မြန်မာကဗျာဆိုတာ ဂျို (ချို)နဲ့လား (၁၁)

သဖြန်

သဖြန်ဆိုတာ အသံ+အဖြန် ဆိုတဲ့ ပိုဒ်တွေကို ပေါင်းထားတာဖြစ်ပြီး အဓိပ္ပါယ်ကတော့ သီချင်း အသံကို ပြန်စေတတ်သောသီချင်း၊ ဖြန်ဖြေသောသီချင်း ရယ်လို့ဖြစ်ပါတယ်။ ဒီတော့ ဒွေးချိုးသဖြန်ဆိုတာ မူရင်း ဒွေးချိုးငယ်သာဖြစ်တယ်လို့ဆိုပါတယ်။ အဲဒီမှာမှ တက်သံ၊ သက်သံ၊ နိမ့်သံ၊ တိုင်သံ ဆိုတဲ့ အသံ(၄)မျိုး နဲ့ ပြန့်အောင် 'ဖြန်' ပြီး၊ အဲဒီ အသံလေးသံကို 'ဖြန်ဖြေ'ပြီး၊ ဒါမှမဟုတ် ပတ်ပျိုး စတဲ့ သီချင်းကြီးတွေကို ဆိုအပြီးမှာ အသံကို သံမှန်ကို 'ပြန်'ရောက်အောင်လုပ်ဖို့ စပ်ဆိုထားတာလို့ဆိုပါတယ်။ ပတ်ပျိုးလို သီချင်းကြီးတွေပေါ်လာမှ ပညာရှိတွေက ဒီနာမည်ကို မှည့်ခေါ်ခဲ့ဟန်တူတယ်လို့ ဆိုပါတယ်။ ဒီတော့ သဖြန် ဆိုတာဟာ သီချင်းသံကို အစွဲပြုပြီး ခေါ်ထားတဲ့အမည်ဖြစ်ပြီး ဒွေးချိုးတို့၊ ဒွေးဆစ်တို့ ဆိုတာကတော့ အဆစ်အပိုင်း၊ အချိုး (အပိုဒ်) တွေကို အစွဲပြုပြီး ခေါ်ထားတဲ့အမည်ဖြစ်တယ် လို့ ဆိုပါတယ်။ ဒွေးချိုး သဖြန်၊ နှစ်ဆစ်ချိုးသဖြန် ဆိုပြီးလဲ ခေါ်ကြပါတယ်။ ဒွေးချိုး၊ လေးချိုး တွေရဲ့ အစပ်မျိုးဖြစ်ပြီး ပတ်ပျိုးအချမှာ အဆိုများပါတယ်။ စည်းကိုက်၊ ၀ါးကိုက် ဆိုင်းဝိုင်းနဲ့ ဆိုရတယ်လို့ သိရပါတယ်။ သဖြန်တွေကိုဆိုတဲ့အခါ ငါးပေါက်သံ (Key F Major) နဲ့ ဆိုရတယ်လို့ မှတ်သားထားမိ ပါတယ်။ သဖြန်အမျိုးအစားတွေကတော့ ...
(၁) သံထောက်သဖြန်
(၂) ခွန်းထောက်သဖြန်
(၃) ကွန်းထောက်သဖြန်
(၄) ရေလားသဖြန်
(၅) ရေခင်းသဖြန်
(၆) ပုလဲပေါက်သဖြန် ဆိုပြီး ရှိပါတယ်။

