မြန်မာကဗျာဆိုတာ ဂျို (ချို)နဲ့လား (၇)

လင်္ကာ

ရှေးအခါက ကဗျာတွေကိုလင်္ကာလို့ခေါ်ကြပါတယ်။ ပါရမီတော်ခန်း တို့၊ ကိုးခန်း တို့ဆိုတဲ့အဖွဲ့လင်္ကာ တွေဟာ အခါအားလျော်စွာ ပျို့ ဆိုတဲ့အမည်ကိုပြောင်းသွားဟန်ရှိတယ်လို့ ဆိုပါတယ်။ ဘူရိဒတ်လင်္ကာ ကတော့ အခုအထိ လင်္ကာဆိုတဲ့အမည်နဲ့ပဲ ရှိနေသေးပါတယ်။ အင်းဝခေတ်နောက်ပိုင်းမှာ လင်္ကာဆိုတဲ့ ဝေါဟာရ မှေးမှိန်လာဟန်ရှိတယ်လို့ ဆိုပါတယ်။ ပုဂံခေတ်က လင်္ကာတွေကို စကြည့်ကြရအောင်။

မြကန်သာ ...
တောင်ကျချောင်းတေး၊
ရေ၀င်ပြေးလှည့်၊
ရေအေးကြည်စွာ၊
ကန်ပိုင်မာလျက်၊
ကြာပေါင်းထုံထုံ၊
ငှက်မျိုးစုံသည်၊
ဝတိံသာက နန္ဒာလော၊ တူစွာ့ဟုတ်တာ။

အားလုံးကြားဖူးကြမယ့် မြကန်သာ လင်္ကာလေးဖြစ်ပါတယ်။ ဒီနေရာမှာ အစပိုဒ် မြကန်သာ ဆိုတာ ခေါင်းစဉ်ပေးထားတာနဲ့ တူလှပါတယ်။ အာလုပ် အနေနဲ့ အို ... မြကန်သာ လို့ အစချီတာလဲ ဖြစ်နိုင်ပါ တယ်။ ရှေးစာဆိုတွေဟာ လင်္ကာကို အာလုပ်ပိုဒ် နဲ့ စလေ့ရှိတယ်လို့ ဆိုကြပါတယ်။ နောက်ထပ် လင်္ကာ တစ်ခုကို ကြည့်ပါဦး။

သိုးကလေး (သိုးကလေ)
ပုပ္ပါးနတ်တောင်၊ အခေါင်မြင့်ဖျား၊
စုံတောပြား၌၊ နံ့ရှားကြိုင်လွင့်၊
ခါတန်ပွင့်သည်၊ ရွှေနှင့်ယိုးမှား ပန်းစကား။

သိုးကလေး (သိုးကလေ)
စကားပွင့်နှင့်၊ နှိုင်းတင့်နိုးသည့်၊
ရဲမျိုးသမီး၊ မောင်ကြီးနှမ၊
ညက်လှပြာစင်၊ မယ့်သည်ပင်သည် ခရီးသား။ (အချို့က မယ့်သခင်သည် လို့ရေးတာတွေ့ဖူးပါတယ်။)

သိုးကလေး (သိုးကလေ)
မြိတ်လွတ်စုလည်း၊ ငယ်ကတည်းက၊ (အငယ်တည်းက လို့လည်း ရေးတာတွေ့ဖူးပါတယ်)
ကျွမ်းဝင်ကြသည်၊ မွေးဖတူရင်း၊
မျိုးသည်မင်းနှင့်၊ ချစ်ခြင်းစုရုံး၊
သက်ထက်ဆုံးသည်၊ နှလုံးမခြား စောင့်တရား။

ဆွေမိမင်း (တချို့ စာအုပ်တွေမှာ 'မွေးမိခင်'၊ 'ဆွေမိခင်' လို့လည်း ရေးကြပါတယ်)
မျက်သုတ်နီလွင်၊ ရတည်းဖျင်နှင့်၊
ကျိုင်းစင်မြ၀ါ၊ မတ်ကြီးလျာကို၊
မယ်သာကြိုက်မိ တုမရှိ။

