မြန်မာကဗျာဆိုတာ ဂျို (ချို)နဲ့လား (၈)

ဝဲရိုက်ဝဲသွင်း

ဝဲရိုက်ဝဲသွင်းကဗျာမှာ တပိုဒ်ကို သုံးလုံးထားရပါတယ်။ ရှေ့တပိုဒ်က အဆုံးကာရန်ကို နောက်တပိုဒ်ရဲ့ ကာရန်အစ နဲ့ ချိတ်ယူပါတယ်။ စပ်နည်း (၆)ပါးထဲက ဦးတိုက်စပ်နည်းပါဘဲ။ အပိုဒ်ရေ ကန့်သတ်ချက် မရှိပါ။
မြန်မာစကားလုံးတွေဟာ သုံးလုံးတွဲစပ်ရတာ ခက်ခဲလို့ ဒီကဗျာမျိုးကို ပါရမီရင့်သန်သူတွေသာ ရေးလေ့ ရှိကြတယ်လို့ ဆိုပါတယ်။ သုံးလုံးတတွဲနဲ့ ကာရန်ရော၊ အဓိပ္ပါယ်ပါ ချိတ်တွဲဆက်စပ်မိအောင် အရှည်ကြီး ရေးရတာ မလွယ်လှလို့ပါဘဲ။

ဝဲရိုက်ဝဲသွင်း ဆိုတဲ့ နာမည်တွင်ပုံက လှေသမားတွေရဲ့စကားလို့ဆိုပါတယ်။ လှေကို ၀ဲထဲဖြတ်ပြီးလှော်ရင် ၀ဲရဲ့ရေကြောကိုကြည့်ပြီး လိုတဲ့ရေစုန်၊ ရေဆန်ကို တက်နဲ့ယက်သွင်း၊ မလိုတဲ့ ရေစုန်ရေဆန်ကိုရိုက်ထုတ် ပြီး ဖယ်ရှားပစ်ရတာကို ၀ဲရိုက်ဝဲသွင်းလို့ ခေါ်ပါတယ်။ ကဗျာမှာလဲ သုံးလုံးတပိုဒ် ထိပ်ချင်းတိုက် ရေးတဲ့ နေရာမှာ မလိုတဲ့ကာရန်ကို ဂရုမစိုက်ဘဲ လိုအပ်နေတဲ့ ကာရန်ကိုဘဲ ရှေ့အပိုဒ်နဲ့ နောက်အပိုဒ် ဦးတိုက် စပ်တဲ့နေရာမှာ အက္ခရာအယူအသွင်း ကျဉ်းမြောင်းလွန်းလို့ ရေကြောကို စိတ်မှာချင့်ချိန်ထောက်ဆပြီး လို၊ မလို ရွေးကောက်ယူရတဲ့ လှေသမားလို အလွန်ပဲ ကသီကရီရှိတာကြောင့် ၀ဲရိုက်ဝဲသွင်းလို့ ခေါ်တယ်လို့ ဆိုပါတယ်။ ဒီကဗျာမျိုးကို ရွတ်ဖတ်ရင် တထောက်ဆီ ရပ်နားပြီးရွတ်ရပါတယ်။ ဆက်တိုက် တောက်လျှောက် မရွတ်ရပါဘူး။
ဒီ လင်္ကာကိုရေးရာမှာ အဆုံးသတ်ချပုံကတော့ မျိုးကွဲသုံးမျိုးတွေ့ရပါတယ်။ ပထမနည်းကတော့ ရိုးရိုးပဲ ကဗျာဆုံးသွားရင် ကြိုက်တဲ့ကာရန်နဲ့ သုံးလုံးချလိုက်တာပါဘဲ။ ရှင်မဟာရဋ္ဌသာရ ရဲ့ ဆုံးမစာကို ကြည့်ပါ။