သံထောက်သဖြန်ဆိုတာ အသံ(၄) သံတို့ကို တစ်ထောက်၊ နှစ်ထောက်နားပြီး ရွတ်ဆိုရတဲ့ သဖြန်မျိုးကို ခေါ်ပါတယ်။
ခွန်းထောက်ဆိုတာကတော့ သီချင်းကြီး၊ ပြဇာတ်စကားတို့ရဲ့ကြားမှာ နှုတ်ခွန်းနဲ့ထောက်ပြန်ပြီး ပြောဆို မေးမြန်းရတဲ့ သဖြန်မျိုးကို ဆိုလိုပါတယ်။ ခွန်းထောက်သဖြန်ကို ပုလဲပေါက်သံ (Lydian Mode) နဲ့ ဆိုရတယ်လို့ မဟာဂီတ ဦးပြုံးချိုရဲ့ မဟာဂီတပေါင်းချုပ်မှာ 'သဖြန်ငါးပေါက်၊ ခွန်းထောက်ပုလဲ ဆိုရိုးတည်း' လို့ရေးသားထားတာ ကို ထောက်ပြီး ပြောကြပါတယ်။
ကွန်းထောက်ဆိုတာ ဘုရင်တွေယာယီတဲနန်းမှာ ခဏနားခိုက် သီဆိုဖျော်ဖြေရတဲ့ ဒွေးချိုးကို 'ကွန်းထောက်သဖြန်' လို့ခေါ်ပါတယ်။ ဘုရင်တွေရဲ့နန်းတော်ကို 'ကွန်း' လို့အရင်ရှေးခေတ်ကခေါ်ပါတယ်။ နတ်နန်းကို နတ်ကွန်းလို့ခေါ်သလိုမျိုးပါ။ ဘုရင်တွေ တိုင်းခန်းလှည့်လည်ရာက ခဏနားခိုစခန်းချတာကို 'ထောက်' တယ်လို့ခေါ်ပါတယ်။ ခဏ တစခန်းထောက်တဲ့သဘောလို့ ကဗျာစွယ်စုံကျမ်းကြီးထဲမှာ ဖေါ်ပြ ထားပါတယ်။ ကဗျာဖွဲ့နည်းနိသျည်းထဲမှာကတော့ ဇာတ်ပွဲသဘင်တွေမှာ မင်းသား၊ မင်းသမီးတွေ ခရီး လှည့်လည်သွားကြရင်း ယာယီတဲနန်းဘုံကွန်းဆောက်ပြီးရပ်နားတာကို 'ကွန်းထောက်နားတယ်'၊ 'ကွန်းထောက်ချတယ်' လို့ခေါ်ကြောင်းနဲ့ အဲဒီအခါမှာ ရွတ်ဆိုကြတဲ့ အကြောင်းအရာတွေဖြစ်တယ်လို့ မြန်မာစာညွန့်ပေါင်းကျမ်းကို ကိုးကားပြီးဆိုထားပါတယ်။ ပညာဝန်ထောက်ဦးဖိုးစိန်ရဲ့အလိုအရကတော့ 'အဲဒီအခါမျိုးမှာ မြိုင်ထကိုဖြစ်စေ၊ လွမ်းချင်းကိုဖြစ်စေ ဆိုပြီးမှ သဖြန်ကို ဆက်လက်၍ဆိုကြ၏။ ၄င်း သဖြန်မှာလည်း ထိုမြိုင်ထ၊ လွမ်းချင်းတို့၏ အချသာဖြစ်၍ ကွန်းထောက်ခြင်း၊ စခန်းချခြင်းနှင့် ဘာမှ မဆိုင်ခဲ့ပါ။ မင်းသားကို နှုတ်ထောက်၍လျောက်တင်ရသော သဖြန်၊ သို့မဟုတ် နှုတ်ခွန်းထောက်၍ ဆိုရသော သဖြန်သာဖြစ်သောကြောင့် ''ခွန်းထောက်သဖြန်'' ဟုသာခေါ်ဆိုထိုက်၏။ ကွန်းထောက်သဖြန် ဟုခေါ်ဆိုကြသည်မှာ အမှားသာဖြစ်၏' လို့ ရေးခဲ့ဘူးပါတယ်။
ရေလားသဖြန်ဆိုတာ မြစ်ချောင်းအင်းအိုင်တွေမှာ ရေကစား၊ သွားလာကြတဲ့အကြောင်းတွေကို စပ်ဆိုကြ တဲ့ သဖြန်မျိုးဖြစ်ပါတယ်။
ရေခင်းသဖြန်ဆိုတာလည်း ရေပြင်ပေါ်မှာ တပ်ခင်းပြီး ပျော်ပါးစံစားတဲ့အကြောင်းကို ဖွဲ့ဆိုထားတဲ့ သဖြန် ဖြစ်ပါတယ်။
ပုလဲပေါက် သဖြန်ဆိုတာကတော့ ခွန်းထောက်သဖြန်ကိုဘဲ ပုလဲပေါက်အသံနဲ့ဆိုတဲ့အခါ အသံကို လိုက်ပြီး ခေါ်တဲ့အမည် လို့ဆိုပါတယ်။
တချို့ကတော့လည်း ဒွေးချိုးငိုချင်းသဖြန် ဆိုပြီး အပြည့်အစုံခေါ်ပါတယ်။ ဒီနေရာမှာ ဒွေးချိုးဆိုတာ စပ်နည်းအချိုး၊ ငိုချင်း ဆိုတာက အကြောင်းအရာ၊ သဖြန် ဆိုတာက သီဆိုသံကို ဆိုလိုရင်းသာဖြစ်ပြီး တကယ်ကတော့ ဒွေးချိုး ရိုးရိုးဘဲဖြစ်ပါတယ်လို့ ဖေါ်ပြထားပြန်ပါတယ်။
သဖြန်တွေကို ဖွဲ့ဆိုတဲ့အကြောင်းအရာအလိုက်သာမက စပ်နည်းနဲ့ အနက် ကိုလိုက်ပြီးလဲ အမည်ပေး လေ့ရှိပါတယ်။ ဒွေးချိုးကိုဘဲရေးရိုးရေးစဉ်ထက် အပိုဒ်ရေနဲနဲပိုများ၊ အက္ခရာနည်းနည်းပိုများပြီး စပ်ထား ရင် ဒွေးချိုးသဖြန်ဖြစ်နိုင်တယ်လို့ ဆိုပါတယ်။ ဒါပေမယ့် ဒွေးချိုးကြီး လောက်တော့ မရှည်၊ မများရဘူး လို့လဲ ပြောထားပါတယ်။ နမူနာ ဒွေးချိုးသဖြန် တပုဒ် ထည့်ရေးပေးလိုက်ပါတယ်။

