မြန်မာကဗျာဆိုတာ ဂျို (ချို)နဲ့လား (၆)

သံပေါက်

သံပေါက်အကြောင်းရေးထားတဲ့ သံပေါက်ကလေးနဲ့ပဲ သံပေါက်အကြောင်းစရေးလိုက်ပါတယ်။

ကဗျာအစ၊ သံပေါက်က၊ မှတ်ကြမျိုးလေးဖြာ။
သံရိုးမှထောက်၊ ထွင်းကာဖေါက်၊ သံပေါက်မည်သညာ။
အစလေးလုံး၊ အလယ်သုံး၊ အဆုံး ငါး သတ္တာ။
စ လယ် အဆုံး၊ နောက်နှစ်လုံး၊ စပ်ထုံးမြဲမကွာ။

သံပေါက်မနိုင်၊ ကဗျာကိုင်၊ ကြံမှိုင်နေရမှာ။
ကဗျာတိုင်းတွင်၊ သံပေါက်ဝင်၊ စပ်အင်ထူးမကွာ။
သို့ကြောင့်သေချာ၊ လေ့လာပါ၊ ရောင်ဝါလင်းစိမ့်ငှာ။

သံပေါက် ဆိုတာ ကဗျာရဲ့ အခြေခံဖြစ်ပါတယ်။

ကခြင်းအစ လက်မြှောက်က
သီချင်းအစ သံပေါက်က (သီချင်းနဲ့ကဗျာအတူတူမို့ ကဗျာအစ သံပေါက်က လို့လဲ ဆိုကြပါတယ်)
တီးချင်းအစ လက်ခုပ်က ... ရယ်လို့  ဆိုရိုး ရှိပါတယ်။
သံပေါက်ဆိုတာဟာ 'အသံပေါက်အောင်' ပေါ်လွင်ထင်ရှားစွာ စပ်ဆိုစီကုံးထားသော ကဗျာ လို့အနက် ဖွင့်ထားပါတယ်။
သံပေါက်စပ်နည်း လင်္ကာလေးကို ကြည့်လိုက်ရင် သံပေါက်စပ်ပုံအားလုံးပါပြီးသားဖြစ်သွားပါတယ်။

'အစ လေးလုံး၊ အလယ် သုံး၊ အဆုံး ငါး၊ ခွန်နှစ်' လို့ မှတ်ထားလိုက်ပါ။ ဒီ သံပေါက်စပ်နည်းကိုက သံပေါက်လေးတစ်ခုဖြစ်ပါတယ်။ ဆိုလိုတာက
အစ ပါဒ မှာ လေးလုံး၊ အလယ် ပါဒ မှာ သုံးလုံး၊ အဆုံးသတ် (အချ) ပါဒမှာ ငါးလုံး (သို့ မဟုတ်) ခုနှစ်လုံး ထားပြီးစပ်ရပါတယ်။ ကာရန်ယူတာကိုပြန်ကြည့်လိုက်တော့ လေး၊ သုံး၊ နှစ် ပါဘဲ။ ဒါကိုလဲ 'အစ လေးလုံး၊ အလယ် သုံး၊ အဆုံး ဒွေးနှင့်ချ' ဆိုတဲ့ သံပေါက်နဲ့ဘဲ ပြန်မှတ်ထားလိုက်ရင် ရပါပြီ။
ငါးလုံးချ သံပေါက် ဥပမာ တချို့ ကို ကြည့်ပါ .....

နင်နှင့်နင့်ကံ၊ စီရင်ဖန်၊ အမှန်ဖြစ်တော့သည်။ (လယ်တီဆရာတော်ဘုရား)
နင့်ကိုယ်နင်အား၊ နင်မသနား၊ နင်မှားရှာတော့သည်။ (လယ်တီဆရာတော်ဘုရား)
ပိုးဖလံမျိုး၊ မီးကိုတိုး၊ ကိုယ်ကျိုးနည်းလှပြီ။ (လယ်တီဆရာတော်ဘုရား)
လွယ်အိတ်မနိုင်၊ ယိုင်တိုင်တိုင်၊ ပန်းခိုင်လေးလိုလှ။ (ဆရာတင်မိုး - ပျိုးခင်းတေးသံ)
ကျောက်သင်ပုန်းထဲ၊ ခြစ်ကာဆွဲ၊ ပုလဲလေးတွေကျ။ (ဆရာတင်မိုး - ပျိုးခင်းတေးသံ)

(၇)လုံးချ သံပေါက်တွေကတော့
ကြိယာခြောက်ဆယ်၊ အသွယ်သွယ်၊ အဘယ်ကျမ်းကထွက်သနည်း။ (ရှင်နန္ဒဓဇ၊ စွယ်စုံကျော်ထင်ကျမ်း)
ဝလုံးပမာ၊ လူ့ ကမ္ဘာ၊ ၀င်လာခဲ့ရ တို့ ဘ၀။ (ဆရာတင်မိုး - ပျိုးခင်းတေးသံ)