မိန့်သည်မှာ၊ နာလော့နား၊ ဓါးမြက်မြက်၊ ထက်အောင်သွေး၊ ရှေးကထုံး၊ သုံးယောက်လူ၊ ယူကြလေ၊ သေအောင်ခုတ်၊ နှုတ်၍ထား၊ ငါးစုဆူး၊ စူးတတ်လှ၊ ယှမြဲမှန်၊ ပန်စရာ၊ သာထူးဆန်း၊ ပန်းကြက်မောက်၊ ခြောက်လေးဖြာ၊ ညှာမလိပ်၊ ထိပ်မှာထုံး၊ သုံးအောင်ဆက်၊ လက်ရှိစေ၊ ရွှေစင်စစ်၊ နှစ်စုခွဲ၊ ထဲမှာသို၊ လိုလျှင်ဖေါ်၊ ဖျော်သောက်စား၊ များဆေးသုံး၊ လုံးစုံနှံ့၊ နံ့သာထုံ၊ ပုံမခြား၊ ငါးရာနှစ်၊ ရှစ်တသွယ်၊ ပြယ်မပြေ၊ လေမသွေ့၊ နေ့တိုင်းလိမ်း၊ ငြိမ်းလိမ့်မည်၊ ပြည်ခြောက်ဆင့်၊ မြင့်မြဲမှုံ၊ စုံပလေ၊ လှေပိန်းကော့၊ မြှော့နှင့်သတ်၊ မှတ်လော့မင်း၊ သင်္ဘောစီး၊ မီးပြောင်ပြောင်၊ လောင်ကျွမ်းမဲ့၊ ဆဲ့တဖုံ၊ လှုံကာအီ၊ ထီမထင်၊ ရှင်နှစ်ပါး၊ ထားမလွတ်၊ ပတ်မွှတ်ချော့၊ ရော့မလား၊ များရှိရွာ၊ နာမလိုက်၊ ကြိုက်ရာရွေး၊ ရေးလျှင်ကောင်း၊ တောင်း၍နေ၊ ခေမာနန်း၊ ဆန်းလှထူး၊ ကြူး၍မောက်၊ ရောက်ဧကန်၊ မှန်လှစွာ၊ မှာလိုက်မည်၊ သည်အကြောင်း၊ ကောင်းကောင်းကျင့်။

နောက်တနည်းကတော့ ပညာဝန်ထောက်မင်း ၀ဇီရဗုဒ္ဓိ ဦးဖိုးစိန် ရဲ့အဆိုအရ ရေ၀ဲရဲ့ ရိုက်ခတ်ခြင်းခံရတဲ့ အမှိုက်သရိုက်၊ ဒိုက်သရောတွေဟာ အစမှအဆုံး၊ အဆုံးကနေအစကို အဆက်မပြတ် တရစပ်လည်နေ သလို သုံးလုံးစီပြီး ကာရန်ဆက်လို့ ကဗျာတပိုဒ်လုံး ဆုံးသွားတဲ့ နောက်ဆုံးစာလုံးကာရန်ကို ပထမ ဆုံး စခဲ့တဲ့ အစပိုဒ်ရဲ့ ပထမစာလုံးကာရန်နဲ့ ပြန်ညီအောင်ရေးတဲ့နည်းလို့ ဆိုပါတယ်။ အဲဒီတော့ အဆုံးအစ မရှိ 'ဂျာအေး သူ့ အမေရိုက်' ဆိုသလို ပြန်ကျော့ပြီး ဆက်ဖတ်လို့ရပါတယ်။ ဒီအတွက် ဥပဒေသ ဆောင်ပုဒ်ကတော့ ...
သုံးလုံးစီ၊ ညီစွာရေး၊ ရှေးမူမှာ၊ ကာရန်၌၊ တိုက်ဦးစီ၊ ချီနှင့်ဆုံး။ သုံးလုံးစီ ... ဆိုပြီး အစကိုပြန်ကောက် လိုက်ရင် အဆုံးအစမရှိ ၀ဲလည်နေတဲ့ လင်္ကာတပုဒ် ရလာပါတယ်။ မုံရွေးဆရာတော်မှတ်စု မှာပါတဲ့ ဆင်ကြန်လင်္ကာကိုကြည့်ပါ။