အခြေငယ်တယ်၊
ငရေသယ် တသိရ်မွေ့ပါတဲ့၊
အိမ်ရှေ့ကိုအမှန်ရရင်ဘဲ၊
ဉာဏ်ကတနဲ။ ။
ကျေးဇူးသျှင်၊
ရေးမှုကိုမြှော်မမြင်လို့၊
မိုက်ဉာဏ်ဝင် နင်တန်ချက်ကိုလ၊
ကမ္ဘာဘာ စဉ်အဆက်မှာဟယ်
(အမယ်လေး) ထုံးပျက်နိုင်ဘဲ။ ။

မြ၀တီမင်းကြီး ရေး - အီနောင်ဇာတ်မှ ဒွေးချိုးသဖြန်
အို ရှုမောဖွယ် ထားကေသွယ်၊
သည်ဝယ်ပုံသို့ မကြံလေသေး။
ဖြူဝန်းငယ်ရာပြိုင်သည်၊
ညာပင်တိုင် ရွှေဗွေမြင့်ငယ်ကို၊
ပြန်ခွင့်ကနှေး။

အထူးမှတ်သားဖို့ကတော့ ဒွေးချိုး၊ တြိချိုး၊ လေးချိုးတိုင်းဟာ သဖြန်ဖြစ်နိုင်ပေမယ့်၊ သဖြန်တိုင်းကတော့ ဒွေးချိုး၊ လေးချိုး မဖြစ်နိုင်ပါဘူး။ ပုံစံအနေနဲ့ အနောက်နန်းမတော် မမြကလေး ရေးတဲ့ ရှစ်စုံရွက်ကြာ ပတ်ပျိုးမှာ -

သနားမကြင်ရက်ကယ်မို့၊
သူ့ထွက်ဖန်ရာဆယ်၊
ရေးနှောင့်အချယ်။
အိုဘယ်ခါနေ့ငယ်မှ၊
ကိုယ်တွေ့သည် ပူနယ်က၊
အေးလွယ်သည်မှန်း။
ဆိုပြီး ချထားတာဟာ ဒွေးချိုးမဟုတ်ပေမယ့် သီဆိုသံက သဖြန်သံ (ငါးပေါက်သံ) နဲ့ဆိုတဲ့အတွက် သဖြန်လို့ပဲ မှတ်ယူ ရတယ်လို့ ဆိုပါတယ်။
သဖြန်ပြီးတော့ အချိုးကဗျာတွေထဲက တြိချိုးအကြောင်းကို ဆက်ပါမယ် ...