါမှာ မှတ်ရမယ့် စည်းမျဉ်းတွေက နည်းနည်း များတဲ့အတွက် အသေအချာ ရှင်းအောင်၊ နားလည်အောင် လုပ်ထားရပါမယ်။ အခုပြထားတဲ့ စည်းမျဉ်းအားလုံးဟာ အလွန်အရေးကြီးတဲ့အတွက် ကျေကျေညက်ညက် သိထားဖို့ လိုပါတယ်။ နို့မို့ဆိုရင် အလုံးတွေမှားရေးမိ၊ မှားဖတ်မိရင် အသံတွေမှားကုန်မှာ ဖြစ်လို့ပါပဲ။ သေသေချာချာ အချိန်ယူဖတ်ပြီး မှတ်သားထားကြဖို့ အထူးတိုက်တွန်းလိုပါတယ်။

ဆက်ပါဦးမယ် ...

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

ပင်ပွင့်ပြန်ပြီ

ကိုဟန် (ကိုဟန်သစ်ငြိမ်) တယောက် လွန်ခဲ့တဲ့ နှစ်ရက်က တောင်တက်ရင်း တောင်ထိပ်ပေါ်မှာ ရေးဖြစ်ခဲ့တဲ့ ကဗျာလေးဖြစ်ပါသတဲ့။ ကိုဟန် ဒါမျိုးရေးထားတာ နှစ်ပုဒ်ရှိပါပြီ။ ပဒုမ္မာကြာဆိုနည်းနဲ့ ရေးထားတာပါ။

`ပင်´ တစ်လုံးတည်းကို ကြာရဲ့ဝတ်ဆံလို ပတ်ပြီး ရေးထားခြင်းဖြစ်ပါတယ်။ ရှင်မဟာရဋ္ဌသာရ ရဲ့ရေးနည်းပါ။ ကိုဟန်ကတော့ တောင်ပေါ်မှာ ပွင့်နေတဲ့ ပန်းတွေ၊ သစ်ပင်တွေကို ဘယ်သူမှ ကင်မရာပါမလာတာနဲ့ ဒီလိုပဲ မှတ်မှတ်ရရ မှတ်တမ်းတင်ခဲ့တယ်လို့ ဆိုပါတယ်။ အဆုံးသတ်မှာ 'ပ' အက္ခရာနဲ့ချည်း ခုနစ်လုံးချထားပုံရယ်၊ ခုနစ်လုံးတပါဒ ဖွဲ့ထားပုံရယ်၊ ပိုဒ်ဆက်ကာရန်နဲ့ ပိုဒ်တွင်းကာရန် ယူထားပုံလေးရယ် (၃-၂ တွေချည်းပဲ) က လှလွန်းလို့ရယ်၊ တမျိုးတဖုံဖေါက်ထွက်ထားတဲ့ မြန်မာလင်္ကာရဲ့ ရစ်သမ်သစ်ရယ်ကို သဘောကျလွန်းလို့ ကျနော် ကိုဟန့်ဘလော့ဂ် ကနေ 'မ' လာတာပါ။ ခံစားကြည့်ကြပါခင်ဗျာ။

`ပင်ပွင့်ပြန်ပြီ´

ပင်ယံထက် ပင်ခက်လက်ကြား
ပင်ဖျားလွင် ပင်ရင်ခွင်မှီ
ပင်စည်အို ပင်ညိုတိုတွေ
ပင်ခြေမှာ ပင်ညှာရှာထောက်
ပင်အောက်မြစ် ပင်သစ်ပွင့်ပြီ
ပင်ပွင့်ပြီ ပင်ပွင့်ပြန်ပြီ။

ဟန်သစ်ငြိမ် ဆိုတဲ့အတိုင်း ဟန်အသစ်တွေနဲ့ချည်းပဲဗျို့ ... ကိုဟန်ရေ ငြိမ်လို့သာတော်တော့တယ်နော် ... မငြိမ်များ မငြိမ်ရင်တော့ ...

ဖတ်ရှုခံစားအားပေးတဲ့အတွက် ကျေးဇူးအထူးပါ ...
ဟယ်ရီ

Read More...

Summary only...