ဆင်မြတ်မျိုး၊ ဟိုးဟိုးကျော်၊ တော်ဖြစ်ငြား၊ ရှားနှိုင်းပြိုင်၊ ခိုင်ကြံ့စွယ်၊ သွယ်ရှည်မြီး၊ ကြီးမားမား၊ လျားလုံးတန်၊ မွန်လှဆင်း၊ ညှင်းပြေ့ပြေ့၊ ရှေ့နောက်ညီ၊ ဖီကျောက်ထုပ်၊ ရုပ်ထူးဆန်း၊ စွန်းပြစ်ကင်း၊ တင်းစည်ကျော၊ လျောလျောကုံး၊ လုံးပြည့်ဖြိုး၊ ရိုးဆစ်တိမ်၊ ငြိမ်လက်ခြေ၊ နေရပ်မြဲ၊ ရဲတွေ့ဝံ့၊ ဖွံ့ပျိုရွယ်၊ လွယ်ယဉ်ပိုက်၊ ရိုက်ဟည်းရှင်၊ လျင်ဟူးဟူး၊ စူးစူးပြေး၊ ဘေးရန်လွတ်၊ ပတ်လှည့်ရ၊ ကြွကြွသွား၊ နားစုထောင်၊ ခေါင်ဟန်တင့်၊ သင့်ကြံရုံ၊ စုံကောင်းအင်၊ ရွှင်ပျော်ချီး၊ သီးသီးအံ့၊ လွှံ့ကျော်ထင်၊ (ဆင်မြတ်မျိုး၊ ဟိုးဟိုးကျော် ... အစပြန်ကောက်ပြီး ဆက်ဆို ...)

နောက်တစ်နည်းကတော့ အမရပူရခေတ်၊ ဘိုးတော်မင်းတြားကြီး လက်ထက်တော်မှာ ဆရာတော်တပါး ရေးသားစပ်ဟပ်ဖူးတဲ့ ...
'စိမ်းစိုစို၊ ညိုညိုမှိုင်း၊ ၀ိုင်းဆို့ဆို့၊ .... ဆင်ကျားခို၊ ရှိုအကွေ့၊ မွေ့လျော်ရာ ..... ကန္တာမြိုင်တည့်လေ' ဆိုတဲ့ လင်္ကာမှာ 'လေ' ဆိုတဲ့စာလုံးနဲ့ ငါးလုံးချထားတာတွေ့ရပါတယ်။ လူအသိများတဲ့ ဘိုးမင်းခေါင်ဂါထာ ဆိုပြီး လူတွေ ရွတ်ဆိုနေကြတဲ့ အောင်ထူးဆန်းအဟိန်းဂါထာတော်ကြီးရဲ့ အစပိုင်းမှာလဲ ဒီလိုချနည်းနဲ့ဘဲ ချထားပါတယ်။
'အောင်ထူးဆန်း၊ မန်းသိုက်ဝင်၊ ထင်ကျော်သောင်း၊ ဆောင်းထီးဖြူ၊ လူထိပ်မိုး၊ ဟိုးဟိုးကျော်၊ ကျော်ဝှန်းတက်၊ ဘက်မရှောင်၊ ခေါင်ဘုန်းကြီး၊ ထီးရွှေနန်း၊ မန်းဣန္ဒရာဇာ။' ဆိုပြီးဖြစ်ပါတယ်။
ဒါလောက်ဆို ၀ဲရိုက်ဝဲသွင်းလင်္ကာအကြောင်း သိသာလောက်ပါပြီ။ ဒီတော့ အရေးများ၊ အတွေ့များတဲ့ ရှစ်လုံးဖွဲ့မြန်မာကဗျာတွေအကြောင်းဆက်ချင်ပါတယ်။