ဒါတွေတွင်မက အဆန်းထွင်ထားတဲ့ 'ယမကသံပေါက်' တို့၊ 'ကျဖမ်းသံပေါက်' တို့လဲရှိပါတယ်။ ယမက ဆိုတာ အစုံ-အစုံ၊ အတွဲလိုက်ဖြစ်ပါတယ်။ ဥပမာတွေကတော့ -
နွယ်ပန်း-ပန်းခွါညို၊ နှင်းစိုစို၊ ပြာသိုဆောင်းလရက်။
ပွင့်ခက်-ခက်လှစံ၊ မြချပ်ရံ၊ ၀တ်ဆံကြိုင်နံ့မြက်။
ထွတ်ထက်-ထွတ်ဘုန်းလူ၊ ဆင်တော်မူ၊ မဉ္ဇူလွန်လှဆက်။
ရွှေဝ-၀နေတည်၊ မယ်တို့ပြည်၊ သာသည်ကျွန်းထိပ်ဘက်။
စံဖက်-ဖက်မတူ၊ သွယ်နွဲ့ဖြူ၊ အိမ်သူစံမြတ်သက်။
ရွှေထီး-ထီးပစ္စူ၊ ဆောင်းတော်မူ၊ လူလူဆွဲညောင်ရွက်။
မြှောက်စည်-စည်သံကျော်၊ လက်မြှောက်ခေါ်၊ ချီငေါ်စဉ်မပျက်။

ကျဖမ်းသံပေါက် ကတော့ ...

ယခုသာသနာ၊ ၀င်းဝင်းဝါ၊
တွင်းမှာကြုံသည့်ချက်၊ ရှေးကျိုးပုညစက်။
ရှစ်ပါးဆောင်စရာ၊ အစုံပါ၊
လွန်စွာတောသို့ထွက်၊ ရှုလေကသိုဏ်းကွက်။
အားထုတ်ဝီရိယ၊ ဆော်ဖန်သ၊
ရအံ့ဈာန်နှင့်မဂ်၊ ကောင်းကျိုးဖိုးအနဂ်။
ဓါးသငယ် ရွှေခွေး၊ လက်တော်နွေး၊ မကွေးတောသီယှက်၊ ရှလေမင်းကြီးလက်။
မြင်းစိုင်းမြို့ရွှေနန်း၊ သာယာဆန်း၊ ရစ်သန်းသင်းတွဲမြောင်း၊ မြင့်မြတ်တောင်သာလျောင်း။

ဆိုတာမျိုးတွေဖြစ်ပါတယ်။ ဒီနေရာမှာ ကြည့်ရင် 'ယခုသာသနာ ၀င်းဝင်းဝါ' ဆိုတဲ့အပိုဒ်မှာ အသံတက် နေပြီး 'တွင်းမှာကြုံသည့်ချက်' ဆိုတဲ့အဆုံးမှာ အသံကျသွားပါပြီ။ ဒါကို အကျမခံဘဲ 'ရှေးကျိုးပုညစက်' ဆိုပြီး ကျတော့မယ့်အသံကို ထပ်ဖမ်းထားလို့ ကျဖမ်းသံပေါက်လို့ ခေါ်ပါတယ်။

ဒါတွေတင်မကဘဲ ပညာရှိတွေဉာဏ်သွားသလောက် နောက်ထပ်ထွင်ခဲ့တာတွေရှိပါသေးတယ်။ ဒါပေမယ့် အခြေခံသံပေါက်ရိုးရိုးပေါ်မှာ မူတည်ပြီးထွင်ခဲ့ကြတာဖြစ်ပါတယ်။ အခြေခံမူမရှိဘဲ တီထွင်တာမဟုတ်ပါ။ အောက်မှာပြထားတဲ့သံပေါက်တွေမှာ အဆုံးသတ်ကို ၆လုံးကနေ ၁၀ လုံးအထိချထားပါတယ်။ ကြည့်ပါ။

ဝါခေါင်သိဟ်မွန်၊ အာကာစွန်၊ သရ၀ဏ်ရောင်စွေးစွေး။
သာကီဝင်မှတ်၊ မင်းဆက်မြတ်၊ ပြတ်သည်ဘယ်မင်းတွင်ပေနည်း။
မဂ်ဖိုလ်ဧကန်၊ ရသည်မှန်၊ တိရစ္ဆာန်ဘယ်ကြောင့်ဖြစ်သနည်း။
အတုတ်အခွန်၊ ခုတ်သည့်ခွန်၊ ထီးတံခွန်ရေတံခွန် ဘယ်သို့နည်း။
သဂဒါဂံ၊ အနာဂံ၊ ပြည်ပုဂံ ဂေါစရဂံ မည်သို့နည်း။