မိုးကြယ်စင်

အဖျားကောက် ပိုဒ်စုံရတု

မိုးကြယ်စင်။ ။ သွယ်လွင်မြမွှေး၊ လှသွေးကြွယ်ညီ၊ ရွယ်သီဆံမြ၊ လျှံကျညို့ညို၊ မို့မိုကိုယ်ဟန်၊ စိုပြန်လက်လင်း၊ ညက်ညင်းမွှေးနု၊ ထွေးဥနုသား၊ ရှုညားသွဲ့ပြောင်း၊ နွဲ့နှောင်းမြသွင်၊ လှဆင်တမ်းခေါ်၊ လွမ်းသော်ကြာမြင့်၊ ခါဆင့်ချမ်းဆောင်း၊ နွမ်းပြောင်းလွင့်မျော၊ တင့်မော ဖြိုးသွင်၊ မိုးစင်ကြယ်။

ကြယ်စင်မိုး။ ။ သွင်ဖြိုးမောတင့်၊ မျောလွင့်ပြောင်းနွမ်း၊ ဆောင်းချမ်းဆင့်ခါ၊ မြင့်ကြာသော်လွမ်း၊ ခေါ်တမ်းဆင်လှ၊ သွင်မြနှောင်းနွဲ့၊ ပြောင်းသွဲ့ညားရှု၊ သားနုဥထွေး၊ နုမွှေးညင်းညက်၊ လင်းလက်ပြန်စို၊ ဟန်ကိုယ်မိုမို့၊ ညိုညို့ကျလျှံ၊ မြဆံသီရွယ်၊ ညီကြွယ်သွေးလှ၊ မွှေးမြလွင်သွယ်၊ စင်ကြယ်မိုး။

စင်ကြယ်မိုး။ ။ ဖြိုးသွင်မောတင့်၊ လွင့်မျောပြောင်းနွမ်း၊ ချမ်းဆောင်းဆင့်ခါ၊ ကြာမြင့်သော်လွမ်း၊ တမ်းခေါ်ဆင်လှ၊ မြသွင်နှောင်းနွဲ့၊ သွဲ့ပြောင်းညားရှု၊ နုသားဥထွေး၊ မွှေးနုညင်းညက်၊ လက်လင်းပြန်စို၊ ကိုယ်ဟန်မိုမို့၊ ညို့ညိုကျလျှံ၊ ဆံမြသီရွယ်၊ ကြွယ်ညီသွေးလှ၊ မြမွှေးလွင်သွယ်၊ ကြယ်စင်မိုး။ ။

------------------

အဖျားကောက်ရတုလေး ဖြစ်ပါတယ်။ မယ်ဘွဲ့ အလှဘွဲ့ပေါ့။ ရိုးရိုး ပုံမှန်အဖျားကောက်ရတုမျိုးမဟုတ်ဘဲ ရေးပုံဆန်းဆန်းလေးရေးထားတဲ့ ရှေးရတု တပုဒ်တွေ့လို့ လိုက်ပြီးကြိုးစားရေးကြည့်ထားတာပါခင်ဗျာ။

ဘာတွေကများဆန်းနေသလဲ ဆိုရင် ... အဓိက ကတော့ သုံးပိုဒ်လုံးမှာ စကားလုံးတွေအတူတူ ရှေ့နောက်ပြောင်း (ပတ်လည်ရိုက်) ထားတာပါ။ (အဖျားကောက်ရတုတိုင်းကတော့ ဒီလိုရေးစရာမလိုပါဘူး။)
ပထမအပိုဒ်ကတော့ ထိပ်ချင်းချွတ် (၄-၂)ကာရန်နဲ့ ရေးလိုက်ပါတယ်။ ပါဒတခုရဲ့အဆုံး(၂)လုံးနဲ့ နောက်ကပ်လျက်ပါဒရဲ့ အစ (၂)လုံး ကို နဘေထပ်ယူလိုက်ပါတယ်။
ပြီးတော့ ဒုတိယအပိုဒ်ကိုသေချာဖတ်ကြည့်လိုက်ပါ။ ပထမ အပိုဒ်ကို အဆုံးကနေ တလုံးချင်း ပြောင်းပြန် ပြန်ရေးလိုက်တာပါပဲ။ ကာရန်ရော၊ နဘေရော မပြောင်းပါဘူး။
တတိယအပိုဒ်က ဒုတိယအပိုဒ်မှာရှိတဲ့ ပါဒတခုချင်းရဲ့ ရှေ့ဆုံးစာလုံး၂လုံးကို ပြောင်းပြန်ပြန်ရေးလိုက်တာပါပဲ။ အဲဒီတော့ တပိုဒ်လုံးက ပါဒအားလုံးဟာ ဦးတိုက် (၄-၁) ကာရန်တွေချည်းပဲဖြစ်သွားပါတယ်။ နဘေ မပါတော့ပါဘူး။
(ကောင်းတာတခုက တပိုဒ်ပဲရေးပြီး နောက်နှစ်ပိုဒ်အတွက် စကားလုံးတွေ စဉ်းစားစရာမလိုတော့ဘူးပေါ့နော် ... ရှေ့နောက် ပတ်လည်ရိုက်လိုက်ရုံပါပဲ ... ဟဲဟဲ)

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ ...
ဟယ်ရီ

Read More...

Summary only...

