ပန်းဧည့်သည်

အဖြည့်ခံပေမို့၊
မေ့ချန်လေသလားကွယ်။

လာချင်လာ ပြန်ချင်ပြန်နဲ့၊
ရင်ခုန်သံပေးကာသွား၊
အသည်းတံခါးဖွင့်ခဲ့တယ်။

မျှော်လင့်ချက်ဝေ၊
အော် ... မရင့်ကျက်လေသမျှတော့၊
ဆင့်ရတက်ပွေ အခက်သားပါလား၊
ရှက်များတောင်ရှက်မိပါရဲ့၊
သက်ထားမောင် တကယ်မသိတာလား၊
တွယ်မိရာ လွမ်းတတ်သူမို့၊
ကြွမ်းပြတ်ဆူ မျက်ရည်သိမ်းမယ်၊
ထိန်းလို့ကွယ် မျှော်နေခဲ့။

စိမ်းမယ်ဆို ပြင်ပြင်စိမ်း၊
ယိမ်းမယ်ဆို လျင်လျင်ယိမ်းပါတော့၊
မိန်းကလေးအသည်းမှာ အနေခက်လှလို့၊
ကြွေရွက်လို ယောင်ချာချာနဲ့၊
တောင်လေလာ မြောက်ကိုသာပဲ၊
ရှောင်သွေခွာ မရောက်လိုတာမို့၊
(မောင်ရေ ..)
နောက်ဆို မလာနဲ့။

တက္ကသိုလ်ဖြူဖြူသီ သီဆိုထားတဲ့ "လွမ်းခဲ့တယ် ပန်းဧည့်သည်" ဆိုတဲ့ သီချင်းကလေးရဲ့ ဒုတိယနှစ်ပိုဒ်ကို ကဗျာအသွင်ပြောင်း ရေးဖွဲ့ထားတာပါ။ မူရင်းသီချင်းမှာကိုက စာသားတွေ နဘေနဲ့ ကာရန်တွေက ကဗျာလေးတပုဒ်လိုမို့လို့ သူ့မူရင်းအတိုင်းကို နည်းနည်းလေးပဲ ပြင်ရပါတယ်။ ငယ်ငယ်တုန်းကတော့ ရေဒီယိုမှာ မြန်မာ့အသံက ခဏခဏလွှင့်ပါတယ်။ အခုတော့လည်း မကြားရတာ ကြာပါပြီ။ အလွန်ကြိုက်မိတဲ့ သီချင်းကလေးတပုဒ်ဖြစ်လို့ အခုလို ရေးကြည့်မိတာပါ။ သီချင်းရေးဆရာ နာမည်များသိရင်တော့ ပြောပြပေးကြပါခင်ဗျာ။
(တက္ကသိုလ်ဖြူဖြူသီ ဆိုတာ အဆိုတော် ဖြူသီပါပဲ။ အရင်က ရေဒီယိုခေတ်မှာ အဲဒီ နာမည်နဲ့ စဆိုတာပါ။ နောက်မှ စတီရီယိုသီချင်းတွေကို ဖြူသီ နာမည်နဲ့ ဆိုတာပါ)

ဖတ်ရှုခံစားပေးတဲ့အတွက် ကျေးဇူးအထူးပါခင်ဗျာ ..
ဟယ်ရီ