အစချီ အာလုပ်ပိုဒ်မှာ တချို့က 'သိုးကလေး' လို့ရေးပြီး တချို့က 'သိုးကလေ' လို့ရေးတာတွေ့ပါတယ်။ ရှေးအခါက ဦးထုပ်ကို 'သိုး' လို့ခေါ်ပါတယ်။ ဒါကြောင့် ဦးထုပ်ဆောင်းလေ့ရှိတဲ့ အင်္ဂလိပ်တွေကို သိုးဆောင်း လို့ခေါ်တာပါ။ ပုပ္ပါးတောင်ကို ခပ်လှမ်းလှမ်းကကြည့်ရင် ဦးထုပ်ဆောင်းထားတာနဲ့ တူလို့ သိုးကလေး လို့ အာလုပ်ပြု ထားတာဖြစ်တယ်လို့ဆိုပါတယ်။ နောက်လင်္ကာတပုဒ်ကတော့ အနန္တသူရိယ အမတ်ကြီး ရေးခဲ့တဲ့ မျက်ဖြေလင်္ကာပါ။ အားလုံးကြားဖူးကြပါလိမ့်မယ်။ အောက်မှာဖေါ်ပြလိုက်ပါတယ်။

သူတည်းတယောက်၊ ကောင်းဖို့ရောက်မူ၊
သူတယောက်မှာ၊ ပျက်လင့်ကာသာ၊
ဓမ္မတာတည်း။

ရွှေအိမ်နန်းနှင့်၊ ကြငှန်းလည်းခံ၊
မတ်ပေါင်းရံလျက်၊ ပျော်စံရိပ်ငြိမ်၊
စည်းစိမ်မကွာ၊ မင်းချမ်းသာကား၊
သမုဒ္ဒရာ၊ ရေမျက်နှာထက်၊
ခဏတက်သည့်၊ ရေပွက်ပမာ၊
တသက်လျာတည်း။

ကြင်နာသနား၊ ငါ့အားမသတ်၊
ယခုလွှတ်လည်း၊ မလွတ်ကြမ္မာ၊
လူတကာတို့၊ ခန္ဓာခိုင်ကျည်၊
အတည်မမြဲ၊ ဖေါက်လွဲတတ်သည်၊
မချွတ်စသာ၊ သတ္တ၀ါတည်း။

ရှိခိုးကော်ရော်၊ ပူဇော်အကျွန်၊
ပန်ခဲ့တုံ၏၊ ခိုက်ကြုံဝိပါက်၊
သံသာစက်၌၊ ကြိုက်လတ်တွန်မူ၊
တုံ့မယူလို၊ ကြည်ညိုစိတ်သန်၊
သခင်မွန်ကို၊ ချန်ဘိစင်စစ်၊
အပြစ်လွတ်ရေး၊ ခွင့်လျှင်ပေးသည်၊
သွေးသည်အနိစ္စာ၊ ငါ့ခန္ဓာတည်း။

