သခင်ခြေရာဖျောက်လေလား
အိပ်မက်ဝေဝါး၊ ဆောင်းရက်များသို့၊
မြက်ဖျားနှင်းရည်၊ ဆွတ်ကာသီသော်၊
ဝါရီဝေနောက်၊ လမ်းတလျှောက်ဝယ်၊
နွမ်းခြောက်ရင်ပူ၊ ဘဝင်ဆူ၍၊
ကြင်သူမတွေ့၊ သည်တနေ့တွင်၊
မမွေ့ပျော်ချင်၊ သက်ပြတ်ငင်သည်။ ။
သခင်ခြေရာဖျောက်လေလား။
တိမ်ထက်စေစား၊ မိုးမြင့်ဖျား၌၊
လွင့်ပါးခိုက်ဝယ်၊ မကိုဋ်ကြယ်သို့၊
လှိုက်နွယ်တင့်ဖြိုး၊ ခေါင်မြင့်မိုးမှ၊
ဝင့်ပျိုးရောင်ခြည်၊ ကိုးဆောင်ရည်ဆင့်၊
အောင်စည်လွင်နန်း၊ ရွှေလင်ပန်းနဲ့၊
ဆင်မြန်းချင်းခြွှေ၊ တော်ဝင်ဆွေလား၊
အခြေရယ်မြင့်၊ မျက်မှောင်ဝင့်ကာ၊
ဂုဏ်တင့်မာန်အင်၊ သူ့စိတ်သွင်ဝယ်။ ။
ဘဝင်ခြွှေကာ မောက်လေလား။
ငြိမ်သက်လေအား၊ လွမ်းသူ့ပါးကို၊
ကိုယ်စားစေရောက်၊ စာခွေလောက်မှ၊
မထောက်မတွေး၊ သူမရေးဘဲ၊
မြသွေးရောင်ဆင်၊ စိမ်းဟန်ပြင်သူ၊
မာန်ဝင်မြယိမ်း၊ သူကတိမ်းလည်း၊
မစိမ်းနိုင်သူ၊ ရင်မှာပူကာ၊
ကဗျာပင်ခြေ၊ စာနှင်စေမယ်။ ။
အလျင်သွေမကြာ ရောက်စေသား။
ဒီရတုလေး ရေးထားတာ ကြာတော့ကြာခဲ့ပါပြီ။ ရိုးရိုး အချီညီ အချညီ ပိုဒ်စုံရတုလေးပါပဲ။ အခုမှ ပြန်ခံစားမိလို့တင်လိုက်တာပါ။
No comments:
Post a Comment