ဗေဒါလမ်း (၂) - မယ့်လမ်းပါတဲ့
ဒီချောင်းမှာရွှင်၊ ဗေဒါခင်ပြာလဲ့
စံပယ်ကို ယမယ်ဖွဲ့ (ယိုးမယ်ဖွဲ့) ကမ်းကပ်ချင်ခဲ့။
ဒီချောင်းမှာရွှင်၊ ဗေဒါခင်ပြာလဲ့
ပျိုမယ်ကို ယမယ်ဖွဲ့၊ ကမ်းကပ်ချင်ခဲ့။
ဒီချောင်းမှာရွှင်၊ ဗေဒါခင်ပြာလဲ့
စေတီငယ်ယမယ်ဖွဲ့၊ ကမ်းကပ်ချင်ခဲ့။
လင်းယဉ်နွဲ့ တချီချီ
ကျူရိုးရှင်သူ့စကား၊ နားကျခဲ့ပြီ
ကျွတ်ဆုမြတ် စလွယ်ချည်၊ ဗေဒါရီပြာလဲ့။
စုန်ချည် ဆန်ချည်နဲ့
ဒီချောင်းရေ ဗေဒါလမ်း၊ မယ့်လမ်းပါတဲ့။ ။
ဇော်ဂျီ
(ရန်ကုန်တက္ကသိုလ် နှစ်လည်စာစောင်၊ ၁၉၅၇ - ၁၉၅၉)
ကျနော်တို့တွေရော၊ အကြောင်းမျိုးစုံယမယ်ရှာ၊ တွေ့ကရာတွေရိုးမယ်ဖွဲ့ပြီး ကိုယ်လျှောက်နေကျလမ်းကနေ သွေဖည်ချင်ခဲ့ကြဖူး ပါလိမ့်မယ်။ နောက်ဆုံးတော့လဲ ကိုယ့်ဘ၀ထဲက ရုန်းမထွက်နိုင်ကြဘဲ မူလ လမ်းကိုပဲ ပြန်လျှောက်ကြရတဲ့အခါ ဒီ ဗေဒါလမ်းကဗျာ လေးက တစ်စုံတစ်ခုသော ခံစားမှုကို ပေးစွမ်းနိုင်ပါလိမ့်မယ်။
ဖတ်ရှုခံစားပေးတဲ့အတွက် ကျေးဇူးအထူးပါ ...
ဟယ်ရီ
No comments:
Post a Comment