ဒီလင်္ကာတွေကတော့ အစပ်အဟပ်ပိုင်းမှာ သိပ်ပြီးမကောင်းလှသေးပါဘူး။ ရှေးခေတ်ကဗျာအမွေအနှစ် အနေနဲ့ မှတ်တမ်းတင်ဖြစ်အောင် ရေးပြထားခြင်းသာဖြစ်ပါတယ်။ အဲဒီအခါက မြန်မာစာပေရဲ့ မြေစမ်း ခရမ်းပျိုး ခေတ်ဦးသာရှိသေးလို့ လွတ်လပ်စွာရေးကြတဲ့အတွက် စည်းကမ်း၊ ကာရန်ပိုင်းမှာ သိပ်ပြီး မကောင်းမွန်လှသေးပါဘူး။ နောက်ပိုင်းမှ ဆန်း၊ အဘိဓါန်၊ အလင်္ကာ စတဲ့ နှောင်ကြိုးတွေများလာလို့ ကဗျာလင်္ကာရေးဖွဲ့ရာမှာ မလွတ်လပ်တော့ပေမယ့် ပိုပြီးကောင်းမွန် စံနစ်ကျလာပါတယ်။
ဒါ့အပြင် သိုးကလေးချီ လင်္ကာနဲ့ မျက်ဖြေလင်္ကာနှစ်ပုဒ်ကို ပုဂံခေတ်မှာရေးတာမဟုတ်ပဲ နှောင်းလူတွေ ပြန်ရေးကြတယ် လို့ အငြင်းပွားကြပါတယ်။ ကျနော့်တစ်ဦးတည်း ယူဆချက်ကိုပြောရမယ်ဆိုရင်တော့ ဒီ လင်္ကာနှစ်ပုဒ်ဟာ ပုဂံခေတ် လက်ရာ ဆိုတာ သံသယဖြစ်စရာရှိနေပါတယ်။ ဘာဖြစ်လို့လဲဆိုတော့ အသုံး အနှုန်းတွေက ပုဂံခေတ်အသုံး မဟုတ်ဘဲ ဒီဘက်ခေတ် အသုံးအနှုန်းတွေဖြစ်နေလို့ပါ။ ဆရာမောင်သာနိုးရေးတဲ့ ဂန္တ၀င်မြန်မာကဗျာ စာအုပ်ထဲမှာလည်း သိုးကလေ အစချီလင်္ကာကို ပင်းယခေတ် (၀ါ) အင်းဝခေတ်စောစောပိုင်းများဖြစ်လေမလားလို့ သံသယ၀င်ဖွယ်ဖြစ်တယ် လို့ ဆိုထားပါတယ် (၄င်းစာအုပ် 'ပုပ္ပါးတောင်နှယ် ချစ်ခြင်းမေတ္တာ ဆောင်းပါး၊ စာမျက်နှာ (၅) တွင်ကြည့်)။ မြကန်သာ လင်္ကာ မှာတော့ ပုဂံခေတ်အသုံးအနှုန်းဖြစ်တဲ့ 'ဟုတ်တာ' တို့၊ 'ကန်ပိုင်' တို့ ပါနေတော့ ပုဂံခေတ် လင်္ကာဆိုတာ ဖြစ်မယ်ဆိုရင်လည်း ဖြစ်နိုင်ပါတယ်။ ဒါပေမယ့် အခုကျနော်ရေးနေတဲ့ Post ဟာ ဒါတွေကို သုတေသနပြုနေတာ မဟုတ်တဲ့အတွက် လင်္ကာအကြောင်းကိုဘဲ ဆက်ကြရအောင်။
လင်္ကာတွေထဲမှာ စံနမူနာယူစရာအကောင်းဆုံးကတော့ အင်းဝခေတ်လင်္ကာတွေပဲလို့ဆိုပါတယ်။ အင်းဝ ခေတ်ကို ကဗျာရဲ့ အထွတ်အထိပ်ခေတ်လို့ ဆိုစမှတ်ပြုကြပါတယ်။ အောက်က လင်္ကာလေးကိုကြည့်ပါ။

မြတ်မျိုးမြင့်မှန်၊ ကြင်ပေတန်၍၊
ရွယ်ရန်ရည်ရင့်၊ ဆင်တိုင်းတင့်သား၊
နတ်နှင့်နှုန်းနှန်း၊ ၀င်းငြိမ့်ရွှန်း၍၊
လှလွန်းလွန်လှည့်၊ ငါးကြန်ပြည့်ကို၊
ဖျော်ဖြည့်ဖြေဖျောက်၊ ကြိမ်ကြိမ်လျှောက်လည်း၊
ပြစ်ပျောက်ပျို့ပျို့၊ ဖြူမြိတ်စို့နှင့်၊
သူသို့သွေသည်၊ ဟုတ်မည်မှန်ဘွယ်၊
ဝမ်းဝယ်ဝိုးဝါး၊ စိတ်လွင့်ပါး၍၊
ကြိုးကြားကြံကာ၊ ဂိမှာသန်ဆောင်း၊
ချောင်းချောင်းခခ၊ ကာလရှည်ဖင့်
မြိုးမြတ်မြင့်သည်၊
လွမ်းလင့်လွန်လှည့် လေလိမ့်လော။ ။