Rudiments and Theory of Music (9)

Dotted Notes and Rests

အစက်လေးတစက် (Dot) ကို note တလုံးရဲ့ နောက်မှာ ကပ်လျက်ထည့်လိုက်ရင် အဲဒီ note ကို Dotted Note လို့ ခေါ်ပါတယ်။ Dot ဟာသူထည့်လိုက်တဲ့ note ရဲ့ တန်ဖိုး တ၀က်နဲ့ ညီပါတယ်။ ဒါကြောင့် ဒီလို ထည့်လိုက်ရင် အဲဒီ note ရဲ့ တန်ဖိုးဟာ တ၀က် (တနည်းအားဖြင် တစ်ဆခွဲ) ထပ်ပြီး တိုးသွား (အသံရှည်သွား) ပါတယ်။ ဥပမာ Minim တလုံးကို Dot ထည့်လိုက်ရင် မူလ Minim တန်ဖိုး က Crochet ၂လုံး၊ နောက်ထပ် Dot ရဲ့ တန်ဖိုးက Minim ရဲ့ တ၀က် ဆိုတော့ နောက်ထပ် Crochet ၁ လုံးဖြစ်တဲ့အတွက် စုစုပေါင်း Crochet ၃လုံး စာ ရှိသွားမှာဖြစ်ပါတယ်။ ကျန်တဲ့ note တွေပဲ ဖြစ်ဖြစ်၊ Rest တွေပဲဖြစ်ဖြစ်ဟာလည်း ဒီသဘောတရားအတိုင်းပဲ ဖြစ်ပါတယ်။ အောက်က ဥပမာကိုကြည့်ပါ။

Dot ကိုရေးတဲ့အခါ Line Note တွေအတွက် ဆိုရင် Note Head ရေးထားတဲ့ Line ရဲ့ အပေါ်ကပ်လျှက် Space မှာ ရေးရမှာ ဖြစ်ပါတယ်။ Space Note တွေအတွက် ဆိုရင် အဲဒီ Note Head ရှိတဲ့ Space မှာ ရေးရမှာ ဖြစ်ပါတယ်။ အောက်က ဥပမာမှာ Dotted Note တွေရဲ့ ရေးသားပုံနဲ့ တီးဖို့ပုံစံကို ပြထားပါတယ်။


ဒီတော့ Dot တခု အစား နှစ်ခု ထည့်လိုက်ရင်လည်း ဒီသဘောတရားအတိုင်းပဲ ဆက်ယူရပါမယ်။ အဲဒီတော့ Dot နှစ်ခု ထည့်လိုက်ရင် အဲဒီ Note ဟာ နောက်ထပ် အသံ လေးပုံသုံးပုံ (၇၅%) ထပ်ရှည်လာပါမယ်။ ဥပမာ Minim တလုံးကို Double Dot ထည့်လိုက်ရင် မူလ Minim တန်ဖိုး က Crochet ၂လုံး၊ ပထမ Dot ရဲ့ တန်ဖိုးက Minim ရဲ့ တ၀က် ဆိုတော့ နောက်ထပ် Crochet ၁ လုံး၊ ဒုတိယ Dot ရဲ့ တန်ဖိုးက ပထမ Dot ရဲ့ တ၀က် ဆိုတော့ နောက်ထပ် Quaver ၁ လုံး ဖြစ်တဲ့အတွက် စုစုပေါင်း Crochet ၃လုံး နဲ့ Quaver ၁လုံးစာ (သို့မဟုတ် Quaver ၇လုံးစာ) ရှိသွားမှာဖြစ်ပါတယ်။ Minim နဲ့ Crochet အတွက် အောက်က ဥပမာမှာ ပြထားပါတယ်။ ကျန်တဲ့ note တွေနဲ့ Rest တွေအတွက်လည်း ဒီသဘောတရားအတိုင်းပဲ ဖြစ်ပါတယ်။


Triple Dot တွေ့ခဲ့ရင်လည်း ဒီအတိုင်းပဲ ဆက်တွက်သွားလိုက်ပါ။ Dotted Rest တွေကတော့ တွေ့ရခဲပါတယ်။ Compound Time တွေဖြစ်တဲ့ 6/8 တို့ 9/4 တို့ တွေမှာပဲ အတွေ့များပါတယ်။ ဒါပေမယ့် တွေ့လာရင်လည်း ဒီလိုပဲ မှတ်ယူရပါမယ်။
ဒါဆိုရင် Dotted Note တွေနဲ့ Rest တွေအကြောင်း ရှင်းသွားလောက်ပါပြီ။

ဆက်လက်ဖေါ်ပြပါမယ် ...

ဖတ်ရှုခံစားအားပေးတဲ့အတွက် ကျေးဇူးအထူးပါခင်ဗျာ . . .
ဟယ်ရီ

Read More...

Summary only...