တစ်ခုသတိပြုရမှာက 'သရ၀ဏ်ရောင်စွေးစွေး' ဆိုပြီး အက္ခရာအားဖြင့် (၆) လုံး ရှိပေမယ့် ပေါ်လွင်ထင်ရှား တဲ့ အသံအားဖြင့် ငါးလုံးဘဲရှိတာကို သတိပြုသင့်ပါတယ်။ ဒါကြောင့် အသံအနေနဲ့ ငါးလုံးချလို့ဘဲမှတ်နိုင် ပါတယ်။ ကျန်တာတွေလည်းထိုနည်းတူ (၇)လုံးချထဲမှာ အသံအားဖြင့်ဝင်နေတယ်ဆိုတာ မြင်သာနိုင်ပါပြီ။ တနည်းအားဖြင့် ပြောရရင်တော့ နရီ (Rhythm) မပျက်ဖို့ အဓိကထားရပါမယ်။
ထွင်ပြီးတော့ လေးလုံးအစား ငါးလုံးနဲ့ စထားတဲ့ သံပေါက်တချို့ကိုလည်း အောက်မှာ ရေးပေးလိုက် ပါတယ်။

ခံကျွတ်သရဘီ၊ ပျဉ်းနှင်းဆီ၊ ရာသီဂန့်ဂေါ်မြတ်။
သင်းကျစ်စီတုရင်၊ မင်းရေးလွင်၊ ကြည်လင်တို့နေနတ်။
စုံဖက်လွန်လှစွာ၊ လေကြေငြာ၊ နံ့သာကြိုင်လှထွတ်။

တချို့ကတော့ ကာရန်ကိုပါထပ်ကစားပြီး အဆုံး (၇)လုံးချမှာ လေး-သုံး ကာရန်ထပ်ယူပြီးချထားပါတယ်။ ဒီတော့ ရွတ်ရတာ ပိုလှပါတယ်။ အောက်မှာကြည့်ပါ။
အိမ်ရှေ့သခင်၊ ရာထွတ်တင်၊ ကျွန်းပြင်သောင်းတွင်း ဘုန်းနှံ့ခြင်း။
ကြောက်ညင်ရန်မာန်၊ မဖြီးဆန်၊ ဘုန်းသံထက်ဆုံး ရွယ်စံထုံး။
ချိန်ဆုံးသင့်လှ၊ ကျော်ပေါက်ပြ၊ တေဇထွန်းပေါ် မင်းရဲကျော်။

အဲဒီမှာ အဆုံးကို အစပိုဒ် လုပ်ပြီးလဲ ဆက်စပ်သွားနိုင်ပါတယ်။ ဥပမာ -
ချိန်ဆုံးသင့်လှ၊ ကျော်ပေါက်ပြ၊ တေဇထွန်းပေါ် မင်းရဲကျော်။
တေဇထွန်းပေါ် မင်းရဲကျော်၊ ဘုန်းတော်ရောင်ဝင်း နေသို့လင်း ... အစရှိသည်ဖြင့် စပ်ဆိုနိုင်ပါတယ်။

တချို့ကတော့ ဆန်းသထက်ဆန်းအောင် ကာရန်တမျိုးတည်းနဲ့ လဲ စပ်ကြပါသေးတယ်။ ဥပမာ -
တောတောင်လျှိုတိုး၊ လန့်မစိုး၊
သူကိုမကိုး၊ ကိုယ့်ကိုကိုး၊
ကိုယ့်ကိုကိုယ်ကိုး၊ တောင်နှယ်ကိုး၊
ကိုယ့်ကိုတိုးတိုး၊ ကိုယ်ပင်နှိုး၊
သူတော်ကောင်းမျိုး၊ ကျင့်လမ်းရိုး၊
မဂ်ဖိုလ်ရိုးရိုး၊ အရကြိုး။
ဒီသံပေါက်မှာ 'အိုး' ကာရန်တစ်မျိုးတည်းနဲ့ စပ်သွားတာကိုတွေ့ပါလိမ့်မယ်။

မလွှဲသာတဲ့အခါမျိုးမှာ သတ်စေ့နှက်သုံးချက်ညီ (၄-၃-၂) ကာရန်အစား ထိပ်ချင်းထပ် (၄-၃-၁) ကာရန် နဲ့လဲ စပ်ခွင့်ပြုထားပါတယ်။ ဒါပေမယ့် တတ်နိုင်သမျှ ရှောင်ကြဉ်ရမယ် လို့ ဆိုပါတယ်။ ဥပမာ
သမ်းသမ်းကဲကဲ၊ အိပ်ပျော်ဆဲ၊ မဲဇလီနှင့်စာ။ ... ဆိုပြီး စပ်ထားတာရှိပါတယ်။

နောက် တစ်ခုက သံပေါက် တစ်ပုဒ်မှာ ဂရုသံချည်းသက်သက်နဲ့၊ ဒါမှမဟုတ် လဟုသံချည်း သက်သက် နဲ့တော့ မရေးသင့်ဘူးလို့ဆိုပါတယ်။

ဒီလောက်ဆိုရင် သံပေါက်ကို မြင်သာလောက်ပြီထင်ပါတယ်။ ရေးရတာလဲလွယ်ပါတယ်။ စမ်းကြည့်ကြ ပါဦး။