ရှင်မဟာရဋ္ဌသာရ ရေးခဲ့တဲ့ ပုလဲတတန့်၊ သန္တာတတန့် ရေးနည်းဖြစ်ပါတယ်။ သေသေချာချာကြည့်ပါ။ တပိုဒ်ခြားစီမှာ အက္ခရာတစ်လုံးတည်း သုံးထားတာတွေ့ပါလိမ့်မယ်။ 'မြတ်မျိုးမြင့်မှန်' မှာ 'မ' တစ်လုံး တည်း၊ 'ရွယ်ရန်ရည်ရင့်' ဆိုရင် 'ရ' တစ်လုံးတည်း၊ အဲဒီလို တောက်လျောက်သုံးလာပြီးမှ 'လွမ်းလင့်လွန်လှည့် လေလိမ့်လော' ဆိုပြီး 'လ' တစ်လုံးတည်းသုံးလို့ ချလိုက်ပါတယ်။

ရှင်မဟာရဋ္ဌသာရ ပဲရေးခဲ့တဲ့ နောက်လင်္ကာတပိုဒ်ကို ကြည့်ပါဦး ....

ညှိုး လျော်တ၍၊ ဆွတ်မျှမိန့်မူး၊
ညှိုး ပျံ့ပျူးလျက်၊ မယ်ထူးချည်သာ၊
ညှိုး ဗျာပါတည့်၊ ထပ်ခါဆိုတမ်း၊
ညှိုး သမ်းပျောင်းပျ၊ အဆဆလျှင်၊
ညှိုး လျသန္တာန်၊ ပန်းကြာမွန်လျှင်၊
ညှိုး တန်ပေထိုက်၊ ရေနှိုက်ကွာမူ၊
ညှိုး ကာမရှိ၊ နွမ်းခြောက်ဘိသို့၊
ညှိုး ရိပန်းတောင်း၊ ဖြစ်ပေရောင်း၍၊
ညှိုး ပျောင်းခေါ်စိုက်၊ မျှော်လိုက်တယူ၊
ညှိုး ပူသည်တောင်း၊ ဆင့်လောင်းချစ်အား၊
လွမ်းလောက်ပွား၍၊ သနားလေလေ၊
နောင်မင်းခြေဟု၊ စေ့ရေကြောင်းများ၊
မယ့်ဖြစ်လားကို၊ လျှောက်ကြားမှာသည်၊
ရွှေကြာပန်းညွန့် ရှင်တကား။

ဒါကို ပဒုမ္မာကြာ ဆိုနည်းလင်္ကာလို့ခေါ်ပါတယ်။ အောက်မှာပြထားသလို ဘုံစာလုံး 'ညှိုး' ကို အလယ်မှာ ကြာဝတ်ဆံလို ကြီးကြီးရေးပြီး ကျန်တာတွေကို ကြာပွင့်ချပ်တွေလို ပတ်လည်ရေးလိုက်ရပါတယ်။ ဒါဆို ပဒုမ္မာကြာပန်းလိုတွေ့ရလို့ ပဒုမ္မာကြာ ဆိုနည်းလင်္ကာလို့ခေါ်တာပါ။

လင်္ကာရေးနည်းကတော့ လေးလုံးစပ်ပါဘဲ။ သတ်စေ့နှက်သုံးချက်ညီ (၄-၃-၂) ကို အဓိကထားရေးပြီး ကျန်တဲ့ စပ်နည်း ငါးမျိုးကိုတော့ မလွှဲမရှောင်သာမှသာ သုံးရမယ်လို့ ဆိုပါတယ်။ လုံးဝမသုံးရဘူး လို့တော့ တားမြစ် မထားပါဘူး။ အပိုဒ်အရေအတွက်လဲ အကန့်အသတ်မရှိသလို၊ အချီ အချကာရန် ကန့်သတ်ချက်လဲ မရှိပါဘူး။ ဒါပေမယ့် အချမှာ (၇)လုံးချလေ့ရှိပါတယ်။ (၄)လုံးချရင်တော့ ရှေ့ ကအပိုဒ်နဲ့ ကာရန်ပြန်ယူရပါတယ်။ ဥပမာ ...

လောကဇာတ်ခုံ၊ - - - +
ဤလူ့ဘုံကား၊ - -+ -
တွေ့ကြုံဆုံကွဲ၊ - + - x
ဖြစ်ရမြဲတည်း၊ - - x -
ဝမ်းနည်းဝမ်းသာ၊ - x - +
မရှိရာရှင့်။ - - + -
ဆိုပြီး 'သာ' နဲ့ 'ရာ' ကို လေး-သုံး ကာရန်ပြန်ယူထားတာတွေ့ပါလိမ့်မယ်။

သံပေါက်ပိုင်ရင် လင်္ကာကို စပ်နိုင်ပါလိမ့်မယ်။ ဘာဖြစ်လို့လဲ ဆိုတော့ သံပေါက်ရဲ့ ဒုတိယပိုဒ်ကို နောက်ဆုံး စာလုံးတစ်လုံး တိုးလိုက်ပြီး ခုနစ်လုံးချလိုက်ရင် လင်္ကာ ဖြစ်သွားလို့ပါဘဲ။ စွယ်စုံကျော်ထင် ကျမ်းက ရှင်နန္ဒဓဇရဲ့ 'ကြိယာခြောက်ဆယ်၊ အသွယ်သွယ်၊ အဘယ်ကျမ်းကထွက်သနည်း။' ဆိုတဲ့ သံပေါက်ကို ဒုတိယပိုဒ်ရဲ့ နောက်ဆုံးမှာ 'သည်' တစ်လုံးတိုးလိုက်ရင် ...

ကြိယာခြောက်ဆယ်၊
အသွယ်သွယ်သည်၊
အဘယ်ကျမ်းကထွက်သနည်း။
ဆိုပြီး လေးလုံးစပ်လင်္ကာဖြစ်သွားပါပြီ။

အဲဒီတော့ လင်္ကာ ကနေ သံပေါက် ပြောင်းရတာလဲ ထို့အတူပါဘဲ။ အပေါ်က ရှင်မဟာရဋ္ဌသာရ ရဲ့ ပုလဲတတန့်၊ သန္တာတတန့် လင်္ကာကို ပြောင်းရေးလိုက်ရင် ....

မြတ်မျိုးမြင့်မှန်၊ ကြင်ပေတန်၊
ရွယ်ရန်ရည်ရင့်၊ ဆင်တိုင်းတင့်၊
နတ်နှင့်နှုန်းနှန်း၊ ၀င်းငြိမ့်ရွှန်း၊
လှလွန်းလွန်လှည့်၊ ငါးကြန်ပြည့်၊
ဖျော်ဖြည့်ဖြေဖျောက်၊ ကြိမ်ကြိမ်လျှောက်၊
ပြစ်ပျောက်ပျို့ပျို့၊ ဖြူမြိတ်စို့၊

ဆိုပြီး ဒုတိယ၊ စတုတ္ထ စတဲ့ 'မ' ပိုဒ်တွေရဲ့နောက်ဆုံးစာလုံးကိုဖြုတ်လိုက်ရင် သံပေါက်ဖြစ်သွားပါတယ်။
ဒီလောက်ဆိုရင် လင်္ကာရေးလို့ရပြီထင်ပါတယ်။
လင်္ကာထဲမှာ နည်းနည်းထူးခြားတဲ့ '၀ဲရိုက်ဝဲသွင်း' ဆိုတဲ့ လင်္ကာရေးနည်းတစ်မျိုး ရှိပါသေးတယ်။ ဒီ ရေးနည်းကိုတော့ နောက် Post မှာ သီးခြားဖေါ်ပြပေးပါ့မယ်။